Read Komrem EZRA 2 Bible Online

EZRA 2 - Komrem bible

EZRA 2

¹Rehring surmi katamtak Babylon ram andahlona Jerusalem leh Judah ram a ankhenga ankhōpui et a hong inle jo hei. Reng Nebuchadnezzar in rehring sura aṭhōina heia inphut Babylona an-innshung ankhenga vaka-om jo hei.

²Anhlam kakeihei kha Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum khana Baana hei kha kae. Sûra inphut ahong inle Israel mihei anphung leh mijahei man-gôrna kha athōia hei hi kae:

³Parosh — 2,172 Shephatiah — 372 Ara — 775 Pahath Moab (Joshua leh Joab sōn leh pârhei) — 2,812 Elam — 1,254 Zattu — 945 Zaccai — 760 Bani — 642 Bebai — 623 Azgad — 1,222 Adonikam — 666 Bigvai — 2,056 Adin — 454 Ater (Hezekiah’m anti) — 98 Bezai — 323 Jorah — 112 Hashum — 223 Gibbar — 95

²¹Athōia inpe khōpui heia ka-om pusōnhei mipui he’m hong inle hei: Bethlehem — 123 Netophah — 56 Anathoth — 128 Azmaveth — 42 Kiriath Jearim, Chephirah, khana Beeroth — 743 Rama khana Geba — 621 Michmash — 122 Bethel khana Ai — 223 Nebo — 52 Magbish — 156 Elam hlop — 1,254 Harim — 320 Lod, Hadid, khana Ono — 725 Jericho — 345 Senaah — 3,630

³⁶Rehring sura ahong inle thempu phung man-gôrna kha hihei hi kae: Jedaiah (Jeshua sōn leh pârhei) — 973 Immer — 1,052 Pashhur — 1,247 Harim — 1,017

⁴⁰Rehringa ahong inle Levi phungṭhen hei: Jeshua leh Kadmiel (Hodaviah sōn leh pârhei) — 74 Bek-inn hlapu hei (Asaph sōn leh pârhei) — 128 Bek-inn kahngâk-hei (Shallum, Ater, Talmon, Akkub, Hatita, khana Shobai sōn leh pârhei) — 139

⁴³Rehringa ahong inle bek-inna ṭōnkatlo phungṭhen hei: Ziha, Hasupha, Tabbaoth, Keros, Siaha, Padon, Lebanah, Hagabah, Akkub, Hagab, Shamlai, Hanan, Giddel, Gahar, Reaiah, Rezin, Nekoda, Gazzam, Uzzah, Paseah, Besai, Asnah, Meunim, Nephisim, Bakbuk, Hakupha, Harhur, Bazluth, Mehida, Harsha, Barkos, Sisera, Temah, Neziah, khana Hatipha

⁵⁵Rehringa ahong inle Solomon sōk-hei phungṭhen hei: Sotai, Hassophereth, Peruda, Jaalah, Darkon, Giddel, Shephatiah, Hattil, Pokhereth Hazzebaim, khana Ami

⁵⁸Bek-inna ṭōn katlohei leh Solomon sōk-hei sōn leh pâr ankhenga mija 392 hei kae.

⁵⁹Tel Mela, Tel Harsha, Cherub, Addan, khana Immer khōpui heia inphut ahong inle Delaiah, Tobiah khana Nekoda phungṭhen hei kha 652 hei kae; tâk-kha anmani Israel sahei sōn leh pârhei kae tia hrimanchên tor mak hei.

⁶¹Athōia thempu phungṭhen hei hi anpu anpahei ṭhut manchênna lekharabu inhmu tor mak hei: Habaiah, Hakkoz khana Barzillai (Barzillai phungṭhena thempuhei pusōn inkhat in Gilead a Barzillai phungṭhen nuhmei inkhat a-ompuia aterpu phung rahming alo kae.) Anpu anpahei kha tuhei mo kae ti a’nhritor mak jâra thempu sik a leirahlâng mak hei.

⁶³Jehudihei ram a vaikarônpa’n anmani kha thempu inkhat a Urim leh Thummim anhmangtor mak lai seng Pathen hnenga antatōk sâk leh in sâk theimak hei ning tia ahri pek hei.

⁶⁴Rehring surna inphut ahong inle mija akhenga — 42,360 hei kae. Ansōk nuhmei-pase — 7,337 Hlapu Hlapi — 200 Shakor — 736 Shakor kasin — 245 Sharîngsei — 435 Shakōrtung — 6,720

⁶⁸Jerusalema RŌNGPU Bek-inna anhongtlung pha phungṭhen hlamkakei ṭhahrep he’n Bek-inn marō sakna hmun a avea sakmanther nôkna sik a anmalung hrep a pekna anleinei.

⁶⁹Hiva ṭōn sik a antor chenna pekna anleinei, akhenga sana kilograme 500, dangka kilograme 2,800 khana thempuhei retpōn 100 kae.

⁷⁰Thempuhei, Levihei khana mi ṭhahrep hei seng Jerusalem leh ahnenga ka-om hei; khana hlapu hei, Bek-inn kahngâk-hei, Bek-inn ṭōn katlohei seng khava hnenga khōpui heia ka-om hei; khana Israel ralak-hei seng in anpu anpahei leiomna khōpui heia khō katla heia kae.