Read Komrem A’NPHUTNA 5 Bible Online

A’NPHUTNA 5 - Komrem bible

A’NPHUTNA 5

¹Adam sōn leh pârhei kha hihei hi kae, (Pathen in mihring asyem lai khan ama khet kapōhrep a aleisyem hei.

²Ama’n anmani kha nuhmei leh pase aṭhen a asyem hei, vâng apek heia “Mihring” tia aphō hei.)

³Adam in akum 130 atluk pha ama hme leh lim kapō sapa inkhat aleinei, arahming Seth tia aleiphō.

⁴Khava sōa Adam kum 800 lakahring. Sa alak alamajōrsa hei.

⁵Khana akum 930 atluk pha kathi jo.

⁶Seth in akum 105 atluk pha sapa inkhat aleinei. Arahming Enosh tia aleiphō,

⁷khava kahnunga kum 807 lakahring, sa alak alamajōrsa hei,

⁸akum 912 atluk pha kathi jo.

⁹Enosh akum 90 atluk pha sapa Kenan anei.

¹⁰Khava sōa kum 815 lakahring. Sa alak alamajōrsa hei,

¹¹khana akum 905 atluk pha kathi jo.

¹²Kenan akum 70 atluk pha sapa Mahalalel anei,

¹³khava sōa ama kum 840 lakahring, sa alak alamajōrsa hei

¹⁴khana akum 910 atluk pha kathi jo.

¹⁵Mahalalel akum 65 atluk pha asapa Jared anei.

¹⁶Khava sōa kum 830 lakahring, sa alak alamajōrsa hei,

¹⁷khana akum 895 atluk pha kathi jo.

¹⁸Jared akum 162 atluk pha asapa Enoch anei.

¹⁹Khava sōa kum 800 lakahring, sa alak alamajōrsa hei,

²⁰khana akum 962 atluk pha kathi jo.

²¹Enoch akum 65 atluk pha asapa Methuselah anei.

²²Khava sōa Enoch in Pathen leh inthlop a kum 300 leika-om, sa alak alamajōrsa hei.

²³Enoch kum 365 kahringa leika-om.

²⁴Ahringkhōa Pathen leh inṭhōia leika-om. Khava bânna chu ama inhmu mak jo, ajârchu Pathen in ama kha aṭhōisōt joa kae.

²⁵Methuselah akum 187 atluk pha asapa Lamech anei,

²⁶khava sōa kum 782 lakahring. Sa alak alamajōrsa hei,

²⁷khana akum 969 atluk pha kathi jo.

²⁸Lamech in akum 182 atluk pha sapa inkhat anei,

²⁹ama’n, “Nai hin hiva RŌNGPU hâksêrna, raleichunga rahnak a niṭōn tlona hi amanbâng sik me,” atia asapa rahming kha Noah tia aphō jo.

³⁰Lamech kum 595 lakahring, sa alak alamajōrsa hei,

³¹khana akum 777 atluk pha kathi jo.

³²Noah akum 500 atluksō ka-hnunga, Shem, Hem, leh Japheth inti sapa 3 alaneisa heia kae.