Read Komrem THUHMINGHEI INHNINA 19 Bible Online

THUHMINGHEI INHNINA 19 - Komrem bible

THUHMINGHEI INHNINA 19

¹Judah Reng Jehoshaphat kha Jerusalema areng-innpuia kadam senga he’nle jo.

²Hanani sapa Jehu sânkathem in reng inhmupuia kasea ahnenga ati, “Mikaṭhamak inkhat inthōpui leh RŌNGPU kahōt inkhat op a michang tlona hi kadik tia namandon mo? Nang ṭōntlo dungjuia RŌNGPU hnuknat kha nachunga jōng katlung jo.

³Kha achang inum, nang hneng ṭhatna ṭhahrep chu ka-om. Mipui taleikamuk Asherah pathennu limsyem rakip nalosōt hei, khana nang in Pathen lungdo juina sik a intluk che.”

⁴Reng Jehoshaphat kha Jerusalema a-omjen ravâng, thlang tinga Beersheba inphut sak tinga Ephraim tlângram ahmor katlung mipuihei kâra kalôn lele ṭhak a, RŌNGPU, anpu sōnhei Pathen hneng anhong inlena sik a bekna anei hei.

⁵Judah hei kur tukkhum khōpui rakip a ṭongkatan mi akadei hei

⁶khana mansena anei hei: “Ṭongtan mathlâkna hrisōtna insing thei ruh; nangni mihring ratha neina vânga ṭōnkatlo kha changmak chei, tâk-kha RŌNGPU ratha neina thōia akatlo chei kae, nangni’n ṭong tanna nannei pha ama’n a-ompui sik chei.

⁷RŌNGPU kha kaja ruh khana kasing tak a ṭōn tlo ruh, ajârchu RŌNGPU ni-Pathen kha mihōnna, ôtum neina khana marûk sêr pekna hei hi en-hnâm mak a kae.”

⁸Jerusalema, khana RŌNGPU Dân vōkkhōina a-om leh khana khōpui shunga aka-om hei kâra chondân chunga inkhenahei, a-om pha hlamkakei ṭhahrep Jehoshaphat in Levihei, thempuhei ṭong katan sik a akadei hei.

⁹Ama’n hiva mansena hi anei hei: “Nangni’n RŌNGPU ṭit leh kajana nanṭōnhlam kha nantatlosōt sik kae, nantlona rakip a taksen theitak a nantajui sik kae.

¹⁰Khōpui heia nanmi changpui mi inkhat in nanhma kunga mi thina ṭong, dân achangmak leh ṭongpek vōkkhōina ṭong, ahei rôn manhlut pha, anmani RŌNGPU dōina setna antlo makna sik a ṭong tanna shunga heikhonga omchen sik mo ti kha mansena nantanei sik hei kae. Mansena naneimak he’nchu, nang leh nami changpui hei kha RŌNGPU hnuk natna rathahrat kha antaratō sik kae. Tâk-kha nangni’n nanṭōnhlam kha nantlosōt inchu, nangni ṭhena neimak tin chei.

¹¹Beklanga ṭong kasōk rakip chu Thempu Kalen Amariah khan achaina ṭong kimna ratha anei sik kae khana sedân chondân langa ṭong kasōk rakip chu Judah ram vaikarôn Ishmael sapa Zebadiah khan achaina ṭong kimna ratha anei sik kae. Khana karôt a ṭong mathlâkna kha ṭōn vânga intlosōt ti kha Levihei ta-ensui sik kae. Malung ngarsōna nei roh, khana hiva mansena che hi tlosōt roh, khana RŌNGPU’n dikna langa ngirpek che rasoh!”