Read Kok Borok MALAKI 4 Bible Online

MALAKI 4 - Kok Borok bible

MALAKI 4

¹“Nai di, a sal thapa chẃngjak hai khe phaiwi tongo, a salo bebak kung chuknairok tei samung hamya tangnairok chwkap kham tẃi khe khamwi páinai; a salo bebakno kham rwui páijak báinai hwnwi Phankrak Subraiyung sa-o, hakhe abo bórokni bedeknobo karwi klang glak yarwngnobo karwi klang glak.

²Phiya ano kirinairok, norokni saka-o khe ani bujsóini sal kasanai tei aboni pohor bai kaham kwrwng khe tongnai. Nwng musuk bwsa nokni yógwi kherbai rw tẃi khe bársaui tongthoknai.

³Nwng borok hamyarokno káphrumnai, tamni hwn ba a salo, ang a samungrok khlai phuru, bórok nini yapha tolani thapla hai se wngnai, hwnwi Phankrak Subraiyung sa-o.

⁴“Ani seleng Musini yak tẃi bebak Israilrokni bagwi Horeb hathái-o yapharmani a kerongrokno tei dagimarokno muitu khlai di.

⁵“Nai di ang Subraiyungni sal kotor tei kirimasingcha salni swkang diyari Eliano norokni thani rohor anw.

⁶Ang phaiwi hano swraiwi sokomorna nang ya tẃi khe, bo bupharokni bwkhano bwsarokni thani tei bwsarokni bwkhano khe bupharokni thani kiphil rwnai.”