Read Komrem THUHMINGHEI INHNINA 5 Bible Online

THUHMINGHEI INHNINA 5 - Komrem bible

THUHMINGHEI INHNINA 5

¹Reng Solomon in Bek-inn ṭōn rakip achaisōa, Apa David in RŌNGPU hneng aleitōksōt neinâk rakip Bek-inn neinâk manbukna shunga ada mantûp jo hei — dangka, sana khana neinâk ralak.

²Khava sōa Reng Solomon in Israelhei phung leh phungṭhen hei hlamkakei rakip Jerusalema anhong intûpna sik abek hei, RŌNGPU Intepna Bôm kha David khōpui Ziona inphut Bek-inna heichoina sik a aleitlo.

³Anmani ankhenga Rabuk Kût hmangna shunga le’ntûp hei.

⁴Hlamkakei rakip anhong intûp pha, Levihei khan Intepna Bôm kha ankadom jo,

⁵Bek-inna anchoi manhlut jo. Thempuhei khan RŌNGPU omna Pōn-inn leh khava hmangchâk rakip Bek-inn shunga anthon manhlut jo hei.

⁶Reng Solomon leh Israel mipui rakip Intepna Bôm hmaikunga intûp heia kemōng leh sehrat katamtak inthoina antōk jo, atamrei jâra intei tor mak jo.

⁷Khava sōa thempu he’n RŌNGPU Intepna Bôm kha Bek-inn shunga anchoi manhlut jo khana Hmun Inthengpena, ranhring mathla kaneihei thōia anda jo.

⁸Anmani mathla mazersōt khan Bôm kha leh akadomna thingtlōnhei kha amakhusi.

⁹Hmun Inthengpen hmatak a akangir tu inkhat inchu thingtlōnhei ahmor hei kha anhmu tor a kae, hmun ralak a inphut chu hmuthei changmak. (Thingtlōnhei kha tûn katlung laka-om hei.)

¹⁰Intepna Bôm shunga khan Egypt a inphut Israel mihe’n anhongsōk pha RŌNGPU’n anmani leh intepna aleisyemlai, Moses’n Sinai Tlânga aleida hlungpek 2 tei loa heite om mak.

¹¹ Thempu rakip ama ama rup inṭhenna omloa kakip pet hei, khana anbinga intheng sōtna anneia kae. Khana hlakasak Levi rakip — Asaph, Heman khana Jeduthun, khana anphung ṭhen mihei, hruipōn innem kha an-insia kae. Levihei kha maichâm nisōtinga asir hnenga sumkutben leh serângdâr anmatua kangir hei, anmani leh inṭhōia thempu pengkun katum 120 ka-om hei. Hlakasak hei kha pengkun, sumkutben leh mahring kanei ralak in kahōitak a ansakpui hei, RŌNGPU choi ka-ânna hla hi ansak pha: “RŌNGPU kha choi ka-ân ruh, ajârchu ama akaṭha kae, Khana ama lungsetna kha kumleikōa kae.” Thempuhei khan Bek-inn andahlon pha, manhret manloa sumtuk hongkasip a RŌNGPU omna vâr kadi rik-rak in ajōngser a kae, khana kamukna ṭōnhlam kha tlo manjōm tor mak jo heia kae.