Read Komrem THUHMINGHEI INKHATNA 11 Bible Online

THUHMINGHEI INKHATNA 11 - Komrem bible

THUHMINGHEI INKHATNA 11

¹Israel mipui rakip Hebrona David hneng kase jo hei khana ahnenga anti, “Keini nang taksa leh thisen khet ung kae.

²Akasesa pha khan, Saul in nireng aleichanglai kha’num, nang in Israel mihei rehmun a hlam naleikei hei, khana RŌNGPU na-Pathen in nahnenga intepna aneia nang in amihei naṭhōi sik hei, khana anmani vaikarôn kachang sik che aleiti.”

³Khava jâra Israel hlamkakei rakip Hebrona David hneng kahong jo hei. Ama’n anmani leh inthengtak a inmatna inkhat aleisyem, anmani’n thai anmanthi, khana ama kha RŌNGPU’n Samuel hnenga ale’ntep kapōa, Israelhei reng hongkachang jo.

⁴Reng David leh Israel sahe’n kase heia Jerusalem anbuhlu jo. Jebush tia le’nhret, aleika-om masa Jebush-hei kha khava pha khan leika-om ṭhak heia kae.

⁵Jebush-hei khan David hneng khōpui shunga hlut tor hêrmak ning antipek, tâk-kha anmani Zion rekur kha anhlōa “David Khōpui” tia inhret jo.

⁶David in ati, “Jebush mi that masa sik kha anrehlam kakeipa kha kae!” Joab, anu Zeruiah, khan resōna rehlam kakei le’nṭanga kae.

⁷David kha rephōr shunga aka-om sik a aleise jâra, khavakha “David Khōpui” tia a’nhret kae,

⁸Ama’n hmebung nisōtinga mihei siptakna ram a inphut aphut a khōpui kha asyem manther a kae, khana Joab in khōpui seng kha alosa heia kae.

⁹David kha ratha ahongnei chet-chet jo, ajârchu Chunghnung RŌNGPU’n a-ompuia kae.

¹⁰Hihei hi David remi inthang man-gôrna kha kae. Israel mipuihei leh inṭhōia, RŌNGPU’n ṭong aleitep kapōa anmani hin ama reng changna sik a anlei inthōpuia kae, khana anmani’n arengram anman ngar pek a kae.

¹¹Ahma kakei kha Hachmon phungṭhena Jashobeam, “3-hei” hlamkakei kae. Ama’n akasei vânga mi 300 hei adōi heia rehmun inkhat a athatsō hei.

¹²Abânna a’nthang “3-hei” kâra Aho phungṭhena Dodo sapa Eleazar kae.

¹³Ama’n David langting Philistihei Pas Dammim a re adōi heia kae. Israel he’n antlânsō pha khan, ama chu satun hlei laia leika-om,

¹⁴khang’khan ama leh ami he’n hlei laia kangir heia Philistihei kha re anleituk hei. RŌNGPU’n retorna kalentak aleipek.

¹⁵Ni khat chu remi kahrâng 30 hei in David omna Adullam hlungkōk hnenga hlungpui inkhat a leikase hei, khava pha Philisti rup khat in Rephaim Phaichama rephōr anleimatung.

¹⁶Khava pha David kha rekur tukkhumna hmebunga leika-om, Philisti rup khat in Bethlehem anleihlō jo.

¹⁷David kha a-inn arangei hêr joa ati, “Bethlehem kekot hnenga tuikhura tui kha in sik a tu mo inkhat in ahei choi pek sik enga heituk a karangei jo mo!”

¹⁸Remi inthang 3 hei khan rahnaktak a Philistihei rephōra kahlut heia, tuikhura inphut tui anvathea kae, khana David hneng anheichoi pek. Tâk-kha ama’n khavakha inmak jo; khava kanek a RŌNGPU hnenga inthoina kapōa asun mathlâk jo,

¹⁹khana ati, “Ke’n hivahi intor hêrmak jo eng! Hiva hichu hringkhō kaphesōt a tui kathe hei thisen kapō kha kae!” Khava jâra ama’n tui in sik kha leihnōm mak jo. Hihei hi remi inthang 3 hei kangamtak a ṭōn tlona hei kha kae.

²⁰Joab naipa Abishai kha “A’nthang 30-hei” hlamkakei kae. Ama’n akasei vânga mi 300 hei adōi heia aleithatsō hei, khana “30-hei” kâra inthanga kae.

²¹Ama kha “30-hei” kâra a’nthangpen kha kae.

²²Kabzeel a Jehoiada sapa Benaiah kha remi inthang kae; ama’n kangamtak a ṭōn katamtak aleitlo, Moab remi kahrâng 2 aleithatsa hei. Ni khat kavur tlâk ning ama’n khur kōk shunga kahlut a shabakkai inkhat aleithat a kae.

²³Ama’n Egypt mikalen inkhat feet 7 leh aṭim inshâng, kasei kalentak kachoi inkhat aleithat a kae. Benaiah khan sungtlōn inkhat vânga adōia, Egypt mipa kut a inphut kasei akasut a, khan vâng khan athat a kae.

²⁴“30-hei” kâra inkhat, Benaiah in kangar tak a aleitlona hei kha hihei hi kae.

²⁵Ama kha “30-hei” kâra mi inthang kae, tâk “3-hei” inthang kapōa chu inthangmak. David in ama kahrung sik alei manṭanga kae.

²⁶Hihei seng hi rahming inthang remihei kae: Asahel, Joab naipa Bethlehema Dodo sapa Elhanan Harod a Shammoth Pelet a Helez Tekoa a Ikkesh sapa Ira Anathoth a Abiezer Hushah a Sibbecai Aho a Ilai Netophah a Maharai Netophah a Baana sapa Heled Benjamin a Gibeah inphut Ribai sapa Ithai Pirathona Benaiah Gaash hnenga phaichama inphut Hurai Arba a Abiel Bahurum a Azmaveth Shaalbon a Eliahba Gizon a Hashem Harara Shagi sapa Jonathan Harara Sakhar sapa Ahiam Ur sapa Eliphal Mecherah a Hepher Pelona Ahijah Carmel a Hezro Ezbai sapa Naarai Nathan naipa Joel Hagri sapa Mibhar Ammon a Zelek Beeroth a Joab re hmangchâk karôn Naharai Jattira Ira leh Gareb Hit mi Uriah Ahlai sapa Zabad Shiza sapa Adina (Reuben phung leh ama remi 30 hei hlamkakei inkhat) Maacah sapa Hanan Mithan a Josh(...)