Read Komrem THUHMINGHEI INKHATNA 20 Bible Online

THUHMINGHEI INKHATNA 20 - Komrem bible

THUHMINGHEI INKHATNA 20

¹Khava bânna zerkhōa, reng he’n kum a re tuk ansena pha a, Joab in remi aṭhōi heia Ammonhei ram a re avasō jo; kha achang inum Reng David chu Jerusalema leika-om. Remihei khan Rabbah khōpui kha ankekhum jo, anbuhlu jo, khana ansukset jo.

²Ammonhei limsyem Molech kha sana lukhu pound 75 kapō akahrik anei. Ashunga hira-mukta aka-om kha David in aloa ama lukhua a amanbek jo. Ama’n khōpuia inphut neinâk katamtak achomsōt a kae.

³Khōpuia mi katamtak aṭhōi heia horai, thir kôite, khana hreicha ṭōn amantlo hei. Ama’n Ammon khōpui ralak a mipui rakip he’m khanga amantlo heia kae. Khava sōa ama leh amihei kha Jerusalema hong inle hei.

⁴Hnung leh chu, Philistihei leh Gezer hmun a re leikasōk nôk jo. Hivahi Hushah a Sibbecai in Sippai inti pum kalen athatna kha kae, khana Philistihei kha anleitor hei.

⁵Philistihei leh re intukna inkhat leika-om nôk, Jair sapa Elhanan in Gath a Goliath naipa Lahmi kha aleithat, ama kasei khachu asung kha pōn kakhông hei ṭatem kapōa insâ.

⁶Gath a re intukna inkhat kasōk nôk, khana khan pum kalen inkhat akut a kutpâr 6 et, akea kepâr 6 et indo hei. Ama kha tenlaia pum kalenhei sōn leh pâr inkhat kae.

⁷Ama’n Israelhei kha ahnōise hei, khana David naipa Shammah sapa Jonathan in ama kha athat jo.

⁸Khava David leh amihei tathat 3 hei kha Gath a takpum kalenhei sōn leh pârhei kae.