Read Komrem RENGHEI INHNINA 1 Bible Online

RENGHEI INHNINA 1 - Komrem bible

RENGHEI INHNINA 1

¹Israel rengpa Ahab thisōa, Israelhei chunga Moab he’n re anleidōia kae.

²Rn Ahaziah kha Samaria areng-innpui chungden a inphut heikatla a rahnaktak a intôn a kae. Khava jâra ama’n Philisti khōpui Ekron hei Pathen Baalzebub hneng ama akadam sik mo, akadam mak sik mo, tia akader sik a mi atir hei.

³Tâk-kha RŌNGPU ngeva inkhat in Tishbea ka-om sânkathem Elijah hnenga ṭong ahei pek, Reng Ahaziah ṭongkarônhei inhmupui sik leh anhnenga hinga akader sik a, “Heisa mo Ekron Pathen Baalzebub mansena kader sik a akase chei? Israel a Pathen om mak jo tia mo nantamandon?

⁴RŌNGPU’n hing’hin ahri tia rengpa hneng vahri ruh, ‘Na’ntônna inphut dammak jo tin; kathi sik jo che!’” RŌNGPU ṭong apekna dungjuia Elijah khan avahri jo,

⁵ṭongkarônhei kha rengpa hnenga inle jo hei. Ama’n, “Heisa mo ajōng inle chei?” tia ader hei.

⁶Anmani’n anmasôn, “Keini’n pase inkhat kan-intōpui ama’n kanhong inlena sik leh RŌNGPU’n nahnenga hinga ahri tia amanthei ung, ‘Nang in heisik a mo Ekron pathen Baalzebub hneng ṭong kader sik a mi natir hei? Israel a Pathen om mak tia mo namandon? Natak intônna inphut dammak jo tin che, kathi sik jo che!’ ati!”

⁷Rengpa’n aleider hei, “Mipa hme kha heikhonga mo kati?”

⁸Anmani’n anleimasôn, “Ama kha shavun zakkō inse inkhat a’nsi khana akhōn shavun hrui vânga akhit.” “Rengpa’n ka-ôngsōt a, “Khavakha Elijah kae,” ati.

⁹Ama’n Elijah kaṭhōi sik a, ṭōnkarôn inkhat leh mi 50 atir hei. Ṭōnkarônpa khan Elijah kha hmebung chunga avaratōa ahnenga anti, “Pathen mi, rengpa’n heihong roh ati.”

¹⁰Elijah’n amasôn, “Kei hi Pathen mi kachang inchu chungvâna inphut hmei jōngtla sona nang leh namihei that chei rasoh!” Khava phatak a hmei jōngkatlasuk a ṭōnkarônpa leh amihei kha athatsō jo hei.

¹¹Rengpa’n ṭōnkarôn inkhat leh ami 50 atir nôk heia, tlâng kaketou heia Elijah hneng anvahri, “Pathen mi, rengpa’n inrangtak a jōng ṭum roh ati!”

¹²Elijah’n amasôn, “Kei hi Pathen mi kachang inchu marvâna inphut hmei jōngtla sona nang leh namihei thatsō chei rasoh!” Khava phatak a Pathen hmei kha jōngkatla a ṭōnkarônpa leh amihei kha athatsō jo heia kae.

¹³Ave nôk a rengpa’n ṭōnkarônpa inkhat leh ami 50 aleitir nôk hei. Ama’n hmebunga kaketoua Elijah ke kunga inkuna aleider, “Pathen mipa, kei leh kamihei alungset roh. Kanhringkhō hi ahukpek roh!

¹⁴Ṭōnkarôn 2 hei leh anmihei marvâna inphut hmei in alei kângthat jo hei; tâk-kha kei chu eilungset roh!”

¹⁵RŌNGPU ngeva khan Elijah hneng ati, “Ama leh inṭhōi ruh, ṭitmak roh.” Khava jâra Elijah’n ṭōnkarônpa leh rengpa hnenga kase jo hei

¹⁶rengpa hneng aleiti, “RŌNGPU tahri kha hi kae: ‘Israel a pathen aka-om mak kapōa nang in Ekron pathen Baalzebub hneng ṭong nava mander hei jâra dammak jo tin che, kathi sik jo che!’”

¹⁷Elijah hneng RŌNGPU taleihri kapōa Ahaziah kha kathi jo. Ahaziah’n sapase nai leinei mak, khava jâra Judah ram a Jehoshaphat sapa Jehoram in vai aleirôn kum 2 tlukna khan, anaipa Joram in athlenga reng leikachang.

¹⁸Ahaziah in aleitlo ṭōn rakip Israel Renghei Thuhming Rabu a inzet a kae.