Read Komrem SAMUEL INHNINA 8 Bible Online

SAMUEL INHNINA 8 - Komrem bible

SAMUEL INHNINA 8

¹Pha bongkhat sōa Reng David in Philistihei kha abuhlu nôk heia ator jo hei, khana khava ram a anvai rônna kha inchai jo.

²Khava sōa Moab-hei re ator hei. Ama’n asur mihei kha raleia amanje hei, khana mi 3 rakip a mi inhniṭim atha heia kae. Khava jâra Moab-hei kha ama ram mi kachang jo hei khana ahnenga ramsêrṭhei anpek jo.

³Khava sōa ama’n, Syria ramṭhen Zoba rengpa Rehob sapa Hadadezer, ama hin Euphrates sak intonga ramkei lo male sik atlona chunga khan re atora kae.

⁴Ashakor remi 1,700 leh remi 20,000 asurpek hei. Shakor gâri 100 sik a ashakor akatluk hrep a’nda a, alakseng chu anke amathlek pek jo hei.

⁵Damascus a Syria mihe’n Hadadezer rengpa inthōpui sik a remi anheitir hei pha, David in aleisō heia mi 22,000 athat hei.

⁶Khava sōa anramṭhen shunga remi rephōr amatungsōt a, ama mi hongkachang jo hei khana ramsêrṭhei anpek jo. RŌNGPU’n David kha hmun rakip chung sōkna amannei jo.

⁷David in Hadadezer ṭōnpui karôn he’n sana pho antamatu hei kha achoma Jerusalemting arôn jo.

⁸Hadadezer vai leirônna khōpui Beta leh Berothaia inphut sum-êng katamtak um ahei rôn.

⁹David in Hadadezer remi rakip atorpek hei kha Hamath rengpa Toi in athei jo.

¹⁰Khava jâra, Toi rengpa’n rehmun katamtak ale’ntukpui jo Hadadezer kha David in ator jâra, inpâkna ṭong leh chibei kabōk sik a asapa Joram kha ahnenga atir. Joram in David sik a sana, dangka khana sum-êng kutchoihei arôn pek.

¹¹Rn David in khahei kha kamukna hmangchâk sik a atōk jo hei, inṭhōia dangka leh sanahei, aram leihlō

¹²Edom, Moab, Ammon, Philisti, leh Amalek-heia inphut khana Hadadezer a inphut aleichomsōt ṭhahrep um atōksa a kae.

¹³David in Chi Phaichama Edom mi 18,000 avathatna inphut ahe’nle pha arahming inthangsa chet jo.

¹⁴Ama’n Edom ram pumpuia remi rephōr amatung jo, khana ka-om hei kha aram mi kachang jo hei. RŌNGPU’n David kha hmun rakip a re amantor jo.

¹⁵David in Israel pumpui chunga vai arôna amihei chunga kaṭhatak leh kadiktak a razenna sik atlo.

¹⁶Zeruiah intinu sapa Joab kha rehlam kakei kae; Ahilud sapa Jehoshaphat kha ṭong inzet lekharabu ka-ensui kae.

¹⁷Ahitub sapa Zedok leh Abiathar sapa Ahimelech he’n thempuhei kae; Seraiah kha ṭongtan inna ṭong inzet kae.

¹⁸Jehoida sapa Benaiah kha David reng kahngâklea inṭang khana David sapahei kha thempu le’nṭang hei.