Read Komrem THUHMINGHEI INKHATNA 7 Bible Online

THUHMINGHEI INKHATNA 7 - Komrem bible

THUHMINGHEI INKHATNA 7

¹Issachar in sapa 4 anei hei: Tola, Pua, Jashub, khana Shimron.

²Tola in sapa 6 anei hei: Uzzi, Rephaiah, Jeriel, Jahmai, Ibsam, khana Shemuel. Anmani hi Tola phungṭhen shunga innshung hlamkakeihei khana remi rahming inthang hei kae. Reng David pha shunga khan anmani mija 22,600 katluk hei.

³Uzzi in sapa inkhat anei, Izrahiah anti. Izrahiah leh asapa 4 hei, Michael, Obadiah, Joel, leh Isshiah, ankhenga innshung hlamkakeihei kae.

⁴Anmani hi nuhmei katamtak leh sa leh nai katamtak annei hei, anmani sōn leh pârhei kha remi ṭōn sik a pase 36,000 rahōi kasōk ka-om hei.

⁵Invairônna rabua Issachar phunga innshung rakip man-gôrna kha pase 87,000 he’n remi ṭōn katlo tor ka-om hei.

⁶Benjamin in sapa 3 anei hei: Bela, Bekher, khana Jediael.

⁷Bela in sapa 5 anei hei: Ezbon, Uzzi, Uzziel, Jerimoth, khana Iri. Anmani hi phung shunga innshung hlamkakeihei khana remi rahming inthang rōk hei kae. Anmani sōn leh pârhei kha pase 22,034 in remi ṭōn katlo tor a ka-om hei.

⁸Bekher in sapa 9 anei hei: Zemira, Joas, Eliezer, Elioenai, Omri, Jeremoth, Abijah, Anathoth, khana Alemeth.

⁹Inlôikhômna lekharabua anmani innshung sōn leh pârhei hi pase 20,200 in remi ṭōn katlo tor ka-om hei.

¹⁰Jediael in sapa inkhat anei, Bilhan anti, Bilhan in sapa 7 anei hei: Jeush, Benjamin, Ehud, Chenaana, Zethan, Tarshish, khana Ahishahar.

¹¹Anmani phungṭhen shunga innshung hlamkakeihei khana remi rahming inthang rōk hei kae. Anmani sōn leh pârhei kha remi ṭōn katlo tor pase 17,200 ka-om hei.

¹²Shuppim leh Huppim he’m hiva phung shunga inveisa hei. Dan in sapa inkhat anei, Hushim anti.

¹³Nephtali in sapa 4 anei hei: Jahziel, Guni, Jezer, khana Shallum. (Anmani hi Bilhah sōn leh pârhei kae.)

¹⁴Aram jōr amanbonu leh Manasseh in sapa 2 annei hei, Asriel leh Machir. Machir kha Gilead pa kae.

¹⁵Machir in Huppim leh Shuppim sik a nuhmei inkhat et ajongpek hei. Ama sernu kha Maacah anti. Machir sapa inhnina kha Zelophehad kae, khana ama’n sanu rōk anei hei.

¹⁶Maacah, Machir nuhmei khan sapa 2 anei hei, anmani rahming kha Peresh leh Sheresh anphō hei. Peresh khan sapa 2 anei hei, Ulam leh Rakem anti hei,

¹⁷khana Ulam khan sapa inkhat anei, Bedan anti. Hihei seng hi Machir sapa, Manasseh tupa, Gilead sōn leh pârhei kha kae.

¹⁸Gilead sernu Hammolecheth in sapa 3 anei hei: Ishod, Abiezer, khana Mahla. (

¹⁹Shemida in sapa 4 anei hei: Ahian, Shechem, Likhi, khana Aniam.)

²⁰Hihei hi akhang akhanga Ephraim sōn leh pârhei kha kae: Shuthela, Bered, Tahath, Eleada, Tahath,

²¹Zabad, Shuthela. Ephraim in Shuthela aneisōa sapa 2 aneisa: Ezer leh Elead, anmani hin Gath a ram kapuhei ran marûkna sik antlo lai anleithat jo hei.

²²Anmani pa Ephraim khan kani katamtak ṭajai aleisui heia kae, khana ama innshung he’m kahong heia lungmōng anvathlâk a kae.

²³Hivasō leh ama’n anuhmei kha rakhum a’nchunpui nôk a, amanu’n nai avona sapa inkhat aneia kae. Anmani’n Beriah tia anphō, hivahi an-innshunga inrengna ahong tlung jâra kae.

²⁴Ephraim in sanu inkhat anei Sheera anphō. Amanu hin Chung leh Hnōi Beth Horon, khana Uzzen Sheera khōpui aleisyem hei.

²⁵Ephraim in sapa inkhat aneisa Repha anti, ama sōn leh pârhei kha hihei hi kae: Resheph, Tela, Tahan,

²⁶Ladan, Ammihud, Elishama,

²⁷Nun, Joshua.

²⁸Anmani tahlō khana antlâkna ramṭhen kha Bethel leh khava kimvea khōpuihei inveisa hei, nisōtinga Naaran khan tlaitlâk tinga Gezer katlung khana ankimvea khōpui inveisa hei. Hiva shunga Shechem leh Ayya khōpuihei, khana ankimvea khōhe’m inveisa hei.

²⁹Manasseh sōn leh pâr he’n Beth Shan, Taanak, Megiddo, khana Dor, khōpui kha an-ensui, khana ankimvea khō kalenhei seng.

³⁰Hihei hi Asher sōn leh pârhei kae. Ama’n sapa 4 anei hei: Imna, Ishvah, Ishvi, khana Beriah; khana sanu inkhat, Serah anti.

³¹Beriah in sapa 2 anei: Heber leh Malchiel. (Malchiel in Birzaith khōpui aphunsōt.)

³²Heber in sapa 3 anei: Japhlet, Shomer, khana Hotham; sanu inkhat, Shuah anei.

³³Japhlet inum sapa 3 anei: Pasach, Bimhal, khana Ashvath.

³⁴Anaipa Shomer in sapa 3 anei: Rohga, Jehubba, khana Aram.

³⁵Anaipa Hotham in sapa 4 anei: Zopha, Imna, Shelesh, khana Amal.

³⁶Zopha sōn leh pârhei kha Sua, Harnepher, Shual, Beri, Imrah,

³⁷Bezer, Hod, Shammah, Shilshah, Ithran, khan Beera hei hi kae.

³⁸Jether sōn leh pârhei kha Jephunneh, Pispa, khana Ara hei kae,

³⁹khana Ulla sōn leh pârhei kha Ara, Hanniel, khana Rizia.

⁴⁰Hiseng hei hi Asher sōn leh pârhei kha kae. Anmani hi innshung hlamkakeihei, re intuk a rahming inthang hei, hlamkakei kalenhei kha kae. Asher sōn leh pârhei hi pase 26,000 remi ṭōn katlo tor a inveisa hei.