Read Kok Borok LOBMUNG 85 Bible Online

LOBMUNG 85 - Kok Borok bible

LOBMUNG 85

¹Subraiyung nwng nini hani kaham khlai kha; nwng Jakobno khajakni kheng kha.

²Nwng nini bororokni samung hamyano nakar kha; nwng bórokni bebak sumsokno kholop kha. Sela

³Nwng bebak nini thamchirokno khibi kha; nwng thamchi tungjakmano khibiui rw kha.

⁴O chini mwthangnai Kaitor, chwngno mwthang ja phi di, tei nwng chwngno jolimano khibi ja di.

⁵Nwng chwngno tamo joli phlai máng da tongnai? Nini jolimano piri piri-o da nwng tonnai?

⁶Nini bororok tongthogwi manna tẃi khe nwng chwngno thangcha rw phi ya da?

⁷O Subraiyung chwngno nini pái phlai ya hamjakmano tei nini mwthangmanobo chwngno rw ja di.

⁸Subraiyung Kaitor samano ang khnanai, tamni hwn ba bo bini bororokno, bini kók khnaui tongnairok tei bini thani bwkha kiphilwi phainairokno kók kwchangno sanai.

⁹Chini ha-o bini chẃngsacha tongwi manna tẃi khe au, mwthangmung le bono kirinairokni samo’-no.

¹⁰Pái phlai ya hamjakma tei kók narwkmani abo kwrẃngsa malainai; bujsói tei khakchangma motom su lai anw.

¹¹Kubui ha sakani bumuk persanai tei bujsói nokhani naikhlainai.

¹²Subraiyung kahamno’-no rwnai tei chini ha bwthái kwbángma tháinai.

¹³Bujsói bini swkang swkang tongnai, tei bini yaprirokni banta lama khlainai. Daudni rwchapmung