Read Kok Borok LOBMUNG 84 Bible Online

LOBMUNG 84 - Kok Borok bible

LOBMUNG 84

¹O suarirokni Subraiyung, nini tongthai bwswk se naithothok!

²Ang bwkha bai khe khátang súgo, au ang Subraiyungni nokhla naina muchungwi bwkha dunogo; ani sak-mang tongthokma bai khe Kwthang Kaitorno lobwi rwchabo.

³Nini háyá gana-o chwrwirok suda se tongthai man kha, tok khonjonrok suda bwsa tonnani bagwi bothop man kha, o suarirokni Subraiyung, ani bugra ani Kaitor.

⁴Nini nogo tongnairok, nono lob máng tongnairok hamchajak. Sela

⁵Nini phan bai phankrak wngwi tongnairok hamchajak, bórokni bwkha nini Siyon phaising thángna chapjak.

⁶Bórok Bakani harung tẃi thángwi tong phuru bórok abono twimuk twi chersa rw kha; swkang ua grama uatwini twirokbo abono supungwi rw-o.

⁷Bórok phan bángma saka bángwi phai-o; phankrakrokni Kaitor Siyono nukjaknai.

⁸O Subraiyung suarirokni Kaitor, ani surima khna ja di; o Jakobni Kaitor khunju kai ja si di. Sela

⁹Nai di o chini phui, o Kaitor; nini chongjak bororokni mwkhang naisik di.

¹⁰Nini nokhla-o salsa tongmani le tei kwrẃngsa swgo sal sasai ma tongmani slái kaham kuk. Ang borok hamyani nogo ma tongmani slái ani Kaitorni nok duglam mwrwknai wngwi ma tongmani se kaham kuk.

¹¹Tamoni hwn ba Subraiyung wng kha sal tei phui; bo se khairokmung tei chẃngsacha khlainai. Sutrangrokno Subraiyung kaham khlaina soi ya wng glak.

¹²O suarirokni Subraiyung, nini thani bwkha beraui tongnairok hamchajak. Kurani bwsarokni rwchapmung