Read Komrem THUHMINGHEI INHNINA 22 Bible Online

THUHMINGHEI INHNINA 22 - Komrem bible

THUHMINGHEI INHNINA 22

¹Arab ṭhahrep he’n rerûk anheitloa Reng Jehoram sapa rakip, asa mathlum pen Ahaziah tei loa alakseng anthatsō hei. Khava jâra Ahaziah kha apa kathlenga reng anmanchang jo.

²Ahaziah kha akum 22, ahongtluk pha reng kachang jo, khana Jerusalema kum khat vai aleirôn. Anu Athaliah, Israel Reng Ahab sanu khana Omri tunu khan mansena aneia ṭhatmak ting hlam aleikei jâra Ahaziah khan Reng Ahab innshung chôndân kha aleijuia kae.

⁴Ama’n RŌNGPU dōina setna aleitlo, ajârchu apa thisōa Reng Ahab innshunga mihlop he’n ama mansena anhongneia kae, khana ama tlâksukna hongkachang.

⁵Anmani mansena kha ajuia Israel Reng Joram leh inthlop heia Syria Reng Hazael dōina re anleituk a kae. Remihei kha Gilead a Ramoth a insuktō hei, khana rehmun a Joram kha intôn joa kae.

⁶Ama kha Jezreel khōpuia anat inzenna sik he’nle, khana khan Ahaziah khan avaphâk a kae.

⁷Hiva Joram hnenga vaphâkna hi Pathen in Ahaziah tlâksukna amanchang pek. Khana khan Ahaziah kha a-omlai, ama leh Joram kha Nimshi sapa Jehu inti, RŌNGPU’n Ahab innshung kasuk inhmang sik a akadeisōtpa khan asuktō jo hei.

⁸Jehu khan khava reng innshung chunga Pathen karâkna kha atlosōt pha, Judea hlamkakei leh Ahaziah’n ami phâkna aheiṭhōi atu leh asahei kha a’ntōpui hei. Jehu’n ankhenga aleithat hei.

⁹Ahaziah kha jongsōtna antloa, Samaria ale’nthup anvaratō jo. Ama kha Jehu hneng anṭhōia anthat jo. Tâk-kha RŌNGPU razenna torchena ale’nṭang apu, Reng Jehoshaphat jâra kajatak a anleihrea kae. Rengram a vai karônthei sik Ahaziah innshung mi inkhatbek dahlon mak jo hei.

¹⁰Reng Ahaziah nu Athaliah khan asapa thina atheilim leh Judah reng innshung mi rakip thatsōna sik a ṭong amasō jo.

¹¹Ahaziah khan a’ntetpui kachangmak asernu Jehosheba, thempu Jehoiada hnenga inn kanei inkhat aleinei. Ama hin marûk a Ahaziah sapa inkhat Joas kha that sik a aka-om rengsahei kâra inphut aṭhōisōt a Bek-inna jena den shunga ama leh naipang inzen inkhat leh aleithup heia, Athaliah kut a akathi sik a inphut aleihuk jo.

¹²Athaliah khan rengnu achanga vai arôn lai, ama kha thla 6 khana khan inthup a leika-om.