Read Kok Borok LEKHAMUNG 2 Bible Online

LEKHAMUNG 2 - Kok Borok bible

LEKHAMUNG 2

¹Subraiyung Musi bai Aronno sa kha,

²Israil bororok batham kha lai phuru khe borok mathe sak sakni berem tei búchusongni bodol bai khe batham ma khanai; bórok ríni nokno kitingwi batham ma khanai.

³Judani batham khe salkabai salka bwkhak wngnai abórokni batham khe sakni logisong bodolni banani samo ma wngnai bórokni tẃiphang khe Aminadabni bwsla Nason.

⁴Tei bini logisong bodol khorok 74,600 ká-o.

⁵Aboni samni batham khe Isakar bosongni tei bórokni tẃiphang khe Juarni bwsla Nethanel.

⁶Bini logisong bodol bai bebagwi khorok 54,400 ká-o,

⁷hakhe Jebulun: Jebulunni tẃiphang khe Helonni bwsla Eliab.

⁸Bórok wng kha bebagwi khorok 57,400 ká-o.

⁹Juda bathamni logisong bodol khe bebagwi khorok 186,400 ká-o bórokni bodol khe buini slái swkang ma thángnai.

¹⁰Rubenni bodolrok khe salgrabai bwkhago batham ma khanai, Rubensongni tẃiphang khe Sedeurni bwsla Elijur.

¹¹Bórokni logisong bodol khe bebagwi khorok 46,500 ká-o.

¹²Aboni ulo khe Simion bosongni batham wngnai, Simionrokni tẃiphang khe Jurisadaini bwsla Selumiel.

¹³Bórokni logisong bodol khe bebagwi khorok 59,300 ká-o.

¹⁴Aboni ulo khe Gad bosong bórokni tẃiphang khe Reuelni bwsla Eliasap.

¹⁵Bórokni logisong bodol khe bebagwi khorok 45,650 ká-o.

¹⁶Rubenni bebak bathamni logisong bodol bebagwi khorok 151,450 ká-o, Rubenni bodol khe swkangni ulo ma thángnai.

¹⁷Hakhe bebak bathamni kwcharo khe Lebirokni bathamo ríni nokno dului ma tẃi lainai, bebakno sak sakni bodol bai khe sakni banani samo khe ma himnai.

¹⁸Saltháng bwkhak khe Ephraimni bodolrok batham ma khanai, Ephraimni tẃiphang khe Aminahudni bwsla Elisama.

¹⁹Bórokni logisong bodol khe bebagwi khorok 40,500 ká-o.

²⁰Aboni ulo khe Manase bosong, Manase borokrokni tẃiphang khe Pedajurni bwsla Gamaliel,

²¹bórokni logisong bodol khe bebagwi khorok 32,200 ká-o.

²²Tabuk khe Benjamin bosong, Benjaminsarokni tẃiphang khe Gideonini bwsla Abidan.

²³Bórokni logisong bodol khe bebagwi khorok 35,400 ká-o.

²⁴Ephraim bathamni logisong bodol bebagwi khorok 108,100 ká-o. bórok khe kainwi bodolni ulo ma himnai.

²⁵Salsibai bwkhago khe Danni bodolrok batham ma khanai, bórokni tẃiphang khe Dan bosongni Amisadaini bwsla Ahiejer.

²⁶Bórokni logisong bodol khe bebagwi khorok 62,700 ká-o.

²⁷Abórokni bathamni ulo khe Aser bosong, Aserrokni tẃiphang khe Ochranni bwsla Pagiel.

²⁸bórokni logisong bodol bebagwi khorok 41,500 ká-o.

²⁹Hakhe Naptalini bosong khe; Naptalirokno tẃidulnai khe Enanni bwsla Ahira,

³⁰bórokni logisong bodol khe bebagwi khorok 53,400 ká-o.

³¹Dan bathamo bebagwi khorok 157,600 ká-o. Danni bodolrok khe páithago dolthamni ulo ma thángnai.

³²Bebak Israilni bororokno bodol khagwi lekhamani wng kha bebagwi khorok 603,550 ká-o.

³³Subraiyung Musini thani dagimani khe hai Israilrokni bisingo Lebirok khe lekhajak bai li ya.

³⁴Hakhe Subraiyung Musino dagimani khe hai, Israil bororok bebak khlai lai kha bórok sakni beremni bodol bai khe batham kha lai kha tei bórok tháng lai kha.