Read Kok Borok 3 JOHON 1 Bible Online

3 JOHON 1 - Kok Borok bible

3 JOHON 1

¹Ang a Okra omono swihoro. Khájani Gai, ang nono omono swihoro, ang nono sói khe hamjago.

²Khájani takhuk, bebago’-no nini kaham wng thung hwnwi ang nai-o, ang nini bwkha kaham hwnwi saui manma tẃi’-no nono kaham kwrwng tong thung hwnwibo nai-o.

³Nwng bwswk kaham khe kubui khe tong abo khoroknwi khoroktham takhuk phaisa phaima bai ang belai khe tongthok kha, nwng abo hai khe’-no kubui khe máng tongo.

⁴Angsarok kubui khe tongo hwnwi ang khnaui tongthokma swk tei mungsa-o phano aswk tongthok ya.

⁵Khájani takhuk, sini ya phano nwng takhukrokni bagwi khlaimani abo kwrak khe’-no khlai-o.

⁶Nwng hamjakma kók bórok oroni mothano sa phai kha. Kaitorni samungo chúkna tẃi khe nwng bórokno tháng thani tun hor ja di.

⁷Poito kwrwirokni yakni mungsa phano na yaui bórok Khristoni mungwi ongkhor kha.

⁸O bororok kubuini bagwi samung khlai thani chwng bórok bai logisong wngna tẃi khe chwng Khristanrok bórokno ma chubathai.

⁹Ang mothani thani kók kisa swihor kha, hai phano bokhorok wngna muchungjaknai Diotriphi ani kókno khunju kan glak.

¹⁰Hakhe ang phai phuru bo khlaimarokno khupro-ui sa anw; bo chini bagwi belai kók hamya tikhlaiwi khontai rwmano ang khupro-ui sa anw. Bo abo simi khlai ya, takhukrok phai phurubo bórokno nogo kasa rw ya, bórokno nogo kasa rwna nainairokno suda ta kasa rw di hwno, phiya a kasa rwna nainairokno mothani rwkhlaina nai-o.

¹¹Khájani takhuk, hamyano ta srwng di, kahamno khlainai bo Kaitorni borok; samung hamya khlainai borok bo Kaitorno sini ya kho.

¹²Dimitrino joto’-no kaham hwno; bini tongmung bai bo kaham hwnwi sijago. Chwngbo bono kaham’-no hwno, phiya chwng samani abo kubui hwnwi norok saui mano.

¹³Ang nono kók kwbángma sana tongmani, hai phano ang abo kolom kali bai swihorna nai ya.

¹⁴Nwng bai dakti’-no malai phai anw hwnwi ang khá khlai-o, hakhe aphuru achugwi kaham khe sa lai anw.

¹⁵Nwng khá kwchang rwjak thung. Nikichingsong khápang rohoro. Chini kichingsongno khoroksa khoroksa khe khápang rw di.