Read Komrem THUHMINGHEI INKHATNA 25 Bible Online

THUHMINGHEI INKHATNA 25 - Komrem bible

THUHMINGHEI INKHATNA 25

¹Rn David leh Levi hlamkakei he’n athōia Levi phungṭhen hei hi kamukna ṭōn hlamkakei sik a ankadei hei: Asaph, Heman, khana Jeduthun. Anmani Pathen ṭong akaphôngsōt sik hei kae, serângdâr leh sumkutben hei leh inṭhōi hei. Hihei hi kamukna hlamkakei sik kadeisōt hei man-gôrna kha leh inṭhōia arup et tatlosōt sik anṭōnhlam kha kae:

²Asaph sapa 4 hei: Zaccur, Joseph, Nethaniah, khana Asharela. Anmani kha reng in ṭong apek akaia Pathen ṭong kaphôngsōt Asaph intipa mansena thōia leika-om hei.

³Jeduthun sapa 6 hei: Gedaliah, Zeri, Jeshaiah, Shimei, Hashabiah, khana Mattithiah. Anmani kha anpa hlamkeina thōia Pathen ṭong anphôngsōt a kae, serângdâr mahring leh inṭhōia RŌNGPU choi ka-ânna leh manpâkna annei.

⁴Heman sapa 14 hei: Bukkia, Mattaniah, Uzziel, Shebuel, Jerimoth, Hananiah, Hanani, Eliatha, Giddalti, Romamti Ezer, Joshbekasha, Mallothi, Hothir, khana Mahazioth.

⁵Rengpa sânkathem Heman hnenga Pathen in ama intepna dungjuia, Heman hnenga rathapekna sik a, hiva sapa 14 hei leh sanu 3 apek hei.

⁶Asapa rakip anpa mansena dungjuia Bek-inn kamukna shunga, sumkutben leh serângdâr anmanhring. Khana Asaph, Jeduthun khana Heman hei kha rengpa mansena thōia ka-om hei.

⁷Hiva mi 24 hei hi akathemtak rōk hei kae; khana anloi Levi he’m manchuna annei hei. Anmani kha ankhenga 288 hei kae.

⁸Anmani ṭōnhlam mannganna sik a, anmani ankheng in tlâ sânna anneia kae, upa leh naipang, akathem leh ala’nchûbi hei ṭhenna om mak.

⁹Hiva mihring 288 hei hi innshung dungjuia agôr 12 hei kha rup 24 a anṭhensōt hei, arup rakip a hlamkakei inkhat sâm kae: Hiva man-gôrna dungjuia ṭōn antatlo sik kae: 1) Asaph innshunga Joseph; 2) Gedaliah; 3) Zaccur; 4) Zeri; 5) Nethaniah; 6) Bukkia; 7) Asharela; 8) Jeshaiah; 9) Mattaniah; 10) Shimei; 11) Uzziel; 12) Hashabiah; 13) Shebuel; 14) Mattithiah; 15) Jerimoth; 16) Hananiah; 17) Joshbekasha; 18) Hanani; 19) Mallothi; 20) Eliatha; 21) Hothir; 22) Giddalti; 23) Mahazioth; 24) Romamti Ezer.