Read Kok Borok LEKHAMUNG 7 Bible Online

LEKHAMUNG 7 - Kok Borok bible

LEKHAMUNG 7

¹Musi Kaitorno khulummani nok tang baimani salo tei aroni bebak manwi khwnwirokno thok phulwi kwthar khlai kha tei aroni háyá bai khurirokno kwthar khlai kha.

²Hakhe Israilni tẃiphangrok, núkhungni bokhorokrok bosongni bokhorokrok lekhajak bororokni saka-o bokhorok chongjakrok yapharmung yaphar kha.

³Hakhe bórok yapharmung Subraiyungni thani kaidok kholopjak musukni malkhung bai khe tei mak chinwi beres tei bojro khe tẃiphangrokni bagwi tei khorok thwgwi musuk beres masa tubu laiwi abórokno yaphar lai kha.

⁴Aphuru Subraiyung Musino hai hwnwi sa kha,

⁵“Omorokno bórokni yakni yachak di, abórokno Kaitorni nokni bagwi samungo phnangjaknai tei Lebirokno bórokni samung nangmani tẃi rw di.”

⁶Hakhe Musi musukni malkhungrok tei beresrokno naui Lebirokno yaphar kha.

⁷Khungnwi musukni malkhungno naui beres mak brwino Gersonni bwsarok samung nangmani tẃi rw kha.

⁸Tei khung brwi musukni malkhung bai beres mak char, Merarini bwsarokno bórokni samung nangmani tẃi rw kha. Bórok bebak Aron ochaini bwsla Ithamar samani tẃi khe samung ma tang bai anw.

⁹Phiya ba Musi Kohatni bwsarokno khe mungsa yaphar li ya tamni hwn ba kwthar manwirokno bórokni bangora-o ma tẃi anw, abo se bórokni chongjakmani.

¹⁰Hakhe háyáno thok phulwi chengsa phuru khe tẃiphangrokbo yapharmung tubu-ui, háyá bwskango yaphar lai kha.

¹¹Subraiyung Musino, “Salo khoroksa khe tẃiphangrok bórokni yapharmungno háyá-o ma yapharnai,” hwnwi sa kha.

¹²Puilani salo yapharnai khe Juda bosongni Aminadabni bwsla Nason.

¹³Bini yapharmani Kwthar thai (háyáni) sekel bai baksa rukphaini mairang tháisa abo hilikmani-130 sekel wngo tei rukphaini yak sújaknai dangai kaisa abo hilikmani 70 sekel wngo, omorok kainwi’-no mai kwtal yapharmung thok buljak auan kwsap bai kupulung.

¹⁴Satrai motom kupulung rangchakni khuri kaisa abo 10 sekel wngo;

¹⁵sógwi yapharmungni bagwi musuk masa, mera masa tei bisi kaisani mera chwla masa,

¹⁶sumsokni yapharmungni bagwi bisi kaisani punjua masa,

¹⁷khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omono Aminadabni bwsla Nason yapharmani.

¹⁸Nokha salnwini salo khe Isakar bosongni tẃiphang Juarni bwsla Nethanel bini yapharmungno tubu kha.

¹⁹Bini yapharmani kwthar háyáni sekel bai baksa, rukphaini mairang tháisa, abo hilikmani 130 sekel wngo tei rukphaini yak sújaknai dangai kaisa abo hilikmani 70 sekel wngo. Omorok kainwi’-no mai kwtal yapharmungni thok buljak auan kwsap bai kupulung.

²⁰Satrai motom kupulung rangchakni khuri kaisa, abo sekel 10 wngo.

²¹Sógwi yapharmungni bagwi musuk masa, mera masa tei nokha bisi kaisani mera chwla masa

²²sumsok yapharmungni bagwi punjua masa

²³khakchangma yapharmungni bagwi khe musuk maknwi, mera mak ba, pun mak ba tei nokha bisi kaisani mera chwla mak ba, omo’-no Juarni bwsla Nethanel yapharmani.

²⁴Nokha salthamni salo khe Jebulun bororokni tẃiphang Helonni bwsla Eliab bini yapharmungno tubu kha.

²⁵Bini yapharmani kwthar háyáni sekel bai baksa, rukphaini mairang kaisa abo hilikmani 130 sekel wngo, rukphaini yak sújaknai dangai kaisa abo hilikmani 70 sekel wng o, omorok kainwi’-no mai kwtal yapharmungni thok buljak auan kwsap bai kupulung.

²⁶Satrai motom kupulung rangchakni kaisa abo 10 sekel wngo.

²⁷Sógwi yapharmungni bagwi musuk masa, mera masa tei nokha bisi kaisani mera chwla masa.

²⁸Sumsok yapharmungni bagwi punjua masa,

²⁹khakchangma yapharmungni bagwi khe musuk maknwi, mera mak ba, pun mak ba. Omono Helonni bwsla Eliab yapharmani.

³⁰Nokha sal brwini salo khe Rubensarokni tẃiphang Sedeurni bwsla Elijur bini yapharmungno tubu kha.

³¹Bini yapharmani kwthar háyáni sekel bai baksa, rukphaini mairang tháisa, abo hilikmani sekel 130 wngo tei rukphaini yak sújaknai dangai kaisa abo hilikmani sekel 70 wngo, omorok kainw nwi’-no mai kwtal yapharmungni bagwi musuk masa, mera masa, nokha bisi kaisani mera chwla mak ba, omono Sedeurni bwsla Elijur yapharmani.

³²Rangchakni mairang kaisa kupulung satrai abo hilikma 10 sekel ká-o.

³³Sógwi yapharna bagwi musuk masa, mera masa, tei nokha bisi kaisani mera chwla masa;

³⁴sumsokni yapharmungni bagwi punjua masa;

³⁵khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omo’-no Sedeurni bwsla Elijur yapharmani.

³⁶Nokha salbani salo khe Simion bosongni tẃiphang Jurisadaini bwsla Selumiel yapharmung tubu kha.

³⁷Bini yapharmani rukphaini mairang kaisa abo hilikmani 130 sekel ká-o, kaisa rukphaini dangai abo khe 70 sekel, omorok kainwi’-no mai kwtal yapharmungni thok buljak auan kwsap bai kupulung.

³⁸Rangchakni mairang kaisa kupulung satrai abo hilikma 10 sekel ká-o.

³⁹Sógwi yapharna bagwi musuk masa, mera masa tei nokha bisi kaisani mera chwla masa;

⁴⁰sumsokni yapharmungni bagwi punjua masa;

⁴¹khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omo’-no Jurisadaini bwsla Selumiel yapharmani.

⁴²Nokha saldokni salo khe Gad bosongni tẃiphang Deuelni bwsla Eliasap yapharmung tubu kha.

⁴³Bini yapharmani rukphaini mairang kaisa abo hilikmani 130 sekel ká-o, kaisa rukphaini dangai abo hilikma khe 70 sekel, omorok kainwi’-no mai kwtal yapharmungni thok buljak auan kwsap bai kupulung.

⁴⁴Rangchakni mairang kaisa kupulung satrai abo hilikma 10 sekel ká-o.

⁴⁵Sógwi yapharna bagwi musuk masa, mera masa tei nokha bisi kaisani mera chwla masa;

⁴⁶sumsokni yapharmungni bagwi punjua masa;

⁴⁷khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omo’-no Deuelni bwsla Eliasap yapharmani.

⁴⁸Nokha salsnini salo khe Ephraim bosongni tẃiphang Amihudni bwsla Elisama yapharmung tubu kha.

⁴⁹Bini yapharmani rukphaini mairang kaisa abo hilikmani 130 sekel ká-o, kaisa rukphaini dangai abo hilikma khe 70 sekel, omorok kainwi’-no mai kwtal yapharmungni thok buljak auan kwsap bai kupulung.

⁵⁰Rangchakni mairang kaisa kupulung satrai abo hilikma 10 sekel ká-o.

⁵¹Sógwi yapharna bagwi musuk masa, mera masa tei nokha bisi kaisani mera chwla masa;

⁵²sumsokni yapharmungni bagwi punjua masa;

⁵³khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omo’-no Amihudni bwsla Elisama yapharmani.

⁵⁴Salcharni salo khe Manase bosongni tẃiphang Pedajurni bwsla Gamaliel yapharmung tubu kha.

⁵⁵Bini yapharmani rukphaini mairang kaisa abo hilikmani 130 sekel ká-o, kaisa rukphaini dangai abo hilikma khe 70 sekel, omorok kainwi’-no mai kwtal yapharmungni thok buljak auan kwsap bai kupulung.

⁵⁶Rangchakni mairang kaisa kupulung satrai abo hilikma 10 sekel ká-o.

⁵⁷Sógwi yapharna bagwi musuk masa, mera masa tei nokha bisi kaisani mera chwla masa;

⁵⁸sumsokni yapharmungni bagwi punjua masa;

⁵⁹khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omo’-no Pedajurni bwsla Gamaliel yapharmani.

⁶⁰Nokha sal chukuni salo khe Benjaminsarokni tẃiphang Gideonini bwsla Abidan yapharmung tubu kha.

⁶¹Bini yapharmani rukphaini mairang kaisa abo hilikmani 130 sekel ká-o, kaisa rukphaini dangai abo hilikma khe 70 sekel, omorok kainwi’-no mai kwtal yapharmungni thok buljak auan kwsap bai kupulung.

⁶²Rangchakni mairang kaisa kupulung satrai abo hilikma 10 sekel ká-o.

⁶³Sógwi yapharna bagwi musuk masa, mera masa tei nokha bisi kaisani mera chwla masa;

⁶⁴sumsokni yapharmungni bagwi punjua masa;

⁶⁵khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omo’-no Gideonini bwsla Abidan yapharmani.

⁶⁶Nokha salchini salo khe Dan bosongni tẃiphang Amisadaini bwsla Ahiejer yapharmung tubu kha.

⁶⁷Bini yapharmani rukphaini mairang kaisa abo hilikmani 130 sekel ká-o, kaisa rukphaini dangai abo hilikma khe 70 sekel, omorok kainwi’-no mai kwtal yapharmungni thok buljak auan kwsap bai kupulung.

⁶⁸Rangchakni mairang kaisa kupulung satrai abo hilikma 10 sekel ká-o.

⁶⁹Sógwi yapharna bagwi musuk masa, mera masa tei nokha bisi kaisani mera chwla masa;

⁷⁰sumsokni yapharmungni bagwi punjua masa;

⁷¹khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omo’-no Amisadaini bwsla Pagiel Ahiejer yapharmani.

⁷²Salchisani salo khe Aser bosongni tẃiphang Ochranni bwsla Pagiel yapharmung tubu kha.

⁷³Bini yapharmani rukphaini mairang kaisa abo hilikmani 130 sekel ká-o, kaisa rukphaini dangai abo hilikma khe 70 sekel, omorok kainwi’-no mai kwtal yapharmungni thok buljak auan kwsap bai kupulung.

⁷⁴Rangchakni mairang kaisa kupulung satrai abo hilikma 10 sekel ká-o.

⁷⁵Sógwi yapharna bagwi musuk masa, mera masa tei nokha bisi kaisani mera chwla masa;

⁷⁶sumsokni yapharmungni bagwi punjua masa;

⁷⁷khakchangma yapharmungni bagwi khe musuk chwla maknwi, mera chwla mak ba, pun mak ba tei nokha bisani mera chwla mak ba. Omo’-no Ochrani bwsajla Pagiel yapharmani.

⁷⁸Nokha salchinwini salo khe Naptali bosongni tẃiphang Enanni Ahira yapharmung tubu kha.

⁷⁹Bini yapharmani rukphaini mairang kaisa abo hilikmani 130 sekel ká-o, kaisa rukphaini dangai abo hilikma khe 70 sekel, omorok kainwi’-no mai kwtal yapharmungni thok buljak auan kwsap bai kupulung.

⁸⁰Rangchakni mairang kaisa kupulung satrai abo hilikma 10 sekel ká-o.

⁸¹Sógwi yapharna bagwi musuk ma sa, mera ma sa tei nokha bisi kaisani mera chwla ma sa;

⁸²sumsokni yapharmungni bagwi punjua masa;

⁸³khakchangma yapharmungni bagwi khe musuk maknwi, mera mak ba, pun mak ba tei nokha bisani mera chwla mak ba. Omo’-no Enanni bwsla Ahira yapharmani.

⁸⁴Háyáno thok phulmani salo, háyáni bagwi Israilni tẃiphangrok yapharmarok wng kha; rukphaini mairang thái 12, rukphaini yak sújaknai dangai thái 12, thái 12 rangchakni khuri.

⁸⁵Tháisa tháisa rukphaini mairang hilikmani sekel 130 wngo tei tosla kaisa kaisa khe sekel 70 wngo. Háyá kwtharni sekel tẃi bebak rukphaini manwirok sekel 2400 wngo.

⁸⁶Thái 12 rangchakni twk satrai motom bai kupulung, kaisa kaisa abo sekel kai 10 wngo, bebagwi rangchakni twkrok hilikmani 120 sekel wngo.

⁸⁷Yabrwirok rwjakmani wng kha; musuk mak 12, mera mak 12 tei bisi kaisani mera chwla mak 12 abo sógwi yapharmung bai mai kwtal yapharmungni thansa tei sumsok yapharmungni bagwi khe punjua mak 12.

⁸⁸Khakchangma yapharmungni bagwi bebak rwjakmani wng kha, musuk mak 24 tei mera mak 60. Omorok háyá thok phuljakmani salo yapharjakmarok.

⁸⁹Musi Subraiyung bai kók sa lainani hwnwi malaimani nok kwthar bisingo tháng kha, hakhe khairokma achukthayung sakani kók sama khna kha, abo wng kha Swmai bokhok saka-o maknwi kwcharni cherub tong thani-o; bo bono aroni kók sa kha.