Read Komrem A’NPHUTNA 6 Bible Online

A’NPHUTNA 6 - Komrem bible

A’NPHUTNA 6

¹Mihring anheitam chet-chet a raleichung hmun anhei hlōsō pha mihring he’n sanuhei anlei matet hei.

²Marvân mi ṭhahrep he’n mihring sanuhngâk-hei anhme kaṭha kha anhmu jo. Anmani’n antamadu ankadeia an-ompui jo hei.

³Hiva pha hin RŌNGPU’n, “Ke’n mihring hi kumsôt akahring sik a hnōmpek mak jo ning. Ajârchu mihring hichu akathithei hei kae. Tûna inphut kum 120 rōk akahring sik jo hei kae,” ati.

⁴Khava pha inphut hnung katlunga’m mihring nuhmei leh marvân mihei inchun a antanei sahei kha raleichunga mipum kalen Nephilim tia leika-om hei. Anmani hi ratha kahrat leh rahming inthang tenlaia mihei kae.

⁵Raleichunga ka-om mihringhei ṭōntlo khana anmalung mandon leh ngeitō akaṭhamak langting rōk ka-om ti hi RŌNGPU’n ahong manhret pha,

⁶mihringhei hi heijâra mo kaleisyem hei khana raleichunga kaleida hei tia amandona amalung leihōi mak jo. Amalung kha insîr na’n kasip jo

⁷khachu ama’n, “Ke’n kasyem jo hei mihring leh inṭhōia sha leh vahei ankhenga raleichunga inphut manhmang jo hei rong, ajârchu anmani kaleisyem jâr hei hin kamalung hōihêr mak jo,” ati.

⁸Tâk-kha Noah chunga chu RŌNGPU kha amalung leikatlâi.

⁹Hivahi Noah thuhming kae. Sapa 3 aleinei hei, Shem, Hem leh Japheth hei hi kae. Noah hi ṭhena leinei mak, ama pha shunga mikaṭha kha ama rōk leikae. Ama’n Pathen leh inthlop a leika-om,

¹¹tâk Pathen hmit ena mi rakip ṭhamak jo hei, hmuntina innâk-inse kasip sō jo.

¹²Pathen in vânhnōi raleichung hi a-ena ṭhatmak kasip kha ahmu jo, ajârchu mihring he’n akaṭhamak hringkhōa leika-om hei.

¹³Pathen in Noah hneng ahri, “Mihringhei hi manram jo rong tia kamandon jo. Anmani hi kasuk manrampet sik jo hei, ajârchu vânhnōi raleichunga innâk-inse ṭōn in kasip joa kae.

¹⁴Thing kaṭha heia inphut nang sik a rakōng sui roh; khava shunga aden ṭhahrep syem ina ṭhen roh, ashung avâng khe kadum kano hei roh.

¹⁵Adung metre 133, avai metre 22, a’nshâng metre 13 manchang roh.

¹⁶Rakōng phuchung syem roh khana rakōng phuchung leh bang kha centimetre 44 a’nkâr sik hei kae. Hivahi chungden inthuma syem roh khana Rakōng sira kot inkhat mando roh.

¹⁷Ke’n akahring ranhring rakip manram petna sik tuishâng kahei manlen sik. Raleichunga heirakip kathipet sik jo hei,

¹⁸tâk nang chu ṭong intepna inkhat kaneipui sik che. Nang in nasahei, annuhmeihei, nanuhmei leh inṭhōia rakōng shunga khan om ruh.

¹⁹Rakōng shunga khan sha rakip leh va rakip kahringa an-om theina sik ache inkhat leh apui inkhat et naṭhōi manhlut sik hei kae.

²¹Nang leh anmani hei sik a sâk leh in rakip narôn manhlut sik kae.”

²²Pathen ṭongpek dungjuia Noah khan heirakip aleitlo jo.