Read Komrem THUHMINGHEI INKHATNA 9 Bible Online

THUHMINGHEI INKHATNA 9 - Komrem bible

THUHMINGHEI INKHATNA 9

¹Israel mi rakip an-innshung et a man-gôra mazetna annei hei, hiva ṭong manhretna hi Israel Renghei Lekharabu shunga ka-om hei. Judah mihei kha ansetna jâra Babylona anleiṭhōisōt hei.

²Khōpuia anram antuia ahong inle hma kakeihei kâra Israel ram mihei, thempuhei, Levihei, khana Bek-inn ṭōn katlohei inveisa hei.

³Judah, Benjamin, Ephraim, khana Manasseh mipuihei kha Jerusalema aka-om sik a inle jo hei.

⁴Jerusalema aka-om hei Judah phunghei kha innshung 690 hei kae. Judah sapa Perez sōn leh pârhei khan anhlam kakeia Uthai kha anleinei, ama hi Ammihud sapa khana Omri tupa kae. Ama pusōn ralak-hei kâra Inri leh Bani inveisa hei. Judah sapa Shelah sōn leh pârhei kha anhlam kakeia Asaiah kha anleinei, ama kha ama innshung hlamkakei kae. Judah sapa Zerah sōn leh pârhei kha anhlam kakeia Jeuel kha anleinei.

⁷Athōia Benjamin phung mihei hi Jerusalema leika-om hei: Meshullam sapa Sallu, apa hi Hodaviah sapa, apu hi Hassenuah sapa Jeroham sapa Ibneiah Uzzi sapa khana Michri tupa Elah, Shephatiah sapa Meshullam, apa hi Reuel sapa, apu hi Ibnijah sapa.

⁹Hiva phung mi khava hmun a aka-om innshung kha 956 hei kae. Achunga rahming a’nhriseng hei hi innshung hlamkakei rōk hei kae.

¹⁰Athōia thempuhei hi Jerusalema ka-om hei: Jedaiah, Jehoiarib, khana Jachin Hilkiah sapa Azariah (Bek-inna ṭōnpui karôn), ama pusōnhei kâra Meshullam, Zadok, Meraioth, khana Ahitub inveisa hei, Jeroham sapa Adaiah, ama pusōnhei kâra Pashhur leh Malchijah inveisa hei, Adiel sapa Maasai, ama pusōnhei kâra Jahzera, Meshullam, Meshillemith, khana Immer inveisa hei.

¹³Innshung hlamkakei thempuhei kha ankhenga 1,760 hei kae. Anmani kha Bek-inn shunga ṭōn rakip tlona kathem hêr hei.

¹⁴Athōia Levihei hi Jerusalema ka-om hei: Hasshub sapa Shemaiah, ama pusōnhei kâra Merari phungṭhena Azrikam leh Hashabiah, Bakbakkar, Heresh, khana Galal inveisa hei; Micah sapa Mattaniah, ama pusōnhei kâra Zichri leh Asaph inveisa hei; Shemaiah sapa Obadiah, apusōnhei kâra Galal leh Jeduthun inveisa hei; Berechiah, Asa sapa khana Elkana tupa, Netophah khōpui ramṭhen shunga aka-om hei kha inveisa hei.

¹⁷Athōia Bek-inn kahngâk-hei hi Jerusalema ka-om hei: Shallum, Akkub, Talmon, khana Ahiman. Shallum kha anhlam kakei kae.

¹⁸Khava pha kahnunga chu anmani phung mihei kha Rengpa Kekot nisōting ka-om jo hei. Angaia Levihei kha rephōr kekot a repa kahngâk a ka-om hei.

¹⁹Shallum, Kore sapa, Ebiasaph tupa leh aloi Korah phungṭhen mihei kha RŌNGPU rephōra anpu sōnhei taleitlo kapōhrep a RŌNGPU omna Pōn-inn kahrunga ṭōnkarôn inṭang hei.

²⁰Eleazar sapa Phinehas kha Pathen in ompui rasoh! pha khat a ama’n alei ensui heia kae.

²¹Mashelemiah sapa Zechariah kha’m RŌNGPU omna Pōn-inn kekot a re kahrung inkhat kae.

²²Kekot leh innkot hlutna kahngâk hei ankhenga pase 212 hei kae. Anmani kha an-omna et khō dungjuia rahming inzet khum hei. Hiva ṭōnhmun pekna leh inṭhōia anpu sōnhei matungsōtna hei hi Reng David leh sânkathem Samuel taleitlosōt kae.

²³Anmani leh ansōn leh anpârhei khan Bek-inn hrungna kha anleitlo ṭhak a kae.

²⁴Ramkei rakip a kekot inkhat et ka-om, sak a, thlanga, nisōa, khana tlaitlâk a, khana khahei re kahngâk hlamkakei ka-om hei.

²⁵Hiva re kahngâk-hei hi khōshunga ka-om an-innshung mihe’n anbôm hei khana pha khat a ni 7 et vea inthleng ri hei.

²⁶Repa hngâkna hlamkakei 4 hei kha Levihei kae, khana anmani’n achaina ṭongpui anrôna kae. Anmani kha Bek-inn inndenhei leh khava shunga sâk leh in inda hei kha’m an-ensuisa hei.

²⁷Anmani kha Bek-inn hnenga ka-om hei, ajârchu khava kahngâk kha anṭōn kae khana ani katai jîngkâra kekot antamahlâng sik kae.

²⁸Levi ahlop-hei khachu kamukna be leh bûr hei ka-ensuia inṭang hei. Khahei kha ensuina annei hei khana hmangchâk anhmangsō akaia enmansuina annei nôk hei.

²⁹Ahlop hei khan hmangchâk intheng ka-ensui inṭang hei, khana jâmdi, ju, olive thai, marim katui khana maru-marâng an-ensui hei.

³⁰Tâk-kha khahei manhei sik khachu thempuhei ṭōn leikae.

³¹Mattithiah inti Levi inkhat, Shallum sapa upapen, Korah phungṭhen mi kha buhlom tōkna inṭanga kae.

³²Kohath phungṭhena mihei kha Châmhngat kani akaia Bek-inn sik a buhlom intheng kasyem sik a inṭang hei.

³³Levi innshung ṭhahrep hei chu Bek-inn hlasakna inṭang hei. Hiva innshung hlamkakeihei kha Bek-inn innden ṭhahrep a ka-om hei khana ṭōnhlam ralak a inphut chu masōhei kae, ajârchu anmani kha sûn leh jân mihe’n anbek heia kae.

³⁴Achunga rahming inhri hei hi anpa anpu hrui dungjuia, Levi innshung hlamkakeihei kae. Anmani Jerusalema aka-om hlamkakeihei kae.

³⁵Jeiel in Gibeon khōpui kha asyema khana khan leika-om. Ama nuhmei kha Maacah inti.

³⁶Ama sapa upapen kha Abdon kae, ama sapa ralak-hei kha Zur, Kish, Baal, Ner, Nadab,

³⁷Gedor, Ahio, Zechariah, khana Mikloth,

³⁸Shimea pa kha kae. Anmani sōn leh pâr kha Jerusalema anmani phungṭhen ralak innshunghei hnenga ka-om hei.

³⁹Ner hi Kish pa kae, Kish kha Saul pa kae, Saul khan sapa 4 anei hei: Jonathan, Malchishua, Abinadab, khana Eshbaal.

⁴⁰Jonathan kha Meribbaal pa kae, Meribbaal kha Micah pa kae.

⁴¹Micah in sapa 4 anei hei: Pithon, Melech, Tarea, khana Ahaz.

⁴²Ahaz kha Jara pa kae, Jara kha sapa 3 hei pa kae: Alemeth, Azmaveth, khana Zimri. Zimri kha Moza pa kae,

⁴³Moza kha Binea pa kae, Binea kha Rephaiah pa, Rephaiah kha Eleasa pa, Eleasa kha Azel pa kae.

⁴⁴Azel in sapa 6 anei hei: Azrikam, Bokheru, Ishmael, Sheariah, Obadiah, khana Hanan.