Read Kok Borok ESEKIEL 15 Bible Online

ESEKIEL 15 - Kok Borok bible

ESEKIEL 15

¹Subraiyung ano hai hwnwi sa kha,

²“Borokni sajla, o angurni buphang ba tamo bolongni tei kubun buphangrokni slái da ham kuk? Orono angurrokni bedekrok ba tei bolongni buphangrokni slái kaham kuk da klai?”

³Mungsa swk manwi snamna bagwi aboni buphang da najak ba? Eba borok khoroksa swk aboni buphang bwklap snamwi aro manwirok de khachinani bagwi snamwi de man ba?

⁴Nai di, abo hór mwchẃngnani bagwi khiklai rwjago; hór babainwi buchuk bwkhak kham rwui pái-o kwcharobo khamwi-o. Hakhe abo tei tamo samungo chúk sinai?

⁵Nai di, abo haino bebak tong phuru’-obo mungsa chúk ya, tabuk hór bai khamwi pái khe tei abo bai mungsa samungo chúk rwui man li ya.

⁶Aboni bagwino kwplaisa Subraiyung hai hwnwi sa-o, Ang bolongni kwbángma buphangrokni bisingo angur buphangno hór bai kham rwnai buphang khlaima haino ang Jerusalemo tongnai bororoknobo abo haino khlainai.

⁷Ang bórokno naisik glak, bórok hórni yógwi phai phano, hór bórokno kham rwui páinai. Tei ang bórokno naisik li ya hwn khe, “Ang se Subraiyung hwnwi bórok saui mannai.”

⁸Bórok kók khna yani bagwi hano bukcha khlainai hwnwi Subraiyung sakhlai-o.