Read Kok Borok PHRWNGMUNG 26 Bible Online

PHRWNGMUNG 26 - Kok Borok bible

PHRWNGMUNG 26

¹Sachlang jora-o kothor kwsap tei mai rana jora-o uatwi gothok ya wngma hai’-no butuasani bagwibo bórom gothok ya.

²Chwrwi eba tokblu ayang-uyang tẃi birwi tongma hai ereng-ereng swraimabo abo nang ya.

³Koraini bagwi khe chemuksa, korai chirkani bagwi khe jing tei butuarokni bagwi khe raidang.

⁴Butuano nini butua wngma tẃi’-no kók ta sa di, wng ya khe nwngbo bo haino butuama wngnai se.

⁵Butuarokno bórok butua wngma tẃi’-no bórok bai sa di wng ya khe bo sak-sakno sakni mokolo sinai hwnwi chongnai.

⁶Butuasani khúk tẃi kók tunma le sak sakni yakungno tanma se klai-o tei bo bejua-o klai-o.

⁷Yakung man yani thani yakung le ahaino se; abo haino butuasani thani phrwngma kókbo mungsa chúk ya.

⁸Butuasano bórom khlaima le badukhungo holong khaui tonmani hai se.

⁹Butuasani khukni kók kaham phaima le chuak kephekni yago chor pamani hai se.

¹⁰Makal koknaisa bebakno kwsa cha rw tẃi’-no butuasa eba chuak kephekno samungo phnangnaibo abo haino.[5]

¹¹Sẃi sakni kwbatwi-o kiphilwi tháng phima hai samung cha yano tang phina bagwi kiphil phinai butuasabo abo hai’-no.

¹²Nwng sak-sakni mokolo simi siyan gwnang wngjaknaino da nuk kha? bórokni slái le butuasa se ham kugo.

¹³Selersa hai hwnwi sa-o, “Lama-o singho tongo! laharrogobo singho tongo!”

¹⁴Dugar bini kwchajaknai-o kitingwi yang uáisa ayang uáisa wngwi tongma hai’-no selersabo thuyamo yang uáisa ayang uáisa khe khátiui tongo.

¹⁵Selersa mairango yak rw khe abono haino hai tisaui búkhúgo chámung danabo selerjago.

¹⁶Uansugwi kók sanai khorok snini slái’-bo selersa sakno siyan kwrwng wngjago.

¹⁷Lama him te him te buini uálai ma kókno khnaui daijla wngnaisa le sẃini khunju-o merma hai se.

¹⁸Kobor khoroksa hosunda eba makal kok tẃi khe kokma hai,

¹⁹nok arini borokno bandiui “Ang haino kara se thwngo!” hwnwi sanaibo abo hai’-no.

²⁰Bol kwrwi khe hór ma thwi-o tei kók hunu-hanai sanai kwrwi khe uálai mabo thago.

²¹Hokhi jolo-jolo-o hangar khichon khe tei hór chẃngjago teibo bol rw khe wngma tẃi’-no uálai kwrakbo abo hai wngo.

²²Kók hunu-hanai samarok chámung kothok hai se; abo borokni bwkha bisingo habwi thángo.

²³Khúk kwtẃi[6] tei yang bwkha kosom le, manwi kwchẃng bai khopjak[7] hani takjak mwnwi hai se.

²⁴Bwkha bisingo naislernai le saka saka simi se kaham, bwkha-o khe bandina chapmano se hui tono;

²⁵kena ari khúk kwchang phano wng thung bono poito ta khlai di, tamni hwn ba bini bisingo mungsani hamya chujak tongo;

²⁶bini naislerma belokmung bai khe kholobwi ton phano, bini a cha ya luku bwskango’-no sijaknai.

²⁷Buini bagwi hakhor khur khe bo sakno aro klainai, buini bagwi holong goirok rw khe abo bini saka’-ono goirogwi klai phainai.

²⁸Tatal bwslai tẃinairok bórok hamya khlaima a bororokno naislerjago tei buino bandinai búkhúk khe sokomormung tubu-o.