Read Komrem THUHMINGHEI INKHATNA 4 Bible Online

THUHMINGHEI INKHATNA 4 - Komrem bible

THUHMINGHEI INKHATNA 4

¹Judah sōn leh pâr ṭhahrep kha hihei hi kae: Perez, Hezron, Carmi, Hur, khana Shobal.

²Pa leh sa abân bâna, Shobal kha Reaiah pa, Reaiah kha Jahath pa, Jahath kha Ahumai leh Lahad pa, anmani kha Zorah ram a aka-om hei pusōnhei kae.

³Hur kha apa Caleb leh anu Ephrath hei sapa upapen kae, khana asōnhei khan Bethlehem khōpui anphunsōt a kae. Hur in sapa 3 anei hei: Etam, Penuel, khana Ezer. Etam in sapa 3 anei hei: Jezreel, Ishma, khana Idbash, khana sanu inkhat, Hazzelelponi. Penuel in Gedor khōpui aphunsōt, khana Ezer in Hushah khōpui aphunsōt.

⁵Ashhur in Tekoa khōpui aphunsōt, khana nuhmei 2 anei hei, Helah leh Naarah kae.

⁶Ama leh Naarah khan sapa 4 annei: Ahuzzam, Hepher, Temeni, khana Haahashtari.

⁷Ashhur leh Helah khan sapa 3 annei: Zereth, Izhar, khana Ethnan.

⁸Koz kha Anub leh Zobeba pa kae, khana Harum sapa Aharhel a inphut phungṭhen hrui hei anpusōn kae.

⁹Arahming Jabez inti mi inkhat leika-om, a-innshunga mihei kajana kachenpen inkhat kae. Anu khan arahming Jabez tia aleiphō ajârchu ama matetna chunga inreng hêra kae.

¹⁰Tâk-kha Jabez in Israelhei Pathen hneng ader, “Vângṭhat apek roh, Pathen, khana ram kalentak apek roh. Kei chunga inrengna anikapek sik ṭhatmak rakip a inphut aṭhensōt inna a-ompui ṭhak roh.” Khana Pathen in aderna kha apek a kae.

¹¹Shuhah naipa Caleb in sapa inkhat anei, Mehir anti. Mehir kha Eshton pa kae,

¹²ama’n sapa 3 anei hei: Bethrapha, Paseah, khana Tehinna. Tehinna kha Nahash khōpui kaphunsōt kae. Hiva mipa sōn leh pârhei kha Recah ram a ka-om hei.

¹³Kenaz in sapa 2 anei hei, Othaniel leh Seraiah. Othaniel khan sapa 2 anei hei, Hathath leh Meonothai;

¹⁴Meonothai kha Ophrah pa kae. Seraiah kha Joab pa kae, ama kha Kutthem Phaicham kaphunsōtpa kae, khana khan mi rakip kutthem ṭōnkatlo ka-om hei.

¹⁵Jephunneh sapa Caleb khan sapa 3 anei hei: Iru, Elah, khana Naam. Khan Elah kha Kenaz pa kae.

¹⁶Jehallelel in sapa 4 anei hei: Ziph, Ziphah, Tiria, khana Asarel.

¹⁷Ezra in sapa 4 anei hei: Jether, Mered, Epher, khana Jalon. Mered in Bithiah, Egypt rengpa sanu a-ompui, anmani’n sanu inkhat Miriam inti annei, khana sapa 2 annei hei, Shammai leh Ishbah. Ishbah hin Eshtemoa khōpui aphunsōt. Mered hin Judah jōr inkhat a-ompuisa, anmani’n sapa 3 annei: Jered, Gedor khōpui kaphunsōtpa; Heber, Soco khōpui kaphunsōtpa; khana Jekuthiel, Zanoah khōpui kaphunsōtpa.

¹⁹Hodiah in Naham sernu a-ompui. Anmani sōn leh pârhei khan Keilah khōpuia aka-om Garm phungṭhen leh Eshtemoa khōpuia ka-om Maacath phungṭhen hei kha ansyemsōt a kae.

²⁰Shimon in sapa 4 anei hei: Amnon, Rinnah, Benhanan, khana Tilon. Ishi in sapa 2 anei hei: Zoheth leh Benzoheth.

²¹Shelah kha Judah sahei kâra inkhat kae. Ama sōn leh pârhei kha Er, Lecah khōpui kaphunsōtpa; Laada, Mareshah khōpui kaphunsōtpa; Beth Ashbea ka-om hruipōn kakhông phungṭhen hei kha kae.

²²Jokim leh Cozeba mipuihei khōpuia aka-om hei kha kae; khana Joas leh Saraph, Moab jōr ka-ompui hei khana Bethlehema khō akatla hei kha kae. (Hiva hrina hei hi kasôt hêr jo.)

²³Anmani kha rengpa be kakheng hei kae khana Netaim leh Gederah khōpui heia leika-om hei.

²⁴Simeon in sapa 5 anei hei: Nemuel, Jamin, Jarib, Zerah, khana Shaul.

²⁵Shaul sapa kha Shallum kae, atupa kha Mibsam kae, anôk a atupa kha Mishma kae.

²⁶Khan chu Mishma inphut sōn leh pâr hrui kha Hammuel, Zaccur khana Shimei a abân kase jo.

²⁷Shimei kha sapa 16 leh sanu 6 anei hei, khana ama u leh nai he’n sa leh nai katlômdet a annei hei, khana Simeon innshung kha Judah kapōa mija pungmak heia kae.

²⁸Reng David pha katlunga khan Simeon sōn leh pârhei kha athōia khōpuihei hin leika-om hei: Beersheba, Moladah, Hazarshual,

²⁹Bilhah, Ezem, Tolad,

³⁰Bethuel, Hormah, Ziklag,

³¹Beth Marcaboth, Hazarsusim, Bethbiri, khana Shaaraim.

³²Anmani kha hmunhlop 5 a leika-omsa hei: Etam, Ain, Rimmon, Tokhen leh Ashan,

³³khana akimve khōheia, thlâng-tlaitlâk tinga Baalah katlung ka-om hei. Hihei seng hi anmani innshung chungchânga leh anleiomna hmun mazetna kha kae.

³⁴Hiva mihei hi phungṭhen hlamkakeihei kae. Meshobab, Jamlech, Josha, Amaziah sapa, Joel, Jehu (Joshibia sapa, Joshibia hi Seraiah sapa, Seraiah hi Asiel sapa), Elioenai, Jaakoba, Jeshohaiah, Asaiah, Adiel, Jesimiel, Benaiah, Ziza (Shiphi sapa, Shiphi hi Allon sapa, Allon hi Jedaiah, Shimri, khana Shemaiah hei sōn inkhat kae). Ajârchu anmani innshung hi mija kapung injônna kae,

³⁹anmani tlaitlâk ting ram antlâk a Gerar khōpui katlungvet hei khana anranhei kha nisōtinga phaicham, khava khōpui omna khan ankhem hei.

⁴⁰Anmani’n ram thai omna ran khemna, ramhâng hmun kahōi leh ram kadai khana khan katamtak anvahmu sōt a kae. Khana aleika-om masa mihei kha Hem hei kae.

⁴¹Judah Rengpa Hezekiah phalai khan, achunga rahming a’nhrisōt hei khan Gerara kase heia khana aka-om mihei pōn-inn leh thlâm hei ansuk manhmang hei. Mihei kha anhnongsōt hei ajârchu khana khan anranhei sik a ramhâng katamtak ka-oma kae.

⁴²Simeon phunga mi 500 nisōting Edoma kasesōt hei. Anmani kha Ishi sapa he’n hlam anleikei hei: Pelatiah, Neariah, Rephaiah, khana Uzziel.

⁴³Khana khan Amalek mi akahring hei kha anleithat heia, khana inphut anmani kha ka-om thang jo hei.