Read Kok Borok JISAIA 20 Bible Online

JISAIA 20 - Kok Borok bible

JISAIA 20

¹Asiriyani habugra Sargon bai dagijagwi sengkrak bokhorok Asdodno segwi na di hwnwi dagijak kha hakhe bo phaiwi bo bai choba nang laiwi abono segwi na kha.

²A jora-o Subraiyung Amojni bwsla Jisaiani khúk tẃi hai hwnwi sa kha, “Nwng nini sakni rí soroino khuk di tei nini yakungni yaklapno sokok di,” hakhe bo abo haino khlai kha yakung bukcha khe him kha.

³Subraiyung sa-o, ani seleng Jisaia nokha bisik tham rí kwrwi tei yakung bukcha khe himmani abo Ijip bai Ithiopiani bagwi kaisa mari tei bórokno hus khlaiwi rwma se.

⁴Hakhe Asiriyani habugra bai Ijipsong tei Sudansong romjagwi khaui tlangjaknai, bórokni chwrai tei okra bebakno’-no rí kwrwi khe yakung bukcha khe tei khichlang nukjak rwui Ijipno ma lachiui tlangwi thángjaknai.

⁵Aphuru khe Ithiopiani saka-o bwkha berama tei Ijipni bagwi kung chukma páiwi thángwi ma moknai.

⁶A jora sók phai khe Philistiani hani twi rukungo tongnairok hai hwnwi sa lainai, “Nai di chwng khatungmani a hani tamo wng kha! tei chwngno Asiriyani yakni phiyók anw tei kati rw anw hwnwi chubachuni bagwi thángmani tabuk hakhe chwng tamo khe yók lai sinai?”