Read Kok Borok SAKARIA 5 Bible Online

SAKARIA 5 - Kok Borok bible

SAKARIA 5

¹Ang naisa phirwi nai ba kaisa kobonjak bijap bodol nuk kha,

²Suari ano hai hwnwi sẃng kha, “ ‘Nwng tamo nuk?’ Ang sa kha, ‘ang kaisa bijap bodol kobonjak nuk kha, abo lokmani kosong muknwichi tei kebengo mukchi wngo.’ ”

³Hakhe bo ano hai hwnwi sa kha, “Omo khe swngchar gwnangwi nangnani bagwi aro swraimung swijak tongo; aro babaisa-o khe sikhokrok hani norjaknai o kókno swijak tei babaisa-o khe tatal swmai tangnairok norjaknai, o kók swijak tongo.”

⁴Kwplaisa Subraiyung hai hwnwi sa-o, “Ang abo hai swraimung rohorwi sikhokni nogo tei ani mungwi tatal swmai tangnaini nogo habwi aroni bebak buphang bai holongrokno kham rw bainai.”

⁵Ang bai kók sanai suari tei kisa samo phaiwi hai hwnwi sa kha, “Nai di, tamo phaiwi tong kha?”

⁶“Abo tamo?” hwnwi ang sẃng kha. Bo hai hwnwi sa kha, “Omo kaisa ura,” tei bo sa kha, “Abo bebak ha gwnangwini sumsok[2] se.”

⁷Hakhe a ura búkhúkni bwklap phiyogwi nai ba a bisingo khoroksa bwrwi se achukjak!

⁸Hakhe bo hai hwnwi sa kha, “Omo khe samung sitrano phunuk ma se.” Hakhe bo bwrwino ura’-ono tei uáisa bwklap bai kholobwi rw kha.

⁹Ang naisaui nai ba nuk kha, bwrwi khoroknwi bwskango swkangwi phai tongo. Bórokni bwkrang tongo, abo bai birwi phai laiwi a urano khochaui bir lai kha.

¹⁰“Bórok abono biyango tlang?” hwnwi ang bai kók saui tongnai suarino ang sẃng kha,

¹¹bo ano hai hwnwi sa kha, “Babilono, bórok aro bini bagwi nok khungsa tangnai, abo tang bai khe, urano aro tisaui tonnai.”