Read Kok Borok LEKHAMUNG 28 Bible Online

LEKHAMUNG 28 - Kok Borok bible

LEKHAMUNG 28

¹Subraiyung Musino hai hwnwi sa kha;

²“Israil lukurokno dagiui tei bórokno hai hwnwi sa di, ‘Ani chongjak jora’-ono, hór bai khe motomsajak khe ani chámungno ma yaphar bainai.’

³Nwng bórokno hai hwnwi sa di, ‘Norok o hór bai khe sógwi yaphar mung Subraiyungni thani-o ma yaphar bainai, derajak kwrwi bisi kaisani mera bwsa maknwi, sal brúm brúm omono cho ya khe ma yapharnai.

⁴Mera bwsa masa phungo ma yapharnai tei masa mera bwsano khe san ja-o ma yapharnai.

⁵Epha kaisani chi-o kaisa auan kwsapni bagwi maichlam ma yapharnai tei thok kaham hin kaisani banta brwi-o kaisa ma yapharnai.’ ”

⁶Omono Sinai hathái-o puila Subraiyungni thani sal brúm brúm báhai motom sógwi yapharmani chengsa gra-o.

⁷Bórok nungmung ma yapharnai. Abo mera bwsa masani bagwi hin kaisani banta brwi-o banta sa, háyá kwtharo chuak kwprapno Subraiyungni thani ma yapharnai.

⁸Tei masa mera bwsano khe sanja-o ma yapharnai, phungo maichlam yapharmani hai khe nwng omono bo hór bai sógwi báhai motom Subraiyungni thani-o ma yapharnai.

⁹“Sabat salo yapharjaknai khe nokha bisi kaisani mera bwsa maknwi mungsa derajak kwrwi ma wngnai tei auan kwsap yapharmungni Epha kaisani chi-o kainwi auan kwsap thok kaham bai buljak tei nungjaknai yapharmung ma tongnai.

¹⁰Omo sal brúm brúm sógwi yapharmani tei nungjaknai yapharmano karwibo Sabat salo sógwi ma yaphar phinai.

¹¹“Talni yaphangni simi nwng Subraiyungni thani-o sógwi yaphar mung ma yapharnai. abo musuk maknwi, mera masa, nokha bisi kaisani mera bwsa derajak kwrwi maksni ma rwnai.

¹²Tei bo bwchlwi-bokol yapharmungni bagwi epha kaisani chi-o kaitham auan kwsap thok kaham bai buljak musuk masani bagwi ma yapharnai tei bwchlwi-bokol yapharmungni bagwi auan kwsap kaham chi-o kainwi thok bai buljak mera bwsa masani bagwi ma yapharnai.

¹³Mera bwsa matheni bagwi bwchlwi-bokol yapharmung chi-o kaisa auan kwsap kaham thok bai buljak ma yapharnai, hór bai sógwi báhai motom Subraiyungni thani-o ma yapharnai.

¹⁴Masa masa musukni bagwi chuak yaphar mung hin kaisani khak sa ma yapharnai, mera chwla masani bagwi hin kaisani chi-o kaitham, mera bwsani bagwi hin kaisani chi-o kaibrwi ma yapharnai. Omo hai khe bisi kaisa-o tal brúmni puilani salo sógwi ma yapharnai.

¹⁵Phiya sumsok yapharmungni bagwi Subraiyungni thani-o punjua masa ma yapharnai, omo hai khe sal brúm sógwi yapharmani tei nungmung yapharmano karwi ma yapharnai.

¹⁶“Bisini puila talni chibrwini sal khe Subraiyungni yókma Terni sal.

¹⁷Nokha Sal chibani salo khe pandani sal klai-o, nokha salsnini jora chuan bul ya khe auang ma chá lainai.

¹⁸Puilani salo bebak kwthar khe kuthum lai di tei aphuru mungsa samung ta tang lai di.

¹⁹Phiya ba aphuru Subraiyungni thani hór bai sógwi yaphar lai di, musuk beres maknwi, mera chwla masa tei maksni nokha bisi kaisani mera bwsa derajak kwrwino ma yapharnai.

²⁰Tei bórokni maichwlwi yapharmungni bagwi auan kwsap thok kaham buljak, musuk masani bagwi epha kaisani chi-o kaitham tei mera masani bagwi chi-o kainwi ma yapharnai.

²¹Mera bwsa ma sa masani bagwi khe chi-o kaisa ma yapharnai,

²²tei sumsok swkakna yapharmungni bagwi khe punjua ma sa ma yapharnai.

²³Nwng o yapharmungrokno khe sal brúm brúm phungo sógwi yapharmano karwi se ma yapharnai.

²⁴Omo hai khe máng’-no nwng sal brúmo nokha salsni ma yapharnai, hór bai khe motom chámung Subraiyungni thani-o ma yapharnai. Omorokno sal brúm brúm sógwi yapharma bai nungmung yapharmano karwi se ma yapharnai.

²⁵Nokha salsnini salo khe norok bebak kuthummung kuthum lai di, aphuru mungsa samung ta tang lai di.

²⁶“Mai kwtal yapharmani pandani puilani salo, nwng Subraiyungni thani-o mai kwtal yaphar phuru khe, norok kwthar khe ma kuthum lainai tei aphuru mungsa samung ta tang di.

²⁷Hwn ba aphuru Subraiyungni thani-o musuk maknwi, mera masa tei nokha bisi kaisani mera bwsa maksni sógwi motom yapharmung yaphar di,

²⁸tei bo bórokni maichlam yapharmungni bagwi auan kwsap thok kaham bai buljak, musuk masani bagwi epha kaisani chi-o kaitham, mera masani bángwi chi-o kainwi ma yapharnai.

²⁹Mera bwsa ma sa masani bagwi khe chi-o kaisa ma yapharnai.

³⁰Nini sumsok swkaknani bagwi khe punjua ma sa ma yapharnai.

³¹Nwng sal brúm sakni yapharmani bai maichlam yapharmano karwi, nwng omorokno nungmung ma yapharnai. Tei omorok derajak kwrwi ma wngnai.