Read Kok Borok MATHAI 1 Bible Online

MATHAI 1 - Kok Borok bible

MATHAI 1

¹Omo Jisu Khristo achaimani bosong, bo wng kha Daud bosongni, Daud wng kha Abraham bosongni.

²Abraham wng kha Isakni bupha; Isak Jakobni; Jakob Juda tei bini takhuksongni;

³Juda khe Peres bai Serani bupha, Tamar khe bórokni buma; Peres khe Hesronni bupha; Hesron khe Ramni;

⁴Ram Aminadabni; Aminadab Nasonni Nason khe Salmonni bupha;

⁵Salmon khe Boasni bupha; Rahab khe bini buma; Boas Obedni bupha, Rut bini buma; Obed khe Jisaini bupha;

⁶Jisai khe habugra Daudni bupha. Daud wng kha Solomonni bupha (bini buma swkango Uriani bihik);

⁷Solomon Rehoboamni; Rehoboam Abiani; Abia Asani;

⁸Asa Jihosapatni; Jihosapat Joramni; Joram Ujiani;

⁹Ujia Jothamni; Jotham Ahasni; Ahas Hiskiani;

¹⁰Hiskia Manaseni; Manase Amonni; Amon Josiani;

¹¹Josia Jikonia bai bini takhuksongni bupha, Israilrok Babilono tlangjak phuru bórok tongo.

¹²Israilrok Babilono tlangjakmani ulo: Jikonia wng kha Sialtialni bupha; Sialtial Serubabelni;

¹³Serubabel Abiudni; Abiud Eliakimni; Eliakim Asorni;

¹⁴Asor Sadokni; Sadok Akhimni; Akhim Eliudni;

¹⁵Eliud Eliasarni; Eliasar Mathanni; Mathan Jakobni;

¹⁶Jakob Josepni; Josep wng kha Mariamni bwsai, Mariamni ogo’-no Masia hwnjaknai Jisu achai-o.

¹⁷Omo tẃi khe Abrahamni simi Daud jora piri chibrwi ká-o, Daudni simi Israilrok Babilono tlangjakma jora piri chibrwi ká-o; phiya Masia achaima jora piri chibrwi ká-o.

¹⁸Jisu Khristo achaimani kók khe ahai: Bini buma Mariam bai Josepni kók sẃngjak, hai phano bórok káijak ya sini’-no Phola Kwthar bai bo sakderiya wngmani sijak kha.

¹⁹Bo bai kók sẃngjaknai Josep wng kha borok kaham, bo lukuni bwskango Mariamni mwkhang sókna muchungjak ya, hakhe tepsa khe kók seplena hwnwi bwkha chap kha.

²⁰Bo omo hai uansugui tong phuru Subraini suari khoroksa imango nukjagwi hai hwnwi sa phai kha, “Daudni bosong Josep, Mariamno nini hik khlainani ta kiri di, bo Phola Kwthar bai se sakderiya wngo.

²¹Bo bwsa chwla khoroksa bánai, hakhe nwng bono Jisu hwnwi mung phar di, tamni hwn khe bo bini bororokno bórokni sumsokni yakni phiyóknai.”

²²Subraini a diyarini khúk tẃi hai hwnwi samani abo nang phaina bagwi omorok bebak’-no wngo,

²³“Nai di, bwrwi sikla-kwthar khoroksa sakderiya wngwi bwsa chwla khoroksa bá anw, hakhe bo Imanuel hwnjaknai” (abo “Kaitor chwng bai baksa tongo” hwnmani se.)

²⁴Hakhe Josep thumani bachaui Subraini suari sama tẃi’-no khlai kha, bo Mariamno káijak kha,

²⁵tamo khe bo bini puilani bwsa chwlano bá ya sak bini sak tang li ya. Hakhe Josep bono Jisu hwnwi mung phar kha.