Read Komrem THUHMINGHEI INHNINA 27 Bible Online

THUHMINGHEI INHNINA 27 - Komrem bible

THUHMINGHEI INHNINA 27

¹Jotham kha akum 25 atluk pha reng hongkachang, Jerusalema kum 16 vai aleirôn. Anu kha Zadok sanu Jerusha kae.

²Ama’n apa kapōa RŌNGPU tlaina aleitlo: tâk-kha apa kapōa Bek-inn shunga bero chu leiro mak a kae. Kha’num mipuihei chu setna anleitlo ṭhak a kae.

³Bek-inna Sak-kot kasaksōt khana Ophel inti hmun a Jerusalem rajeia khōpui bang inseisa kha Jotham hi kae.

⁴Judah tlâng chung heia khōpui asyem hei, khana ratu shunga rekurhei leh ber inshâng amatung hei.

⁵Ammon rengpa leh aremihei dōina re aleitlo khana aleitor hei. Ammonhei kha rumhrat tak a kum 3 ramsêrṭhei aman pek hei: dangka kilograme 3,400, gehu ton 1,000, bunim ton 1,000.

⁶Jotham kha ratha ahongnei jo ajârchu ama’n apathen RŌNGPU kha taksentak a ajuia kae.

⁷Jotham vairônna omchen ralak, ama re tlo, ama ṭōn mantlukna akhenga Israel leh Judah Renghei Thuhming Rabu a inzet heia kae.

⁸Jotham kha reng ahongchang pha, akum 25 katluk jo, Jerusalema kum 16 vai aleirôna kae.

⁹Ama kathia David khōpuia anhre jo khana asapa Ahaz khan athlenga reng kachang jo.