Read Komrem A’NPHUTNA 36 Bible Online

A’NPHUTNA 36 - Komrem bible

A’NPHUTNA 36

¹Hihei hi Esau tu leh sahei kae, Edom um anti hei.

²Esau in Canaan nuhmei aleiompui hei: Hit phunga Elon sanu Ada, Hiv phunga Zibeon sapa Anah sanu Oholibamah;

³khana Ishmael sanu, Nebaioth nainu, Basemath, jōr 3 hei hi aleiompui hei.

⁴Ada in Eliphaz amatet; Basemath in Reuel amatet;

⁵khana Oholibamah in Jeush, Jalam, leh Korah amatet hei. Hihei seng hi Canaan ram Esau in sapa aleinei hei kae.

⁶Khava sōa anuhmeihei, asapahei, asanuhei khan chu a-innshung mi rakip leh aranseng leh Canaan ram a ahlōsōt anei rakip achoia anaipa Jacob adahlona ram hlopting inthon jo.

⁷Ajârchu Jacob leh an-omsapna ram kha an-inhnia invei khopna changmak jo; an-inhnia ran katamtak anleinei heia omsap tor mak jo heia kae.

⁸Khava jâra Esau kha Edom tlânga ama vaka-om jo.

⁹Hihei hi Edom phunghei pusōn Esau tu leh sahei kae:

¹⁰Esau nuhmei Ada khan sapa inkhat amatet, Eliphaz inti, ama hin sapa 5 anei hei: Teman, Omar, Zepho, Gatam leh Kenaz, khana anuhmei alak Timnah khan Amalek inti sapa inkhat aneisa pek. Esau nuhmei Basemath in sapa inkhat Reuel amatet, ama hin sapa 4 anei hei: Nahath, Zerah, Shammah, leh Mizzah hei hi kae.

¹⁴Anuhmei Oholibamah, Zibeon sapa Anah sanu khan sapa 3 amatet hei: Jeush, Jalam leh Korah hei hi kae.

¹⁵Hihei hi Esaua inphut ajōng kakōn phunghei kae. Esau sapa upapen Eliphaz hi athōia phunghei pusōn kae: Teman, Omar, Zepho, Kenaz,

¹⁶Korah, Gatam, leh Amalek. Anmani seng hi Esau nuhmei Ada leh ansōn anpârhei kae.

¹⁷Esau sapa Reuel hi athōia phunghei pusōn kae: Nahath, Zerah, Shammah, leh Mizzah. Anmani seng hi Esau in anuhmei Basemath leh ansōn anpârhei kae.

¹⁸Athōia phunghei hi Esau nuhmei Oholibamah, Anah sanu leh ansōn anpârhei kae: Jeush Jalam, leh Korah.

¹⁹Hiva phung seng ankhenga Esaua inphut ajōng kakōn hei kae.

²⁰Edom ram a ka-om mihei kha aphung aphunga inṭhen hei, anphung hrui kha Hor phunga Seir sōn heia inphut ajōng kakōn hei leikae, khahei khachu: Lotan, Shobal, Zibeon, Anah, Dishon, Ezer, leh Dishan hei kae.

²²Lotan hi Hori leh Heman innshunghei pusōn kae. (Lotan sernu Timnah inti inkhat leika-om.)

²³Shobal hi Alvan, Manahath, Ebal, Shepho, khana Onam hei pusōn kae.

²⁴Zibeon in sapa 2 Aiah leh Anah anei hei. (Anah hin apa shakōrtung nêrdiram a akhemlai tuilum kapût tuisi ahmu sōt a kae.)

²⁵Anah hi Dishon pa kae, ama hi Hemdan, Eshban, Ithran, leh Cheran hei pusōn kae. Anah hin Oholibamah inti sanu inkhat anei.

²⁷Ezer hi Bilhan, Zaavan leh Akan hei pusōn kae.

²⁸Dishan hi Uz leh Aranhei pusōn kae.

²⁹Hihei hi Edom ram a Hor phunghei kae: Lotan, Shobal, Zibeon, Anah, Dishon, Ezer leh Dishan hei hi kae.

³¹Israel reng tûte inkhatbek anleiom mak hma Edom ram kha hiva renghei hin abân bâna vai anleirôn: Dinhabath khōa Beor sapa Bela Bozrah khōa Zerah sapa Jobab Teman ram rajeia Husham Avith khōa Bedad sapa Hadad (Moab ram a rehmun a Midianhei re aleitor hei) Masrekah khōa Samlah tuidung panga Rehoboth khōa Shaul Achbor sapa Baal Hanan Pau khōa Hadad (anuhmei Mezahab tunu, Matred sanu Mehetabel kae)

⁴⁰Esau hi athōia Edom phunghei pusōn kae: Timnah, Alvah, Jetheth, Oholibamah, Elah, Pinon, Kenaz, Teman, Mibzar, Magdiel leh Iram. Anmani omna ramhōm et kha anphung rahminga le’nhret a kae.