Read Kok Borok PHUNUKJAKMANI 15 Bible Online

PHUNUKJAKMANI 15 - Kok Borok bible

PHUNUKJAKMANI 15

¹Aphuru ang nokha-o omo hai tei mungsa nuk kha, abo kobo kotorma uabo uanamasingcha. Suari khoroksnirok birman kaisni yago tẃi laijak, a birman kaisni’-no páithak, aboni ulo Kaitor tei jolijagwi yagul su glak.

²Aphuru ang hór bai dalokjak ainani twijlang hai nuk kha. Ang a yabrwi bai bini mangtangno tei lomborni bumung gwnangno mechennairoknobo nuk kha. Bórok a aina twijlangni gana-o bacha laijak, Kaitor rwmani chongprengrok tẃi laijak.

³Bórok Kaitorni seleng Musini rwchapmung tei Mera bwsani rwchapmung, hai hwnwi rwchap laijak, “O Subrai Kwplaisa Kaitor, nini samungrok bwswk kotor, bwswk uanamasingcha! O bebak dophani Bugra, nini lama bwswk kepleng, bwswk kubui!

⁴O Subrai, nono sabo kiri ya wngnai? Sabo nono kotor hwn yaui tong mannai? Nwng simi se kwthar. Bebak dophano phaiwi nono khulum phainai, tamni hwn ba nini samung kahamrok joto’-no nuk kha.”

⁵Aboni ulo ang chuknohani noktharno phiyokjak nuk kha, aboni bisingo Kaitor tongmani rínitamuno nuk kha.

⁶A birman kaisni yago tẃi laijak suari khoroksni a noktharni ongkhorwi phai kha; bórok sal kokjak lilonni rí kuphur kanjak, khaklabo rangchakni rísa khajak.

⁷Aphuru makbrwirokni bere masa a suari khoroksnini yago rangchakni twk tháisni rw kha. A twkrokni bisingo mol brúm brúm tongnai Kaitorni yagul sujaknai manwi kupulung tongo.

⁸Kaitor chẃngsacha wngma bai tei phankrak wngma bai a nokthar hoku kupulung. A suari khoroksnini yago tongmani birman nang rw bai ya sak khoroksa phano noktharo habwi man li ya.