Read Komrem NEHEMIAH 11 Bible Online

NEHEMIAH 11 - Komrem bible

NEHEMIAH 11

¹Hlamkakeihei kha Jerusalema leika-om hei, khana mipuihei seng khachu innkō sôm shunga inkhat sasâm hi Jerusalem khōpui intheng shunga aka-om sik a vâng-enna anleinei, khana alakseng hei khan khōpui leh khōpuite hlop-hlop a aka-om sik hei kachang.

²Jerusalema aka-om sik a anbinga ahei kasōk hei kha mipui in anleimanpâk hei.

³Khōpuite leh khōpui ralak-heia Israel mihei, thempuhei, Levihei, Bek-inn kasak hei khana Solomon sōk-hei sōn leh pârhei kha ankhōpui et a anbing karōi vânga leika-om hei. Athōia hei hi Jerusalema aka-om Judah ram shunga hlamkakeihei kha kae:

⁴Zechariah tupa, Uzziah sapa Athaia. Ama apusōn ralak-hei kha Amariah, Shephatiah, khana Mahalalel, leh Judah sapa Perez hei kha inveisa hei.

⁵Golhozeh tupa khana Baruch sapa Maaseiah. Ama apusōn ralak-hei kha Judah sapa Shelah sōn leh pâr Hazaiah, Adaiah, Joiarib khana Zechariah inveisa hei.

⁶Perez sōn kâra rahming inthang mi 468 Jerusalema leika-om hei.

⁷Joed tupa khana Meshullam sapa Sallu. Ama apusōn ralak-hei kha Padaiah, Kolaiah, Maaseiah, Ithiel khana Jeshaiah inveisa hei.

⁸Sallu ta’nhnaipui pare-patung Gabbai leh Sallai hei kae. Benjamin mihei ankhenga 928 Jerusalema leika-om hei.

⁹Zichri sapa Joel kha anhlam kakei kae, khana Hassenuah sapa Judah kha khōpui shunga 2 tlukna vaikarôn upapen kae.

¹⁰Joiarib sapa Jedaiah leh Jachin hei.

¹¹Meshullam tupa khana Hilkiah sapa Seraiah. Ama pusōnhei kha Zadok, Meraioth khana Thempu Kalen Ahitub inveisa hei.

¹²Hiva phungṭhen shunga mi ankhenga 822 in Bek-inna ṭōn anleitlo. Pelaliah tupa khana Jeroham sapa Adaiah. Ama pusōnhei kha Amzi Zechariah, Pashhur, khana Malchijah inveisa hei.

¹³Hiva phungṭhen shunga mi ankhenga 242 chu innshung hlamkakeihei kae. Ahzai tupa khana Azarel sapa Amashsai. Ama pusōnhei kha Meshillemoth leh Immer inveisa hei.

¹⁴Hiva phungṭhen remi rahming inthang mi 128 leika-om hei. Anmani hlamkakei kha innshung kalena mi Zabdiel kha kae.

¹⁵Azrikam tupa khana Hasshub sapa Shemaiah. Ama pusōnhei kha Hashabiah leh Bunni inveisa hei.

¹⁶Bek-inn vânga ṭōn katinta rahming inthang Levihei, Shabbethai leh Jozabad hei.

¹⁷Asaph sōn, Zabdi tupa khana Micah sapa Mattaniah. Manpâkna derna hlasakna Bek-inn hlakasak rup-hei kha ama’n hlam aleikei hei. Mattaniah inthōpui Bakbukiah. Jeduthun sōn, Galal tupa, Shammua sapa Abda.

¹⁸Ankhenga Levi mi 284 hei kha Jerusalem khōpui inthenga leika-om hei.

¹⁹Akkub, Talmon, khana anpare patung, ankhenga 172 hei kae.

²⁰Israel mi ralak-hei leh thempuhei leh Levi mi ralak-hei seng chu Judah ram shunga khōpui leh khōpuite ahlop-heia anbing karōi vânga leika-om hei.

²¹Bek-inn ṭōn katlohei kha Ophel inti Jerusalem ṭhen inkhat shunga leika-om hei, khana Ziha leh Gishpa ensuina thōia ṭōn anleitloa kae.

²²Jerusalema aka-om Levihei ka-ensui kha Hashabiah tupa, Bani sapa Uzzi kha kae. Ama pusōnhei kha Mattaniah leh Micah kae, ama hi Bek-inn shunga hlakasak Asaph phungṭhena mi kae.

²³Ani kataia Bek-inna hlasakna hlamkakei sik, ama ama pha lona sik a renghei dân leika-om.

²⁴Judah phunga Zerah phungṭhen shunga Meshezabel sapa Pathahiah in Persia reng inna Israelhei kahlânga leikangir.

²⁵Anhlei thlōna hei hnenga khōpuite heia mi katamtak ka-om hei. Judah phung mihei kha Kiriath, Arba, Dibon khana Jekabzeel leh hiva khōpui inhnaipui khōheia leika-om hei.

²⁶Anmani kha Jeshua, Moladah, Bethpelet,

²⁷khana Hazarshual, Beersheba leh inhnaipui khōheia leika-om hei.

²⁸Anmani Meconah shunga Ziklag khōpui leh akhōte heia,

²⁹Enrimmon, Zorah, Jarmuth shung heia,

³⁰Zanoah, Adullam, khana khava khōpuihei inhnaipui khōheia leika-om hei. Anmani Lachish leh ahnenga hleiheia, khana Azekah leh avena khōheia ka-om hei. Hiva tina chu, Judah mihei hi thlâng tinga Beersheba leh sak tinga Hinnom phaicham kâra aka-om ramṭhen shunga leika-om heia kae.

³¹Benjamin phung mihei kha Geba, Michmash, Ai, Bethel leh inhnaipui khōheia,

³²Anathoth, Nob, Ananias,

³³Hazor, Rama, Gittaim,

³⁴Hadid, Zeboim, Neballat,

³⁵Lod leh Ono, khana Kut Kathemhei Phaichama leika-om hei.

³⁶Judah ram shunga aleika-om Levi rup ahlek chu Benjaminhei leh an-omsapna sik a ṭong le’npek hei.