Read Komrem THUHMINGHEI INHNINA 8 Bible Online

THUHMINGHEI INHNINA 8 - Komrem bible

THUHMINGHEI INHNINA 8

¹Solomon in Bek-inn leh ama reng-innpui asakna kha kum 20 kahlut a kae.

²Rn Hiram in ahnenga aleipek khōpuihei kha’m asak manther nôk hei khana Israel mihei atir heia khana khan aman om hei.

³Ama’n Hamath leh Zoba ramṭhen ahlōsō hei

⁴khana nêrdiram a Palmira khōpui kha rekur akurkhum. Ama’n Hamath a khōpui rakip, khana sâk leh in manbukna hmun laiṭim hei kha aleisak manther hei.

⁵Solomon in hiva khōpuihei hi asak manther hei: Chung intong Beth Horon leh Thōi intong Beth Horon (rekur tukkhum khōpuihei leh akhârna ka-om kot-hei),

⁶Baalath khōpui, sâk leh in manbukna khōpui rakip, ashakor leh gâri manhngatna khōpuihei seng. Jerusalema, Lebanona, khana avai rôna ram pumpui shunga insak hleisak mantlukna rakip atlosō jo.

⁷Solomon in Canaan sōn leh pârhei, Israel he’n ram kha anvahlō pha that loa antada hei kha rumhrat a ṭōnmi amanchang hei. Hihei kâra Hit, Amor, Periz, Hiv leh Jebush-hei inveisa hei, anmani sōn leh pârhei kha tûn katlunga sōk kachang ṭhak heia kae.

⁹Israel sahei chu rumhrat a ṭōnmi manchang mak hei, tâk-kha remi, ṭōnpui karôn, shakor gâri hlamkakei, shakor remi rup kâra inṭang hei.

¹⁰Rumhrat a ṭōnmi, inn leh hlei katamtak kasak hei ka-ensui sik a ṭōnkarôn manngan 250 ka-om hei.

¹¹Solomon in anuhmei, Egypt rengpa sanu kha David Khōpuia inphut amanu sik a sak pek inna khan aheithon jo. Ama’n ati, “Amanu hi Israel Reng David innpuia aka-om mak sik kae, ajârchu Intepna Bôm omna hmun rakip kha a’ntheng kae.”

¹²Solomon in RŌNGPU hnenga ama’n Bek-inn hma aleisyem maichâm chunga inthoina aleitōk.

¹³Ama’n ro-inthoinahei kha kani intheng nitna rakip sik a Dân dungjuia aleitōk hei: Châmhngat kani, Thlather Revei, khana kum a revei 3 hei — Che philo Buhlom Revei, Sakhômna Revei, khana Rabuk Kût heia.

¹⁴Apa David dân leisyem hei kha ajuia, thempuhei hlasakna leh ṭōn tlona inthōpuina kapek thempuhei leh Levihei sik ani tina ṭōnhlam aleisyempek hei. Ama’n Bek-inn kahrung ruprup hei, kot rakip a ani tina ṭōnhlam katlo sik, Pathen mi David ṭongpek dungjuia inloikhômna aleisyem.

¹⁵David in thempu leh Levihei hneng karōi bukna dân leh ṭōnhlam ralak mansena aleinei hei kha akhengpet a antlo manthangsō jo.

¹⁶Khava pha khan Solomon ṭōn mantlukna rakip pui katluksō jo. RŌNGPU Bek-inn innhmun phun ninga inphut achaina katlunga ṭōn rakip kha hmesōna ka-om jo.

¹⁷Khava sōa Solomon kha Edom ram shunga, Agaba Tuikekâk panga Eziongeber leh Elath a kase jo.

¹⁸Reng Hiram in ama ṭōnkarônhei leh rakōng katôr kathemhei hlamkeina thōia rakōng ahei tir pek hei. Anmani’n Solomon ṭōnpui karônhei leh antôra Ophir ram a kase hei, khana sana kilograme 15,000 kakhea Solomon hneng anheirôn pek a kae.