Read Komrem THUHMINGHEI INHNINA 4 Bible Online

THUHMINGHEI INHNINA 4 - Komrem bible

THUHMINGHEI INHNINA 4

¹Reng Solomon in sum-êng maichâm inkhat, adung avai in-anghrep metre 9 sâm khana metre 4.5 inshâng anei.

²Ama’n a’nchengneng sum-êng tuikōk, metre 2.2 inthûk, avai metre 4.4, khana akimve kha metre 13.2 kasei inkhat asyem.

³Avângtinga ahmor kimvea khan aret agôr inhnia anmantlân, agôr inkhat chunga inkhat ansyem. Aret hei kha sehratchehei lim kae, tuikōk kha leh anrabek mankop pet hei.

⁴Tuikōk kha sum-êng sehratche 12, vângting akahnget hei khôn chunga anmatung, 3 et in ramkei manlia anhnget.

⁵Tuikōk banghei kha millimetre 75 et insâ hei. Ahmor kha kōklei hmor ka-ang, reipâr kapōa avângting inkhôrhlek. Tuikōk kha tui litre 60,000 aken.

⁶Thlengkông 10 ansyemsa, 5 chu Bek-inn thlâng tinga asira da sik, 5 inkhat in sak tinga da sik hei kae. Khahei kha inthoina ranhringhei taksa ṭhen, ashung alaihei sôpna sik a hmang sik hei kae. Tuikōk kalena tui khachu thempuhei insôp inthengna sik a kae.

⁷ Sana thaihmei matungna 10, dokhâng 10 angai dungjuia ansyem hei, Bek-inn apui karôn innden a anda hei, thaihmei matungna 5 leh dokhâng 5 sâm asir inhni et a anda hei. Sana kōklei 100 um ansyemsa.

⁹Thempuhei sik a ashung intong tetlâng, khana avâng intong tetlâng ansyem. Tetlâng 2 hei kâra aka-om kot innkhar hei kha sum-êng vânga ankatōm hei.

¹⁰Tuikōk kha Bek-inn thlang-nisō arakira anmatung.

¹¹Huram khan bephu, vutlōk, khana hraithuk he’m asyemsa hei. Ama’n Reng Solomon hnenga Bek-inn sik a syem sik a’ntepna neinâk rakip pui amathluk jo: Kacho 2 Kachohei chunga thlengkam kapō lubur 2 Kacho lubur chunga thirhrui kapō ret rabekna Sum-êng kapothei kapō ret 400 kacho lubur kimvea agôr inhnia rabekna Gâri 10 Thlengkông 10 Tuikōk Tuikōk indom sehratche 12 Bephu, vutlōkna leh chaiche. Thir kakheng kathem Huram khan neinâk rakip hei hi sum-êng innejen vânga RŌNGPU Bek-inna hmangchâk sik a Solomon mansena dungjuia anleisyem jo hei.

¹⁷Reng khan hihei rakip hi Jordan Phaichama Sukkoth leh Zereda kâra ṭōnhmun a amansyem hei.

¹⁸Neinâk katamtak ansyem jâra khan tûte inkhat in sum-êng antahmang rakip akhenga akahrik kha manhret tor mak jo hei.

¹⁹Reng Solomon in Bek-inn sik a ansyem sanaret neinâk aneisa hei: Pathen hnenga buhlom tōkna maichâm leh dokhânghei;

²⁰mantlukna dungjuia, Hmun Inthengpen hmatinga det manvâr sik sana thaihmei hei leh amatungna hei;

²¹reipâr ret hei, thaihmei hei, khana chaiche hei;

²²thaihmei semthatna, thlengkam, bero rona thleng, hmeira-ê choina khâng hiseng. Hiva neinâk rakip hei hi sana intheng rōk vânga ansyem hei kae. Bek-inn vâng intong kot khâr leh Hmun Inthengpen kot khârhei kha sana intheng vânga katōm hei kae.