Read Kok Borok PHRWNGMUNG 6 Bible Online

PHRWNGMUNG 6 - Kok Borok bible

PHRWNGMUNG 6

¹Sajla, tumung nwng nini nok arini khoroksa swkno kók rw khe tei nwng khoroksa swkni bagwi kók kwrak khe kók rwmani tong khe

²nwng nini khukni kók bai khẃi-o kwcha khe, eba nini sakni kókrok bai romjagwi tong khe,

³hakhe o angsla nwng aphuru khe buini yapha-o klai laha, aphuru khe sakno yók rwna bagwi nwng omo tẃi khlai di: A nini nok ari borokni aro doui tháng di tei bono koiwi saui di.

⁴Nwng nini mokolno ta muthu di tei nini múkurnobo ta gorop rw di;

⁵nwng sakno mwswi poluanni yakni yók tẃi khe tei tok khẃi thonnaisani yakni yók tẃi khe yók di.

⁶O selersa, nwng muisrumni thani tháng di tei bini tháng laisumarokno nai di tei siyan kwrwng wng di.

⁷Bugrabo kwrwi dagiphangbo kwrwi twtwi se,

⁸bo sachlang phuru chámung thumwi narwgo tei tangbla phuru abórokno khatiui narwgo.

⁹O selersa tei bwswk nwng aro thu-ui tong sinai? Nwng ba buphuru thumani sicha sinai?

¹⁰Tei srapsa thu grana tei kisa lengla gra anw tei kisa yak kwbagwi lengla grana, hwnwi tongwi

¹¹hakhe nini thani biyal dagait hai khe phai anw tei da-seng gwnang sengkrak hai khe phai anw.

¹²Thentarok tei borok hamyarok kók hamya saui berai lai-o,

¹³mokol muphligwi, yakung bai khe, yasirok kaiwi tail khe phunugui sa-o,

¹⁴bwkha cha ya bai khe hamya chabo tei uálaimung máng tubu-o;

¹⁵abo tẃirokni thani achomsa digi-sigi phaiwi klai phainai; mokol muphlik kaisa bai’-no deraui thángnai tei ham rw phirwi man phi glak.

¹⁶Subraiyung o mungdokno naislerjago tei mungsninino khe bo seleng jago:

¹⁷borok kungtha-thang khe naisikma, tatal sanai bwslai, borok kahamrokno butharnai yak,

¹⁸hamyarok chapnai bwkha tei samung hamya tangna bagwi yapri phor-phor,

¹⁹buini bagwi kók tatal sanai tei núkhungo takhuk bukhukrokno uálai rwnai.

²⁰Sajla, nwphani dagi langmarokno tẃi di tei nwma phrwngmarokno ta khibi di.

²¹Abórokno nini bwkha-o máng chu-ui ton di; tei nini kotogo khe kanwi tong di.

²²Nwng him phuru khe abórok nono lama phunuknai; nwng thu phuru khe nono mwrwknai; tei nwng sicha phuru bórok nwng bai khe kók sanai.

²³Tamni hwn ba dagimungrok wng kha chati tei phrwngmungrok khe pohor, phrwngna bagwi khoraima khe thangsungni bagwi lama se,

²⁴abo nono tongmung sitra tongnai bwrwini yakni kati rwnai tei khúk kwtẃi sanai baliknai bwrwini yaknibo kati rwnai.

²⁵Nwng bini naithokmano ta khatung di, nwng bini mokol bai ta romjak di;

²⁶tamni hwn ba mai phatisa bai’-no bwrwi sak phalnaino paiwi mano, tamo khe buini bihik bai uaija khe le chwlani langma se naui páinai.

²⁷Sabo khaklabo khe hórnoba bini rírok kham ya tẃi khe tẃi tonwi mannai?

²⁸Eba hokhi bothrai saka tẃi kebo yakung kham yaui himwi mannai da tong ba?

²⁹Hakhe khoroksa swk bini nok arini bihik bai thu lai-chá lai wngnai; buini sak tangnai bororokbo majra berwi sátokjak yaui tong glak.

³⁰Ok khuijagwi tong phuru simi chána bagwi mai khoknaisa sikhokno bororok aswk le chajak ya wng ya.

³¹Phiya bo manjak khele bo khokmani aboni slái uáisnini bára su-ui ma rwnai; tei bini nokni bebak manwirokno ma rwnai.

³²Buini bihikni thani thángnai le uansukna se rwng ya; abo hai wngnai borok bo sakno se sokomorma klai-o.

³³Bo, bujaknai tei lachimung mannai tei bini mung hamya tei hujak phlai glak.

³⁴Tamni hwn ba risi se bwsaino belai khe joli rw-o tei bo yagul su phuru khe phiyók glak.

³⁵Bo mungsa phano nini thani na glak, manwi kahamrok tuk phano bo abono yachak glak.