Read Komrem A’NPHUTNA 34 Bible Online

A’NPHUTNA 34 - Komrem bible

A’NPHUTNA 34

¹Ni khat hin Jacob leh Leah sanu Dinah khan Canaan nuhmei ṭhahrep inhmupui sik a leikasesōt.

²Hiv phunga Hamor sapa Shechem, khava ram rengsapa khan Dinah ahmu pha asura aleisetpui jo.

³Khana ama’n nuhngâk kha ara-ôt hêr joa aleilungset jo khana amanu lungset chenna sik a intluk jo.

⁴Khava jâra apa hneng, “Hiva nuhngâk hi kalômnu sik avahri pek roh,” ati.

⁵Jacob in asanu kha inzak anpek jo ti hi aleithei jo, tâk asapahei kha hleia ran kakhem anleise jâra anhong inle mak hma seng heite leitlo mak.

⁶Shechem pa Hamor in Jacob inbekpui sik a leikasesōt,

⁷Jacob sapa he’n hleia inphut anhei inlebi laitak a kae. Anmani’n khavakha anthei pha Shechem in Jacob sanu khanga aleisetpuia Israel mihei inzak aleipekna chunga khan anmalung atôna anhnuk leikana hêr jo.

⁸Hamor in ahnenga, “Kasapa Shechem in nasanu hi alungset jo; ama’n ompui jo rasoh eihnōmpek jo roh.

⁹Kamihei leh namihei kâra jōr inlotō theina sik a inhnōmna inkhat syem rih.

¹⁰Kha achang inchu kanram hin keini leh ka-omsap thei sik chei; nanta madu hmun a ka-om thei sik chei, inveina nantlo thei sik, nei leh hao nanta kachang thei sik,” ati.

¹¹Khava sōa Shechem in Dinah pa leh aṭahei hneng, “Lungset a arôn ruh, nanta madu rakip kapek sik chei.

¹²Amanu rōk hi nanman ompui eng inchu hmōi man leh kutchoihei kha nanta madu chen hri ruh; nantangek chen kha kapek sik chei,” ati.

¹³Shechem khan ansernu kha aleisetpui jo jâra Jacob sapa he’n Shechem leh apa hneng hōnmathlâk theina sik hrep a anleimasôn hei.

¹⁴Anmani’n ahnenga, “Keini’n kansernu hi vun katanmak mi hnenga puise mannei hnōm mak ung; khava khachu keini sik a inzaknatak kae.

¹⁵Kanhnōm theina sik ahlam inkhat rōk ka-om khachu nanpase rakip in vun a’ntan cheia keini hei kapōa aka-om sik chei kae.

¹⁶Khan chu jōr inlona sik kha kahnōm sik ung. Nankâra hin ka-om sik ung khana nangni leh jât khat kachang sik me.

¹⁷Tâk-kha kantahri hi nanhnōm mak a khana vun nantan mak inchu kansernu hi kan-inṭhōi sik a kha kase sik jo ung,” antipek jo.

¹⁸Khava ṭonghei kha Hamor leh asapa Shechem hnenga akaṭha sik a apō jo,

¹⁹khana retherpa khan insumlo jen a a’nhri kha aleitlosōt jo, ajârchu Jacob sanu kha alungset hêra kae. Ama kha a-innshunga apui karônpen inkhat leikachang.

²⁰Hamor leh asapa Shechem in ankhōpui sōngkunga kase heia khōpuia mihei hneng hinga anleihri pek hei,

²¹“Hiva mihei hi inthloppui kahōihei, ram shunga om hei rasoh khana se leh hong tlo hei rasoh. Ram hi anmani omna sik um katluk set. Eini’n ansanuhei ompui hei rih, khana nisanuhei um anhnenga pek hei rih.

²²Tâk-kha hiva mihei hin nikâra omna sik leh thakhat nichangna sik a anhnōmna sik khachu anmani vun a’ntan hei kapōa nipase rakip vun a’ntan sik me kachang.

²³Anran leh annei rakip nita changmak ninga mo? Khava jâra nikâra an-om theina sik a hivahi hnōmpek jo hei rih,” anti.

²⁴Hamor leh Shechem mantlukna kha khōpui shunga mihei khan anhnōm joa pase rakip in vun anleitan jo.

²⁵Ni 3 sōa, mihei kha anvuntanna bi ala’nthlinglai, Dinah ṭa hei, Jacob sapa 2 Simeon leh Levihei hin tûte manhret loa chemjâm anmatua khōpuia kase heia pase rakip anvathat pet jo hei,

²⁶Hamor leh asapa Shechem inveina anleithat jo hei. Khana Shechem inna inphut Dinah kha anṭhōisōt a kase jo hei.

²⁷Khava mi that sōa ansernu hmaimôk jâra phuhlōna anneia Jacob sapa alakseng he’n khōpui kha anvachoma kae.

²⁸Anmani’n kemōng rup, sehrat rup, shakōrtung hei, khana khōpuia leh hleipuk a aleika-om rakip anleilo.

²⁹Mankatam rakip, nuhmei rakip leh ansahei anleilo hei, khana innshunga aka-om rakip anleichom jo.

³⁰Jacob in Simeon leh Levi hneng, “Nangni’n kachunga inrengna nanheichoi jo; tûnchu Canaan mihei, Periz mihei leh hiva ram a ka-om mi rakip in anmater sik jo eng. Kei chu mi katamtak neimak eng; anmani seng an-inchunna kachunga re anheitlo’nchu ni-innshung pumpui anthat manrampet sik me,” ati.

³¹Tâk-kha anmani’n, “Kansernu kha angaia notinu inkhat kapōa antarazen khachu hnōm tor mak ung,” tia anmasôn.