Read Komrem THUHMINGHEI INKHATNA 23 Bible Online

THUHMINGHEI INKHATNA 23 - Komrem bible

THUHMINGHEI INKHATNA 23

¹David kha upa achang hêr jo pha, asapa Solomon kha reng amanchang jo.

²Rn David in Israel hlamkakei rakip leh thempu leh Levihei akhôm mantûp hei.

³Ama’n Levi pase kum 30 khana achungting seng mija teina anei. Ankhenga 38,000 hei kae.

⁴Reng in 24,000 hei kha Bek-inn inrônna ka-ensuia, 6,000 hei khan lekharabu mazet leh innâk-inse ṭong katan sik a,

⁵4,000 he’n Bek-inn kahrung sik a, 4,000 nôk in RŌNGPU manpâkna, hiva sik a reng in apek hei mahring kanei hmangchâk-hei akahmang sik a anganse hei.

⁶David in Levihei kha rup thuma aṭhensōt hei, anphung ṭhen dungjuia: Gershon, Kohath, khana Merari.

⁷Gershon in sapa 2 anei: Ladan leh Shimei.

⁸Ladan in sapa 3 anei: Jehiel, Zetham, khana Joel,

⁹anmani hi Ladan inphut ahong kakōn sōn leh pârhei phungṭhen hlamkakeihei kae. (Shimei in sapa 3 anei: Shelomoth, Haziel, khana Haran.)

¹⁰Shimei in sapa 4 anei: ankum dungjuia, Jahath, Zina, Jeush, khana Beriah. Jeush leh Beriah hei chu sōn leh pâr katamtak neimak hei, khava jâra anmani chu phungṭhen inkhat a intei jo hei.

¹²Kohath in sapa 4 anei hei: Amram, Izhar, Hebron, khana Uzziel.

¹³Asapa upapen Amram kha Aaron leh Moses hei pa kae. (Aaron leh asōn leh pârhei kha a’ntheng neinâk-hei katinta sik a ṭhensōt hei kae, RŌNGPU kamukna bero karo sik, ama inzen sik, ama rahminga mipuihei mahâmṭhat kapek sik hei kae.

¹⁴Tâk-kha Pathen mi, Moses sapahei kha Levihei kâra amanveisa hei.)

¹⁵Moses kha sapa 2 anei hei, Gershom leh Eliezer.

¹⁶Geshom sapahei kâra hlamkakei kha Shebuel kae.

¹⁷Eliezer in sapa inkhat anei, Rehabiah, tâk-kha Rehabiah khachu sōn leh pâr katamtak anei hei.

¹⁸Kohath sapa, 2 changna Izhar in sapa inkhat anei, Shelomith, ama hi phungṭhen hlamkakei kae.

¹⁹Kohath sapa 3 changna Hebron in sapa 4 anei: Jeriah, Amariah, Jahaziel, khana Jekameam.

²⁰Kohath sapa 4 changna, Uzziel in sapa 2 anei: Micah leh Isshiah.

²¹Merari in sapa 2 anei: Mahli leh Mushi. Mahli kha’num sapa 2 anei hei, Eleazar leh Kish,

²²tâk-kha Eleazer chu sapa neiloa kathi jo, sanu rōk amanhring hei. Ama sanuhei khan Kish sapahei, anser kasōk hei leh ka-om hei.

²³Merari sapa 2 changna, Mushi in sapa 3 anei: Mahli, Eder, khana Jeremoth.

²⁴Hihei hi Levi sōn leh pârhei kae, phungṭhen leh innshung dungjuia, anmani inkhat et rahming kha anmazet khum hei. Ama sōn leh pâr, kum 20 khana akakhe rakip in RŌNGPU Bek-inna ṭōn tlo sik chen annei et a kae.

²⁵David in ati, “Israel Pathen RŌNGPU’n amihei hneng mōngna apek hei, ama khet Jerusalema ahei tik a ka-om sik.

²⁶Khava jâra Levi he’n RŌNGPU omna Pōn-inn leh kamukna hmangchâk-hei kadom vângvei sik rangei mak jo.”

²⁷David in achaina mansena anei hei dungjuia Levi rakip ankum 20 a’ntluk pha ṭōn tlona sik a anrahming ankhum heia kae,

²⁸khana hiva ṭōnhei hi anmanngan heia kae: Bek-inn kamukna pha Aaron sōn leh pâr, thempuhei inthōpui sik, khava Bek-inn sumpuk leh inndenhei ka-ensui, khana a’ntheng rakip manbōkloa akada sik hei kha kae;

²⁹Pathen hneng tōk sik buhlom ka-ensui, tōk sik a jâmdi, che philo buhlom pheng, buhlom tōkna, jâmdi leh olive thai manheina; Bek-inna tōknahei akahrik leh akasei akate lele sik;

³⁰khana jîngkâr khōhleia RŌNGPU choi ka-ânna leh choi manlûrna katlo sik

³¹khan chu Châmhngat kani, Thlather, khana revei ralak kani ninga tōknahei karo invâm sik a manngan hei kae.

³²Anmani hi RŌNGPU omna Pōn-inn leh Bek-inn ka-ensui sik khana Bek-inna kamukna rakip a an-u leh nai kasōk, Aaron a inphut ahong kakōn thempuhei inthōpui sik a manngan hei kha kae.