Read Komrem THUHMINGHEI INKHATNA 5 Bible Online

THUHMINGHEI INKHATNA 5 - Komrem bible

THUHMINGHEI INKHATNA 5

¹Hihei hi Jacob sahei kâra upapen Reuben sōn leh pârhei kha kae. (Apa nuhmei manbo inkhat kha rakhum a’nchunpui jâra sapa upa achangna ratha kha amanhmang jo, khava ratha neina kha Joseph hnenga inpek joa kae.

²Kha achang jo inum ahong kahratpen leh phung rakip vaikarônhei hongsōkna khachu Judah phung kha kae.)

³Jacob sapa upapen Reuben khan sapa 4 anei hei: Hanoch, Pallu, Hezron, khana Carmi.

⁴Hihei hi akhang akhanga Joel sōn leh pârhei kae: Shemaiah, Gog, Shimei, Micah, Reaiah, Baal, leh Beera. Assyriahei rengkalen Tiglath Pileser khan phung hlamkakei inkhat asura aramting aleiṭhōi jo.

⁷Innshung thuhming rabu khan athōia Reuben phung shunga phungṭhen hlamkakeihei hi aman-gôr hei: Jeiel, Zechariah,

⁸khana Bela, Joel phung shunga Azaz sapa khana Shem a tupa. Hiva phung hi Aroer ram shunga leh ramṭhen inkhat, ti chu khana inphut sak ting Nebo leh Baal Meon omna shunga khan ka-om hei.

⁹Anmani Gilead ram shunga ran katamtak annei, khava jâra nisōtinga nêrdiram Euphrates tuidung katlunga akasei ram kha anleihlō.

¹⁰Reng Saul pha shunga Reuben phung he’n Hagrihei chunga anbuhlu hei, re shunga anleithat hei, anram Gilead nisōtinga aṭhen kha anleihlō.

¹¹Gad phunghei kha Reuben hei sak tinga Bashan ram a nisōtinga Salecah katlunga leika-om hei.

¹²Joel kha apui karôn phungṭhen hei akaphunsōt kha kae, khana Shapham khan 2 changna apui karôn phungṭhen kaphunsōt kha kae. Janai leh Shaphat hei kha Bashan shunga phungṭhen ralak-hei kaphunsōt hei kha kae.

¹³Phung shunga mi ralak-hei khachu athōia phungṭhen 7 shunga hin inveisa hei: Michael, Meshullam, Sheba, Jorai, Jakan, Zia, khana Eber.

¹⁴Anmani hi Huri sapa Abihail sōn leh pârhei kae, ama apusōnhei chu hing’hin injongsōt hei: Abihail, Huri, Jaroa, Gilead, Michael, Jeshishai, Jahdo, Buz.

¹⁵Ahi, Abdiel sapa khana Guni tupa kha hiva phungṭhen hlamkakei kae.

¹⁶Anmani kha Bashan leh Gilead ramṭhen a, khava hmun a aka-om khōpui heia khana Sharona ramhâng rakip a ka-om hei. (

¹⁷Hiva mazetna hei hi Judah a Reng Jotham leh Israel a Reng Jeroboam II pha shunga ale’nkhum hei kae.)

¹⁸Reuben, Gad leh Nisō Manasseh phunghei remi kha 44,760 leika-om hei, kaṭhadek a pho, chemjâm, khana thekâp inchûna akanei jo hei kae.

¹⁹Anmani Jetur, Naphish, khana Nodab a Hagri phunghei chunga re kasōa vakase hei.

²⁰Pathen hneng taksenna anneia, inthōpuina sik a andera kae, khana Pathen in anderna athei pek heia Hagrihei leh anmani inthōpui hei chunga retorna amannei heia kae.

²¹An-inrepui heia inphut sharîngsei 50,000, kemōng 250,000, khana shakōrtung 2,000 khana rehringa mi 100,000 anleisur heia kae.

²²Anmani’n an-inrepuihei katamtak anleithat hei, ajârchu re kha Pathen lungdo kae. Khana anmani kha rehringa anṭhōisōt mak hma seng khava ramṭhen a khan leika-om hei.

²³Nisōtinga Manasseh a mihei kha Bashana ramṭhen shunga, sak tinga Baal Hermon katlung, Senir khana Hermon Tlâng heia leika-om hei, khana anmani mija kha leikapung hêr hei.

²⁴Athōia hei hi anmani phungṭhen hei hlamkakeihei kae: Epher, Ishi, Eliel, Azriel, Jeremiah, Hodaviah, khana Jahdiel. Anmani kha remi kahrâng rōk hei kae, anphung ṭhen shunga mi manhretna kachen hei kae.

²⁵Tâk-kha mipuihei kha anpu sōnhei Pathen hnenga taksenthei changmak jo hei khana ram a inphut Pathen in aleihnongsōt jo jât-hei pathen kamuk theina sik a Rōngpu khachu anhlonsōt jo.

²⁶Khava jâra Pathen in Rengkalen Pul kha (Tiglath Pileser ti’m inhret) anrama re amantloa kae. Ama’n Reuben, Gad, khana Nisō Manasseh-hei amanṭhōisōt heia Hala, Habor khana Hara khana Gozen Tuidung panga kumsôt a aman om jo hei.