Read Kok Borok JISAIA 64 Bible Online

JISAIA 64 - Kok Borok bible

JISAIA 64

¹Nwng nokharokno swplaui ongkhorwi phai di, hatháirok nini bwskango kwlwibra-o.

²Bocheng burungo hór phnangma hai tei hór bai twi muthungma hai khe, nini arirokno nini mungno saui man rw di, nini bwskango dopharok ma kwlwibra thung.

³Nwng, chwng uansugwi man ya kirimasingcha samung khlai phuru, nwng nongkhorwi phai khe, hatháirok nini bwskango kwlwibra-o.

⁴Tamo khe swkangrogo khoroksa phano omo hai nubo nuk ya kho eba khunju bai bo khna ya kho, khoroksa phano nono karwi Kaitor tongo hwnwi nuk ya kho, bo bono naisingwi tongnairokni bagwi samung tango.

⁵Bwkha tongthogwi sói khe nini kók khnanairokno tei samung khlainairokno nwng chuba-o, tamo khe chwng sumsok khlai khe nwng jolijago. Jora kolokmano chwng sumsok bai tongwi phai kha; chwng mwthangjagwi da manno?

⁶Chwng le bebakno kwthar ya wng kha, chini bebak sói kubui khe tongmarok rí soroi bai baksa wng kha; chwng bebakno buphang bwlái hai mwranjak tei chini cha yarok bebak nokbar hai chwngno kobonwi tlang kha.

⁷Khoroksa phano nini bumung khu-ui ringnai kwrwi kha; tei nono manna bagwi chaitoknai bo kwrwi kha; aboni bagwino nwng chini thani nini mwkhangno hui kha tei chwngno chini cha ya-chúk yani yago gele rwui rw kha.

⁸Hai phano, O Subraiyung nwng chini apha, chwng harpek se tei nwng chini twk taknai; chwng bebakno nini yak bai takjak manwi se.

⁹O Subraiyung belai ta joli ja di; tei mol brúm brúm cha ya-chúk yarokno muitu ta khlai ja di. Naisigwi nai di, uansuk phi di, chwng bebakno nini bororok máng se.

¹⁰Nini kamiyung kwtharrok bebak bolong wng bai kha, Siyon bolong kha ka, Jerusalem bo bukcha wng kha.

¹¹Chini chuchusong nono lobmani tei chini a kwthar tei naithok nok bebak hór bai kham bai kha tei chini tongthotok bebak harok bái klaijak máng.

¹²O Subraiyung, omorokno nugwi phano da nwng bathagwi tongnai? Nwng siring siring da tong sinai tei chwngno tei bo de manjak rwui ton sinai?