Read Komrem EZRA 10 Bible Online

EZRA 10 - Komrem bible

EZRA 10

¹Ezra’n Bek-inn hma a inkuna akamuk pha, setna rakip hei hi aphônga aṭaplai Israel rup katamtak — nuhmei, pase, khana naipanghei ahnenga hong intûp heia inhnaktak a hong kaṭap hei.

²Elam phunga Jehiel sapa Shecaniah intipa khan Ezra hneng aleiti, “Eini’n jât-hlop mihei jōr nilo heia ni-Pathen chunga nitaksenna kha nimakhōi jo, achang jo’num Israelhei sik a inhōrna laka-om ṭhak a kae.

³Tûnchu eini’n ni-Pathen hnenga ka-ôrtak a intepna ninei sik kae, ti chu hiva nuhmeihei leh ansahei hi nitirsōt sik hei kae. Nang leh Pathen ṭongpek kajana akanei alakseng in tlo sik a mansena nantanei kha kantlo sik jo. Pathen Dân tarangei kha kantlo sik jo.

⁴Akatlo sik khachu nang che kae. Keini nakahnunga kangir ung, hma nam inna tlosōt jo roh.”

⁵Khava jâra Ezra khan Shecaniah maduna kha tlona sik a thempuhei, Levihei khana mipuihei hlamkakei akadei heia intepna amannei manphut jo hei.

⁶Khava sōa Bek-inn hmatinga inphut kasesōt a Eliashib sapa Jehohanan inna vakahlut a jân kha karek jo, rehring surmihei taksenthei anchang makna chunga lung natna aleinei jo. Ama’n heite leisâk lei-in mak a kae.

⁷Rehring surmi ahong inle rakip mipui hlamkakeihei ṭong masônna dungjuia Jerusalema ahong intûp sik hei kae tia

⁸Judah leh Jerusalem pumpuia ṭong ansemsōt jo. Tu inkhat in ni 3 shunga anhong mak inchu, annei ansum akhenga kasut sik, phung inkhat changna ratha kha losōtpek sik hei kae ati.

⁹Ni 3 shunga, thla 9 tlukna ni 20 tluk ning Judah leh Benjamin ramṭhen shunga aka-om rakip Jerusalema kahong heia bek-inn tetlânga intûp jo hei. Khō rahnak a leikasûr, khōsûr leh intûpna kha akhok jâra khan mi rakip le’nnok jo hei.

¹⁰Thempu Ezra kangirsōt a anhnenga ṭong ahri. Ama’n ati, “Nangni taksenna kase kachang jo chei khana jât-hlop jōr nan-ompui heia Israel chunga themmôna nanheichoi jo.

¹¹Khava jâra tûnchu, nanpu-nanpahei Pathen hneng nansetnahei kha phôngsōt ruh, khana ama tlaina kha tlo ruh. Niram shunga aka-om jât-hlop hei leh inṭhensōt ruh, khana miram a nuhmeihei kha inkârpui hei ruh.”

¹²Mipui’n ka-ông heia anmasôn, “Nang in nahri rakip kha keini’n kantlo sik.”

¹³Anmani’n anhrisa, “Ahong intûp mi hi katam hêr me, khana khō um rahnak a kasûr. Hiva ramhânga hin hing’hin ngir tor mak jo me. Hivahi ni khat ni 2 shunga chaitheibât changmak, ajârchu hiva setna katlo hi katam mea kae.

¹⁴Nihlam kakei he’n Jerusalema om hei sona hiva ṭong hi ensui hei rasoh. Khana jât-hlop jōr kalo hei seng kha pha intepna shunga ama ama khōpuia hlamkakei leh ṭongkatanhei leh hongsap hei rasoh. Hing’hin Pathen hnuk natna kha niman bâng sik kae.”

¹⁵Hivahin Asahel sapa Jonathan leh Tikva sapa Jahzeiah tei loa tûte’num leimakhe mak hei, Meshullam leh Levi mi Shabbethai he’nchu anlei majôm heia kae.

¹⁶Surmi ahei inle hei khan chu mantlukna kha leikahnōm hei, khava jâra thempu Ezra’n phungṭhen hlamkakeihei kâra mi aleikadei hei khana anrahming kha aleimazet a kae. Thla 10 tlukna kani hmakakei ning hiva ṭōn enravetna anleiphut jo,

¹⁷abânna thla 3 shunga mijōr nuhmei kalo hei seng anlei jongsōt pet heia kae.

¹⁸Mijōr kalo pasehei kha hiseng hei hi kae: Joshua leh a-u anaihei, Jehozadak sapahei phungṭhen hei: Maaseiah, Eliazar, Jarib khana Gedaliah

¹⁹Anmani’n annuhmei an-inṭhenpui sik hei tia intep hei, ansetna jâra kemōng ache inkhat antōksōt a kae.

²⁰Immer phungṭhena: Hanani leh Zebadiah.

²¹Harim phungṭhena: Maaseiah, Elijah, Shemaiah, Jehiel khana Uzziah.

²²Pashhur phungṭhena: Elioenai, Maaseiah, Ishmael, Nethanel, Jozabad khana Elasah.

²³Jozabad, Shimei, Kelaiah (Kelita’m anti.) Pethahiah, Judah khana Eliezer.

²⁴Eliashib. Shallum, Telem khana Uri.

²⁵Parosh phungṭhen hei: Ramiah, Izziah, Malchijah, Mijâm in, Eleazar, Malchijah, khana Benaiah.

²⁶Elam phungṭhen hei: Mattaniah, Zechariah, Jehiel, Abdi, Jeremoth khana Elijah.

²⁷Zattu phungṭhen hei: Elioenai, Eliashib, Mattaniah, Jeremoth, Zabad khana Aziza.

²⁸Bebai phungṭhen hei: Jehohanan, Hananiah, Zabbai, khana Athlai.

²⁹Bani phungṭhen hei: Meshullam, Malluch, Adaiah, Jashub, Sheal khana Jeremoth.

³⁰Pahath Moab phungṭhen hei: Adna, Chelal, Benaiah, Maaseiah, Mattaniah, Bezalel, Binnui khana Manasseh.

³¹Harim phungṭhen hei: Eliezer, Isshijah, Malchijah, Shemaiah, Shimeon, Benjamin, Malluch, khana Shemariah.

³³Hashum phungṭhen hei: Mattenai, Mattattah, Zabad, Eliphelet, Jeremai, Manasseh khana Shimei.

³⁴Bani phungṭhen hei: Maadai, Amram, Uel, Benaiah, Bedeiah, Cheluhi, Vaniah, Meremoth, Eliashib, Mattaniah, Mattenai, Jaasu.

³⁸Binnui phungṭhen hei: Shimei, Shelemiah, Nathan, Adaiah, Machnadebai, Shashai, Sharai, Azarel, Shelemiah, Shemariah, Shallum, Amariah khana Joseph.

⁴³Nebo phungṭhen hei: Jeiel, Mattithiah, Zabad, Zebina, Jaddai, Joel, khana Benaiah.

⁴⁴Hiseng hei hin miram jōr anleiompui hei. An-inṭhenpui heia annuhmei leh ansahei antirsōt jo hei.