Read Kok Borok JISAIA 4 Bible Online

JISAIA 4 - Kok Borok bible

JISAIA 4

¹A salo bwrwi khoroksnirok khoroksa chwlano romwi hai hwnwi sa lai anw, “Chwng chini sak sakni chámung’-no chánai, sak sakni’-no rí-chumrok chumnai, tamo khe chwngno nini bumung bai simi nungjak rwja di; nwng chini lachimungno kholop ja di!”

²A salo Subraiyungni bedek naithok tei chẃngsacha wngnai ha-o tháimani bwtháirok yógwi tong rwknai Israilrokni bagwi kung chukjaknai tei chẃngsacha wngnai.

³Siyono karwi klangjaknairok tei Jerusalemo tong rwknairok, kwthang tongwi Jerusalemo bumung tisajaknairok, bórok kwthar hwnwi ringjaknai.

⁴Subraiyung buj thummani phola bai tei sóknai phola bai Jerusalemni thẃini marino swkagwi kuphur khlainai. Subraiyung Siyonni bwrwirokni hamyarokno sú-ui khibinai.

⁵Hakhe Subraiyung Siyonni hachukni bebago’-no tei bórok kuthum laimani saka-o salo khe chumui bai hoku, phiya horo khe chẃngjak hórjlai snamnai, tamo khe, bebak chẃngsachani saka-o katimung tongwi tongnai.

⁶Tei salo kutungni yókna bagwi saklom tei nokbar uatwini jora-o bathaknani tei tongthaini bagwi kaisa ríni nok tongnai.