Read Kok Borok LOBMUNG 90 Bible Online

LOBMUNG 90 - Kok Borok bible

LOBMUNG 90

¹Subraiyung, nwng’-no piri-piri chini tongthai wngwi phai-o.

²Hatháirok wng ya sini, ha tei o swngcharno nwng snam ya kho sini, mol brúmni simi mol brúmo nwng se Kaitor.

³Nwng chwngno hadlwi khlai phiro, “O borokni bwsarok kiphilwi tháng phi di” hwnwi nwng hwno.

⁴Nokha bisi sasai se nini thani le miya lái thángma sal hai se, abo hor damsa hai simi se.

⁵Nwng bórokno kochok rwi tlango; abórok imang hai se, phung ai khe bachasanai samrok hai;

⁶phung ai khe abo peplasaui torsa-o; sarigo khe hoichaui rampraui thángo.

⁷Tamoni hwn ba nini jolima bai chwng pái thángo; nini thamchini bagwi chwng kirima chá-o.

⁸Chini samung hamyarokno nwng nini bwskango’-no ton kha, chini sumsok huijakrok nini mwkhangni pohor bai sijago.

⁹Nini jolima bai chini bebak salrok lái thángo; chini bisirok rangma na kaisa hai khe pái thángo.

¹⁰Chini thangwi tongna umor snichi se, eba sak rak khe ba charchi; abo aswk pholokjak phano se aro dukhurok bai birmanrok simi se; abórok daktino kwmaui páinai tei chwngbo páiwi páinai.

¹¹Nini jolimani phanno sabo saui mannai tong? Nini jolima le nono kirina nangma swkno kirimasingcha.

¹²Hakhe, chwngno chini salrokno lekhana phrwng di, abo bai chini bwkha-o chwng sinani man anw.

¹³Uphil ja si di, o Subraiyung tei bwswk ler sinai? nini selengrokno khairok ja si di!

¹⁴Phung aidrobo nini pái phlai ya hamjakma bai chwngno bwkha kochom rw ja di, hakhe chwng thangsungo bwkha srangwi tongthogwi man anw.

¹⁵Nwng chwngno sátokma sal swkno, chwng hamya sal manjakma swkno, tobo tongthok rw di.

¹⁶Nini selengrokno tei nini samungrok tei bórokni bwsarokno nini chẃngsachani phanno phunuk di.

¹⁷Chini Subraiyung Kaitorni khairokma chini saka-o tong thung tei chini yakni samungo hamari rw ja di au, chini yakni samungo hamari rw ja di!