Read Kok Borok LOBMUNG 63 Bible Online

LOBMUNG 63 - Kok Borok bible

LOBMUNG 63

¹[18] O Kaitor, nwng’-no ani Kaitor, ani bwkha nono kangwi naitugo; o twi kwrwi kwran ransak hapharo ani sak nini bagwi hángchaui lengpro kha,

²Hakhe ang nini háyá-o naisik kha, aro nini chẃngsachano tei nini pohorno naisigwi tong kha.

³Tamoni hwn ba nini pái phlai ya hamjakma le langmani slái se kaham, ani búkhúk bai nono lobnai.

⁴Hakhe kwthang tong sak ang nono lobnai, ang ani yak tisaui ang nini mungno ringnai.

⁵Ang a chámung kothogo bwkha kochomo, tei ang tongthogwi nono búkhúk bai lobnai.

⁶Horo thuyamo sichaui tongwi ang nono tẃiwi kaichomwi uansugo;

⁷Tamoni hwn ba nwng ani chubamung wngwi phai kha, tei nini kangkhung saklomo ang tongthogwi rwchapnai.

⁸Ani langma nini utung utung khe tongo; nini yagra yak ano romwi tono.

⁹Ani pholano sokomorna bagwi naituknairok bórok ha bisingo ma thángnai;

¹⁰bórok seng bai tantharjak bainai bórok siyalrokni chámungrok wngnai.

¹¹Tamo khe habugra khe Kaitorno tẃiwi tongthoknai; bini mungwi swmai tangnairok lobsajaknai, tamo khe tatal sanairokni búkhúk khe muthupjaknai. Rwchapmung tẃithernaini bagwi Daudni rwchapmung