Read Kok Borok LEKHAMUNG 33 Bible Online

LEKHAMUNG 33 - Kok Borok bible

LEKHAMUNG 33

¹Israil lukurok Musi bai Aronno tẃiphang songwi Ijip hani nongkhorwi phaiwi kitingwi tongmani a harok wng kha omo hai.

²Musi Subraiyung bai tholjakmani haino bórok lam rwnani cheng phuruni simi swiwi narwk kha, omorok wng kha bórok kitingmani a harok.

³Israil lukurok Ramaseni tal yaphangni salchibani salo, yókma terni panda páimani teini salo Ijip hani bebak lukurokni bwskango kwplai khe nongkhorwi tháng lai kha.

⁴Aphuruni jora-o Ijipni bororok, Subraiyung buthar baimani bwsa okrarokno phob laiwi tong bai-o tei Subraiyung bórokni mwtairoknobo mechenwi buj thum kha.

⁵Hakhe Israil lukurok Ramaseni lam rwui Sukoto batham khlai phai kha.

⁶Bórok Sukotni lam rwui hasing panthorni ha ari Ethamo batham khlai kha.

⁷Bórok Ethamni lam rwui Bal Sephonni salka bwkhak Pihahirot phaising uphilwi Migdol gana-o batham khlai lai kha.

⁸Bórok Pihahirotni lam rwui twijlang kwchar tẃi laiwi hasing panthoro hap lái phai kha. Tei Etham hasing panthoro nokha saltham him laiwi Mara-o batham songcha lai kha.

⁹Bórok Marani lam rwui Elimo sók phai lai kha. O Elimo kai chinwi twimuk kwthang tei phangsnichi khajuri buphangrok tongo, bórok arono batham songcha lai kha.

¹⁰Bórok Elimni lam rwui Twijlang Kwchak gana-o batham kha lai kha.

¹¹Bórok twijlang kwchakni lam rwui Sin hasing panthoro batham songcha lai kha.

¹²Bórok Sin hasing panthorni lam rwui Dophka-o batham kha lai kha.

¹³Bórok Dophkani lam rwui Alus-o batham kha lai kha.

¹⁴Bórok Alusni lam rwui Rephidimo batham songcha lai kha. Aro-o bororokni nungnani twi kwrwi kha.

¹⁵Bórok Rephidimni lam rwui Sinai hasing panthoro batham songcha lai kha.

¹⁶Bórok Sinai hasing panthorni lam rwui Kibrot-hataba-o batham kha lai phai kha.

¹⁷Bórok Kibrot-hatabani lam rwui Haseroto batham kha lai phai kha.

¹⁸Bórok Haserotni lam rwui Rithma-o batham songcha lai kha.

¹⁹Bórok Rithmani lam rwui Rimon Pereso batham songcha lai kha.

²⁰Bórok Rimon Peresni lam rwui Libna-o batham kha lai phai kha.

²¹Bórok Libnani lam rwui Rissa-o batham kha lai kha.

²²Bórok Rissani lam rwui Kehelatha-o batham songcha lai kha.

²³Bórok Kehelathani lam rwui Sepher hachugo batham kha lai phai kha.

²⁴Bórok Sepher hachukni lam rwui Harada-o batham songcha lai kha.

²⁵Bórok Haradani lam rwui Makheloto batham songcha lai kha.

²⁶Bórok Makhelotni lam rwui Tahato batham kha lai phai kha.

²⁷Bórok Tahatni lam rwui Tera-o batham songcha lai kha.

²⁸Bórok Terani lam rwui Mithka-o batham kha lai phai kha.

²⁹Bórok Mithkani lam rwui Hasmona-o batham kha lai phai kha.

³⁰Bórok Hasmonani lam rwui Moseroto batham songcha lai kha.

³¹Bórok Moserotni lam rwui tei Benejakano batham kha lai phai kha.

³²Bórok Benejakanni lam rwui tei Horhagidgado batham kha lai kha

³³Bórok Horhagidgadni lam rwui Jotbatha-o batham kha lai phai kha.

³⁴Bórok Jotbathani lam rwui Abrona-o batham kha lai phai kha.

³⁵Bórok Abronani lam rwui Esiongebero batham kha lai phai kha.

³⁶Bórok Esiongeberni lam rwui hasing panthor Sino batham kha lai phai kha (omono Kades).

³⁷Bórok Kadesni lam rwui Idomni ha ari Hor hachugo batham kha lai phai kha.

³⁸Ochai Aron Subraiyung tholmani hai khe Hor hachugo kasaui thángwi, Israil bororok ha Ijipni nongkhorwi phaimani nokha bisi brwichini talba talni puilani salo aro thwi kha.

³⁹Hor hachugo Aron thwi phuru khe bini umor nokha bisi sara-nwichitham wng kha.

⁴⁰Kanan hani Negebo tongnai Aradni habugra Israilrok phaiwi tong bai kha hwnwi khna kha.

⁴¹Hakhe bórok Hor hachukni lam rwui Salmona-o batham kha lai phai kha.

⁴²Bórok Salmonani lam rwui Punono batham kha lai kha.

⁴³Bórok Punonni lam rwui Oboto batham kha lai phai kha.

⁴⁴Bórok Obotni lam rwui Ie-abarimo batham kha lai phai kha.

⁴⁵Bórok Ie-abarimni lam rwui Dibongado batham kha lai phai kha.

⁴⁶Bórok Dibongadni lam rwui Almon-diblathaimo batham kha lai kha.

⁴⁷Bórok Almon-diblathaimni lam rwui Nebo ganani Abarim hachukrogo batham kha lai phai kha.

⁴⁸Bórok Abarim hachukrokni lam rwui Jerikoni Jordan rukung ha panthor Moabo batham kha lai phai kha.

⁴⁹Bórok aro Jordan gana-o Bet-Jesimotni simi Abel-sitim jora ha panthoro Moabo’-no batham kha laiwi tong lai gra kha.

⁵⁰Jerikoni Jordan rukung ha panthor Moabo Subraiyung Musino hai hwnwi sa kha,

⁵¹norok Jordanno bárwi Kanan ha-o sók phai khe: “Nwng Israil bororokno sa bai di,

⁵²norok o ha-o tong bainai bebak bororokno norokni bwskangni rwkhlaiwi ma rohor bainai tei bórokni bebak takjak holongrokno sukhrup bai di, bebak mwtairokno sukhrup bai di. Hakhe bebak bórokni háyá kuchukrokno swbaiwi rw bai di.

⁵³Norok o hano segwi na baiwi aro achuk lai bai si di, tamni hwn ba ang norokno o hano yapharwi rw kha.

⁵⁴Norok bosong thwgwi o hano pat kar rwi ha banta khe na lai di, bosong kotorno khe kwbáng khe rw di, bosong báng thayano khe kisa kuk khe rw di, pat karwi klaimani’- ono bini ha banta wngnai. Norokni buphasongni bosong tongmani tẃi’-no banta wngnai.

⁵⁵Phiya ba norokni bwskangni aro ha-o tong bainairokno rwkhlai rohor ya hwn khe, norok mwthangwi narwkmani o bororokno norokni mokolni phón wngnai tei norokni bagwi busu wngwi bacha bainai tei norok tongmani ha-o norokno tekto rwnai.

⁵⁶Tei ang bórokno khlainani hwnwi chongmani hai’-no noroknobo khlai sinai.”