Read Komrem THUHMINGHEI INKHATNA 12 Bible Online

THUHMINGHEI INKHATNA 12 - Komrem bible

THUHMINGHEI INKHATNA 12

¹David kha Reng Saul hnenga inphut atlânsōt lai ale’nthupna Ziklag a khan ka-om jo. Khana khan ṭōnhlam inhret leh taksenthei kachang remi katamtak hei,

²Saul phung kachang Benjamin mi ahnenga kahong hei. Anmani kha veiting changting the leh hlung ankâp theia kae.

³Anmani kha Gibeah a ka-om Shem a sapa, Ahiezer leh Joas hlamkeina thōia aka-om loihei kae. Remihei kha hihei hi kae: Azmaveth sapa Jeziel leh Pelet, Anathoth a Beraka leh Jehu Gibeona Ishmaiah, rahming inthang remi inkhat khana “30-hei” hlamkakei kae, Gederah a Jeremiah, Jahaziel, Johannan, khana Jozabad Hariph a Eluzai, Jerimoth, Bealia, Shemariah, khana Shephatiah, Korah phungṭhena Elkana, Isshiah, Azarel, Joezer, khana Jashobeam, Gedor a Jeroham sapa Joela leh Zebadiah.

⁸Hihei hi David in nêrdiram a rekur a aleiomlai aremi kâra a’nvei hei, Gad phunga rehlam inhret leh rahming inthang remihei kha kae. Anmani pho leh kasei kathem hêr hei, shabakkai kapōa hmit-enna ṭit ka-om hei khana tlânga shakhi kapōa inrang hei.

⁹Anmani kha anthemna dungjuia hinga man-gôr hei kae: Ezer, Obadiah, Eliab, Mishmanna, Jeremiah, Attai, Eliel, Johanan, Elzabad, Jeremiah, khana Machbannai.

¹⁴Gad phunga hiva mihei kâra ṭhahrep chu remi 1,000 hlamkakei upaloi hei kae, alak he’n remi 100 hlamkakei naipang loihei kae.

¹⁵Kum khat shunga thla hmakakeia, Jordan Tuidung kha tui akachûm er jo pha, anmani’n tuidung kha anleirakan, tuidung nisōa leh tlaitlâk a phaichama aka-om mihei anleihnong manchek hei.

¹⁶Pha khat a Benjamin leh Judah phunga mi rup khat in David omna rekur a leikase hei.

¹⁷David in anmani inhmupui sik a kasōk a ati, “Nangni ṭhōn inkhat a ani kabôm sik a nanhong inchu, nangni rahlâng chei kae. Kankâra inveisa ruh! Tâk-kha kei inrepuihei hnenga anikajōrsōt sik a nan-intluk inchu, nangnihei mansuksetna sik a ke’n katlomak tâk inum, nipusōnhei Pathen khan amanhret sik khana karâkna apek sik chei.”

¹⁸Ankâra Amasai intipa, hnunga chu “30-hei” hlamkakei ahong inṭangpa kha Pathen rathla’n thlopna aneia hong kaṭongsōt a, “Jesse sapa David, keini hi nang mi ung kae! Nang leh nang kabôm hei chunga hmesōna chang rasoh! Pathen kha nang langa inṭang jo,” ati. David in arahlâng heia aremihei kâra ṭōnkarôn amanṭang jo hei.

¹⁹David in Philistihei leh inṭhōia Reng Saul inrepui sik a aselai Manasseh phunga remi ṭhahrep ama langting anleijui. Kadik khet a chu ama’n Philistihei kha leibôm mak hei, ajârchu anrenghei khan ama akapupa Saul hnenga anmani kha ajōrsōt sik hei tia anṭit jâra, ama chu Ziklag a antir male jo.

²⁰David in ahong inle pha, ama lang tinga akahong Manasseh phunga remihei kha hihei hi kae: Adna, Jozabad, Jediael, Michael, Jozabad, Elihu, khana Zillethai. Manasseh shunga anmani hin remi 1,000 et rup a hlam anleikei hei.

²¹David remihei ṭōn karôna inṭang heia anmani’n ama kha anleirazenna kae, ajârchu anmani kha rahming inthang remi rōk hei kae. Hnung leh chu anmani kha Israel remihei kâra ṭōnpui karôn kachang heia kae.

²²Ani kataia mither he’n David remi kâra inveisa jo hei, khan chu aremihei kha hong katam hêr jo hei.

²³Hebrona David a-omlai khan, re inchûna akaneisa jo remi katamtak in ama remi kâra inveisa heia RŌNGPU’n ṭong aleitep kapōa, Saul kahlânga ama reng manchangna sik a anlei inthōpuia kae. Anmani anja kha: Judah: katluk a revon invon, pho leh kasei kachoi mi 6,800; Simeon: kaṭhadek a inchuna kanei jo mi 7,100; Levi: mi 4,600; Aaron sōn leh pâr, Jehoiada kajui: mi 3,700; Zadok innshung mi, re katuktor: hlamkakei mi 22; Benjamin (Saul phunga): mi 3,000 (Benjamin mi akatam lang chu Saul kajuihei kae); Ephraim: anphung ṭhen shunga rahming inthang mi 20,800; Tlaitlâk Manasseh: David hneng anse leh reng anmanchangna sik a kadeisōt hei, mi 18,000; Issachar: hlamkakei 200 hei, inṭhōia anmani hlamkeina thōia mihei (hiva hlamkakei he’n Israel ṭōn tlo sik khana khava tlona sik pha kaṭhapen kha anmanhret); Zebulun: ṭong kajui leh taksenthei kachang re tukna sik a’ntluk ṭhak mi, khana re hmangchâk rakip hmangtheina sik a inchuna kanei jo hei mi 50,000; Napht(...)

³⁸Hiva remi rakip, re sik a inrin heia, Hebrona kase jo hei, Israel pumpui chunga David kha reng manchang sik a intluk jo hei. Israel mipui ralak-hei kha’num khava mantlukna sik a inchun jo hei.

³⁹Anmani sik a-innshung mihei tasyem sâk leh in revei antloa, anmani kha David leh khana khan ni 3 pha anleihmang.

⁴⁰Akahlajap sak tinga Issachar, Zebulun khana Naphtali mihei khan shakōrtung, sharîngsei, shakor kasin khana sehratchehei kha thlai phur anhei rôn — jâmdi, theipōng, vomhrui kachâr, ju, khana olive thai. Anmani khan se leh kemōng that sik leh sâk sik a anheiṭhōi hei. Hihei rakip hi malung inpâkna ram pumpui shunga aka-om kha malârna kha kae jo.