Read Komrem RENGHEI INHNINA 22 Bible Online

RENGHEI INHNINA 22 - Komrem bible

RENGHEI INHNINA 22

¹Josiah in Judah reng achang pha ama kum 8 katluk jo, Jerusalema kum 31 vai aleirôn. Anu kha Bozkath khōpuia Adaiah sanu Jedida intinu kha kae.

²Josiah’n RŌNGPU tlaina ṭōn aleitlo; apusōn David omchen dungjuia kachôna Pathen dân rakip kaṭhatak a aleijui.

³Areng changna kum 18 atlukna, Meshullam tupa khana Azalia sapa Shaphan inti reng karôt a lekha inzetpa kha Reng Josiah’n Bek-inna ṭongpek hi leh inṭhōia aleitir:

⁴“Thempu Kalen Hilkiah hneng se roh, ṭōnkarôn thempu he’n Bek-inn kot a, mipuihei inphut antakhôm mantûp sêr kha heija mo akatluk jo ti kha vamanhret roh.

⁵Khava sêr kha Bek-inn kasyemther sik a nganse mihei hnenga pekna sik hripek roh.

⁶A’nhri sêr hei kha thingṭōn katlohei, inn kasak hei, khana ṭêk ṭōn katlohei hneng pek sik kae, khana inn syem mantherna thing leh hlung rachôkna sik kae.

⁷Ṭōntlo ka-ensuihei kha anmalung intheng thou hei, khava jâra anmani chunga hisâp entetōk sik rangei mak a kae.”

⁸Rengpa ṭongpek kha Shaphan in Hilkiah hneng amathlung jo, khana Hilkiah khan Dân lekharabu kha Bek-inna ahmu jo tia ahnenga ahri pek. Hilkiah in Shaphan hneng lekharabu kha apek, khana Shaphan in dânrabu kha ateia kae.

⁹Khava sōa rengpa hnenga inle nôk a thang avakōi, “Bek-inna sêr kha nasōk he’n anloa syem mantherna sik a nganse jo mihei hneng anpek jo hei.”

¹⁰Khava sōa ama’n ahri, “Hinahin Helkiah’n lekha inkhat apek eng kha kanei.” Khana ama’n kare inhrektak a arengpa hnenga atei pek jo.

¹¹Lekha intei kha rengpa’n athei pha amalung inrima apōn akei hlera kae,

¹²thempu Hilkiah, Shaphan sapa Ahikam, Micaiah sapa Achbor, khana reng karôt a lekha inzetpa Shaphan khana rengpa kahngâk-hei hnenga hiva ṭongpekna hi anei hei:

¹³“Hiva lekha mantheina chungchânga Judah mihei sik leh kei sik a se ina RŌNGPU hneng der ruh. RŌNGPU kha nichunga ahnuk kana jo ajârchu hiva lekharabu hin tlo sik a ati kha nipu-nipa he’n heitlo mak jo hei.”

¹⁴Hilkiah, Ahikam, Achbor, Shaphan khana Asaiah hei kha’n Hulda intinu sânkathem, Jerusalem hmunthera aka-omnu inbek intōpui sik a vakase hei. (apuise Harhas tupa, Tikva sapa Shallum kha Bek-inna pōn leh der katinta le’nṭang.) Amanu hneng omchen kasōk kha anleihri pek,

¹⁵khana anmani ani’nlena sik khana rengpa hnenga

¹⁶RŌNGPU a inphut hiva ṭongthei hi anvahrina sik amanthei hei: “Rengpa’n ateisōt lekha shunga a’nzet kapōa ke’n Jerusalem leh amihei seng karâkna kapek sik hei.

¹⁷Anmani’n kei andahlon jo eng khana pathen ralak hneng inthoi-insân antlo jo, khana anṭōntlo rakip vânga khan kahnuk anmannat hêr jo. Kahnuknat kha Jerusalem chunga akhe hêr jo, khana daimak jo ning.

¹⁸Rengpa sik a chu, RŌNGPU Israel Pathen ke’n hivahi kahri pek kae: lekharabu shunga a’nsun kha narangei jo,

¹⁹ke’n heikhong inmo Jerusalem leh amihei karâk sik heia kamaṭhit hei kha nathei pha namalung nathlenga kahma kunga insinsak jo che, napōn nakei hlera kaṭap jo che,

²⁰khana Jerusalem chunga karâkna kajōng mathlung sik kha nathi mak lai seng chu sōk mak jo ning. Kamōng tak a kamanthi sik che.” Hiva ṭong hi leh inṭhōia mihei khan reng Josiah hnenga inle jo hei.