Read Komrem SAMUEL INHNINA 22 Bible Online

SAMUEL INHNINA 22 - Komrem bible

SAMUEL INHNINA 22

¹RŌNGPU’n David kha Saul leh alak inrepui heia inphut ahuksōt pha David in hiva hla hi RŌNGPU hneng aleisak:

²RŌNGPU kha ani kahrungpa kae; kakurpui kahnettak kae.

³Ka-Pathen kha ani kahrungpa kae, ama leh om hin kei inhuk eng. Ama’n pho inkhat kapōa akhâr eng; ama’n aka-un enga anihuk eng; Ama anikahukpa kae; ama’n innâk-insena inphut ahrung enga ahuk eng.

⁴Ke’n RŌNGPU hneng kabek, khana ama’n ka’nrepui heia inphut ahuk ri eng. RŌNGPU kha manpâk a om rasoh!

⁵Thina tuipui in-nông in akake khum jo eng; inhmangna tuipui in-nông khan kachunga inlet-hlon.

⁶Thina khan akatōm jo eng, khana thlân khan achâng akampek jo eng.

⁷Kakhōdengthei pha RŌNGPU hneng kabek, inthōpuina sik a ka-Pathen kabek. Abekna innshunga kakaresō athei; Ama’n inthōpuina sik a kapengna arangei pek eng.

⁸Khava sōa ralei inthinga innok jo; bōirōk kungpui hei kha innok inhling hei ajârchu Pathen kha ahnuk kana jo!

⁹Ahnâr shunga inphut hmeikhu jo’nkhusōt, abei shunga inphut kâng hlontorna hmeimale leh kât in-ât aphusōt.

¹⁰Ama’n marvân her khat akei hlera hnōi ting jōng kaṭumsuk, ankepha thōia sumtuk kadup kha aheichōnga.

¹¹Ama’n aranhring mathla kaneihei chunga kayâng tak a kajōng; ama kha thli mathla chunga kajōng lelea kalôn.

¹²Ama akadup vâng intōmsi; tui kasiptak sumtuk insâtak he’n ankake khumsi;

¹³ahmai kunga khō inphe khan kât hmeira-ê kha hmeimale amansûk rih.

¹⁴Khava sō leh RŌNGPU’n bōirōk a inphut khō inri ahei masōa, Chunghnung Pathen karesō kha inthei ri.

¹⁵Ama’n athe hei akâpsōt hei khana a’nrepuihei akachek kathek hei; khō inphe vânga amantlân kathek hei.

¹⁶RŌNGPU’n a’nrepuihei arasei hei pha ahnuknat a a’nhrung pha, tui-ôngpui thōia ralei kachâra ka-om, ralei kungpui akarōkpet a ka-om.

¹⁷RŌNGPU’n chunga inphut thōia ajōng kabân eng; tui inthûk heia inphut anikeisōt eng.

¹⁸Ka’nrepui ratha kaneitak heia inphut leh ani kahōt rakip heia inphut anihuk eng, anmani kha kei sik a chu kahrat hêr hei.

¹⁹Kei ka’nreng pha, anmani’n anbuhlu eng, tâk RŌNGPU’n ani ka-un ri eng.

²⁰Thina theia inphut a’nthōpui eng; kachunga ama atlai jâra ahuk ri eng.

²¹Ṭōn kaṭha katlo jâra RŌNGPU’n tloman apek ri eng; ṭhenakase kachang jâra mahâmṭhatna apek eng.

²²Ke’n RŌNGPU dân kha kajui jo; ka-Pathena inphut inkaisōt mak eng.

²³Adân rakip kajui jo, aṭongpek-hei juimak tlomak eng.

²⁴Ṭhenakase eng kae ti hi amanhret, khan chu ṭōnse tlona sik a inphut inkaisōt ri eng.

²⁵Khava jâra ama’n tloman apek eng ajârchu akadik kha katloa kae, ajârchu kei ṭhenakase eng kae ti hi amanhret.

²⁶O RŌNGPU, nang inngei inlûr hei kha narangei manlûr hei, khana pui katluk hei hnenga pui katluk a kaṭha chea kae.

²⁷Malung intheng hei hnenga namalung intheng; tâk mikaṭhamak-hei hnenga na’nrepuihei.

²⁸Mi insinsak hei nahuk hei, tâk mi inlensak-hei nasuk mathlâk hei.

²⁹RŌNGPU, nang kavâr che kae; kei inthimna kha nahnong sōt pek eng.

³⁰Ka’nrepuihei vasōna sik ratha napek eng, khana ani’nhrungna hei torna sik ratha napek eng.

³¹Hiva Pathen hi, heituk a aṭōn tlohei pui akatluk jo mo, aṭonghei heituk a nganse thei akachang jo mo! Inhrungna kajōng hei sik a, ama kha pho kapō kae.

³²RŌNGPU rōk kha Pathen kae; Pathen rōk kha ani ka-un kae.

³³Hiva Pathen hi ka’n-ungna kae; ama’n kahlam hro kha inhuknathei amanchang.

³⁴Ama’n shakhi kapōa kechōn kahnet inkhat a asyem eng; tlâng inshâng chunga aka-unsi eng.

³⁵Sai kangar tak kahmang torna sik, ama’n re tlodân amanthei eng.

³⁶O RŌNGPU nang in naka-un enga nahuksōt eng; na’nthō puina eng khan kei amanlen eng.

³⁷Sura ka-om sik a inphut naṭhensōt eng, khana tluhêr mak eng.

³⁸Ke’n ka’ndōipui hei kahnong heia hmaimôk kapek hei; kasuk manram mak kârseng kei haimak eng.

³⁹Kavōk mathlûk hei, khana thōi tor mak hei; kahmai kunga hmaimôk anchen a katlu hei.

⁴⁰Re tlona sik ratha napek eng khana ka’nrepuihei torna sik a.

⁴¹Ka’nrepuihei kahnenga inphut namantlân hei; Ani kahōt hei kha kasuk manrim hei.

⁴²Anmani inthōpui sik anjong, tâk tûte’num hukmak hei; RŌNGPU hneng anbek, tâk ama’n masôn mak hei.

⁴³Ke’n anmani karachi neng heia vaiphin kapō kachang hei; khōlai hlam a bōnthlōk kapōa kachōn dek-dôk hei.

⁴⁴Re anikatlo kamipui heia inphut nahuk eng, khan chu jât-hei chunga kavai rônna nasyem; kamanhret mak mihei tûnchu kami kachang jo hei.

⁴⁵Ramlak mihei kha kahmai kunga inkun hei; kaṭong anthei pha, anijui eng.

⁴⁶Anmani inngamtor mak hei khana anrekur heia inphut ratha innok pum a heikasōk hei.

⁴⁷RŌNGPU chu kahring! Kei anika-unpa kha choi manshâng ruh! Ani kahuk, ratha kanei Pathen lenna kha phôngsōt ruh!

⁴⁸Ka’nrepuihei chunga torna apek eng; jât rakip kathōia ada hei,

⁴⁹khana kakadōi heia inphut ahuksōt eng. O RŌNGPU, nang in ka’nrepuihei chunga torna napek eng, khana mikase heia inphut nahrung eng.

⁵⁰Khava jâra jât rakip hei kâra kamanpâk che; nang manpâkna hla kasak a kae.

⁵¹Pathen in areng manchang hnenga retorna kalen apek; akadeisōtpa chunga lungset inthlenglo kha amalâr, David leh asōn apârhei hneng ahei tik a sik.