Read Komrem RENGHEI INHNINA 6 Bible Online

RENGHEI INHNINA 6 - Komrem bible

RENGHEI INHNINA 6

¹Ni khat Elisha ta-ensui sânkathem he’n ahnenga inphin heia, “Ni-omna inn hi kasin rei!

²Jordana thing ajing hong tukna sik a ṭong apek roh, ni-omna sik a hmun inkhat sakna sik a tlo rih,” anti. Elisha’n amasôn heia, “Kaṭha jo,” ati.

³Ankâra mi inkhat in anmani leh inṭhōia ama ahongna sik a angêk, ama’m kahnōm jo.

⁴Anmani kasepet jo hei. Anmani Jordan antlung pha ṭōntlo anphut jo.

⁵Ankâra mi inkhat in thing ahei tuk pha, manhret lo theiloa hreicha kha tuia inthingsōt a katla jo. Ama’n Elisha hneng ka-ônga, “Oja, heimo katlo sik jo? Hreicha kha mita kaheivai kae,” ati.

⁶Elisha’n aleider, “Khontak mo akatla?” Pasepa khan ahmun kha amanthei, khana Elisha’n sung inkhat atuktana tuia amathlâk, khana inphut hreicha kha ahei manlângsōt a kae.

⁷Ama’n ṭong apek a, “Hrut jo roh,” ati, khana pasepa khan inkuna ahrut joa kae.

⁸Syria reng khan Israelhei leh re aleitlo. Ahlam kakeihei leh inbek heia rephōr syemna anleikadei.

⁹Tâk-kha Elisha’n chu Israel reng hnenga ṭong amanrôn, khava hmun hnenga semakna sik a gîkna aleipek, ajârchu Syria he’n anhlō heia anhngâk heia kae.

¹⁰Khava jâra Israel rengpa’n khava hmun a aka-om hei kha ṭong aleipek heia anmani kha inhrungtak a leika-om jo hei. Hivahi ave-avea aleikasōk jo kae.

¹¹Hiva chunga Syria rengpa kha amalung leihōi hranghra mak; Aṭōn karônhei abek heia aleider hei, “Nankâra Israel rengpa kabôm mi tu mo aka-om chei?”

¹²Ankâra mi inkhat in ahei masôn, “Reng Kalûr, tûte om mak ung. Nang innden shunga marûk ṭonghei kapha sânkathem Elisha khan Israel rengpa hneng amanthei kae.”

¹³Rengpa’n ṭong apek heia ati, “Ama khon mo aka-om jōngsōt ruh, ke’n ama kha kasur sik.” Elisha kha Dothana ka-om ti hi anhri pek pha.

¹⁴ama’n shakor kachōng leh shakor gâri kachōng remi hingja aleitir hei. Anmani’n khōpui kha jâna vakatlung heia ankakekhum jo.

¹⁵Ajînga jîngkâr hmatak a Elisha sōkpa hongkathōi jo, inna inphut vângting kasōk, Syria remi he’n shakor leh shakor gâri leh khōpui ankimve bit a an-om kha ahmu jo. Ama’n Elisha hneng inlea vaka-ông jo, “Oja, eini inhmang jo me! Heipen mo nitlo sik jo?” ati.

¹⁶Elisha’n amasôn, “Ṭitmak roh, anmani hmangchâk kanek a eini hmangchâk katamchet a kae.”

¹⁷Khava sōa ama’n derna anei, “O RŌNGPU, ahmit mahlâng pek ina manhmu roh!” RŌNGPU’n aderna kha ahnōm pek, khana Elisha sōkpa khan tlâng ting ahei-en pha Elisha kimvea hmei shakor leh shakor gâri akasiptak hei kha aleihmu.

¹⁸Syria he’n anhei buhlu pha Elisha’n ader, “O RŌNGPU, hiva remihei hi anhmit mancho pek hei roh!” RŌNGPU’n aderna kha ahnōm pek a anhmit amancho pek jo hei.

¹⁹Khan chu Elisha’n anhnenga kasea ahri, “Nangni hlam nanṭhe jo; nangni khōpui jong kha hivahi changmak. Kei ajui ruh, nangni tajōng pasepa hneng ke’n ṭhōi chei rong.” Khana Samaria katlunga aṭhōi jo hei.

²⁰Anmani’n khōpui kha anhlut lim leh, Elisha’n derna aneia, “RŌNGPU, anhmit mahlâng pek jo hei roh, khō manhmu jo hei roh.” RŌNGPU’n aderna kha athei pek a, anhmit amanhmu jo hei, khana anmani kha Samaria shunga ka-om jo hei ti hi anmanhret jo.

²¹Israel rengpa’n Syria remihei ahmu pha Elisha hneng ader, “Oja anmani hei hi kathat sik hei mo? Kathat sik hei mo?” ati.

²²Ama’n amasôn, “Nang in re intukna shunga rehring sur hei kapha nathat mak sik hei kae. Antasâk leh anta-in sik a pek hei roh, anrengpa hnenga inle hei rasoh.”

²³Khava jâra Israel rengpa’n anmani hei sik a sâklôm atlopek hei; ansâk an-insō leh Syria rengpa hneng atir male heia kae. Hivasō kahnunga chu Syria he’n Israelhei chunga re tlomak jo hei.

²⁴Pha chomkhat sōa Syria Reng Benhadad in Israel dōina aremihei seng ahei thōia Samaria ankekhum pet jo.

²⁵Ankekhum jo jâra khan khōpui shunga sâk katâng kha kakhôk hêr jo, khachu shakōrtung lu inkhat a dangka 80 anpek khana pherva ek gram 200 a dangka chêng 5 ṭim anpek a kae.

²⁶Israel rengpa kha khōpui rape hnenga kalôn lelea aleiomlai nuhmei inkhat in, “Kei a’nṭhōipui roh, Reng Kalûr!” tia leika-ông.

²⁷Ama’n aleimasôn, “RŌNGPU’n nang a’nthōpui mak che’nchu, ke’n heikhong inmo ka’nthōpui tor sik che? Ke’n gehu achangmak leh ju kanei mo kae?

²⁸Nachâmna kha heimo kae?” Nuhmeinu’n amasôn, “Tening khan nuhmeinu hin keisa sâk rih, abân kania ama sa sâk rih ati.

²⁹Khava jâra, keini’n kasa kha kansōnga kansâk jo, khana abân kania ama sa kha sâk jo ri kanti pha athup a ada jo!” ati.

³⁰Khavakha atheia, rengpa amalung inreng reia apōn akeihler jo, khana bang hnenga kahnaitek a aka-om mihe’n apōn thōiting borapōn a’nsi kha anleihmua kae.

³¹Ama’n kapenga, “Tuning kani a’nchai mak hma Elisha kha alu katanmak inchu Pathen in kei athat rasoh!” ati.

³²Khana ama’n Elisha kajōng sik a mi atir jo hei. Khava pha khan Elisha kha a-inna ahong kaphâk upa ajing hei leh leika-om hei. Rengpa tahei tir mi kha aheitlung mak hma khan Elisha’n upahei hneng ahri, “Sova mikathatpa son kei kathat sik a mi ahei tir jo! Tûnchu, ama kha hiva hmun ahong tlung pha, kot khâr una ashunga heimanhlut mak ruh. Rengpa atak-khet um ama kahnunga kahong sik.”

³³Ama’n khanga ahrisō mak lai, rengpa kha heikatlunga ahri, “Nichunga khōdeng theina rakip hi RŌNGPU tahei rônsōt kae! Heisik a mo ama’n heikhat atlona sik a kalahngâk ṭhak sik?” ati.