Read Komrem THUHMINGHEI INHNINA 3 Bible Online

THUHMINGHEI INHNINA 3 - Komrem bible

THUHMINGHEI INHNINA 3

¹Solomon pa, Reng David khan Bek-inn sakna sik a hmun aleisyemdek jo. Khavakha Jerusalema kae, Moriah tlânga, David hnenga RŌNGPU alei inlârna, Jebush mi Arauna khan saphōra aleihmangna hmun a kae. Reng Solomon khan innsak aleiphut jo

²ama reng changna kum 4 tlukna thla 2 shunga.

³Reng Solomon Bek-inn sak kha metre 27 adung khana metre 9 avai kae.

⁴Ashung hlutna innden kha adung avai Bek-inn avai kasei leh in-ang, metre 9 et kae, a’nshâng kha metre 54 kae. Innden ashung kha sana intheng vânga ankatōm.

⁵Innden apui karôn khachu cedar thingpek vânga ankhâr khana sana intheng vâng ankatōm, khava chung nôk a kahno kunghei leh thirhrui lim kapō ret anrabek.

⁶Rengpa’n Bek-inn kha hme kaṭha hlung mankatam leh sana, Parvaim ram a inphut heichoi hei vânga amanret.

⁷Bek-inn banghei, innkei hei, ashung hlutna hei leh kot-hei chunga katōmna sik a sana ahmang hei. Abanga khan ṭōn katlohei khan mathla kanei ranhringhei lim anmazet hei.

⁸Ashung intong innden, Hmun Inthengpen inti kha, adung metre 9 khana avai metre 9 kae, khavakha Bek-inn akhang hrep kae. Hmun Inthengpen bang kha katōmna sik a sana ton 20 kakhea anhmang;

⁹jôtpi syemna sana kha gram 570 anhmang, khana chung intong innden banghei kha’m sana vânga ankatōm hei.

¹⁰Rengpa khan aṭōn katlohei kha thir vânga mathla kanei ranhring 2 amansyem hei, sana vânga ankatōm hei, Hmun Inthengpen shunga anda hei.

¹¹khana khan inn hlutna ting anhnget a asir asira kangir hei. Inkhat et in mathla 2 et annei, mathla inkhat et kha metre 2.2 kasei, anmazer heia khat leh khat innden alaiṭima intō hei khana anmathla inkhat nôk he’n innden asir et abang kha katlung hei, metre 9 hrep kaseia anmathla anmazersōt.

¹⁴Hmun Inthengpen sik a pōnzâr kha hruipōn innem leh hmangchâk ralak vânga ansyem, khavakha vapuirei, rei-êng, leh akasen vânga alâr kha ansyem, khava chunga mathla kanei ranhringhei limret anrabek.

¹⁵Reng in kacho 2 asyem hei, inkhat et in metre 15.5 inshâng, Bek-inn hma a anman ngir hei. Inkhat et in alubur metre 2.2 inshâng annei.

¹⁶Kacho luburhei asir hmuna kha thirhrui lim kapōa mankherna ret leh sum-êng kapothei reikhat lim anrabek hei.

¹⁷Kachohei kha Bek-inn hlutna asir heia anman ngir hei: thlâng tinga inkhat kha Jachin anphō khana sak tinga inkhat kha Boaz tia anphō.