Read Kok Borok RWCHAPMUNG 3 Bible Online

RWCHAPMUNG 3 - Kok Borok bible

RWCHAPMUNG 3

¹Horo ani thuyamo, khájani borokno naituk kha; ang bono naitugwibo man li ya.

²“Ang tabuk bachaui kamiyungo thángnai, lama tei lamprarogo thángnai; ang ani hamjakma borokno naituknai.” Ang bono naituk kha tamo khe man li ya.

³Kami mwrwknairok himgurungwi tong phuru ano nuk kha. “Ani hamjakma borokno nuda nuk kha?” hwnwi ang bórokno sẃng kha.

⁴Ang bórokno kisa lái kheno ang bono malai kha. Ang bono romwi ani amani nogo tubu ya sak tei ang ogo chujakmani thongaro tlang ya sak kwrak khe rom kha tei yakar li ya.

⁵O Jerusalemni bwrwirok, ang auarni mwswirokni mung bai koiwi sa-o, norok ani hamjakmani borokno jora sók phai ya sini tungphla rwui ta sicha rw di!

⁶Mur tei thok motom báhai khe, phalnairokni bebak langi thok motom báhai bai khe, sabo hokuno kosol khe hasing panthorni phaiwi tong?

⁷Uko naisik di, Solomonni uáying! Aboni yang ayang khorok dokchi Israilrokni phankrak kukni phankrak kukrok,

⁸norok bebakno seng tẃi laijak tei choba kwrwng gwja, bórok bwchango seng khaui, bebakno kirimasingcha horni bagwi tiyar wng laijak.

⁹Habugra Solomon, sakni bagwi Lebanonni buphang bai uáying tan kha.

¹⁰Bo aboni thongla khe rukphaini snamjak, tei uklok khe rangchakni, achukthai rí khe somkhrang gapni; bisingo khe Jerusalemni bwrwirokni hamjakma bai khe chithijak.

¹¹O Siyonni bwrwirok, ongkhorwi phai di habugra Solomonno nai phai di. bo káijak phuru buma bai thup rwjakma tei bo bwkha tongthokma salo motokno thup rwjak kha.