Read Komrem NEHEMIAH 4 Bible Online

NEHEMIAH 4 - Komrem bible

NEHEMIAH 4

¹Jehudi keini’n bang kha kansak manther jo ti hi Sanballat in athei pha, ama ahnuk inthak joa a-êngset manphut jo ung.

²Aloihei leh Samaria remihei hmaikunga ama’n ahri, “Hiva Jehudi mi inrenghei tatlo hi heimo kae? Anmani’n khōpui kha sakmanther sik tia antamandon mo? Anmani’n inthoina annei leh ṭōn kha ni khat a a’nchai torbât sik tia antamandon mo? Anmani’n hlung kakâng a’nbuk hei khana inphut insakna hlunghei antasyemtor sik mo?”

³Ama sira khan Tobiah kangira ka-om, ama’n ahrisa, “Heikhong khova bang mo anmani’n antasak tor sik? Ram-ui kapha’num akanok manphûr tor sik!”

⁴Ke’n derna kanei, “Eh Pathen anmani’n antahnōise ung hi rangei roh! Anmani manuisōna hi anmani chung kalena tla rasoh. Antanei rakip chomsōtpek hei rasoh, khana anmani hei hi ram hlop a rehringa ṭhōi hei rasoh.

⁵Anmani’n ṭhatmak antatlo hi rangei mandam mak hei roh, khana ansetna mahngi pek mak hei roh; ajârchu anmani’n inn kasak keini hi inzakna annipek unga kae.”

⁶Khava jâra keini bâng kha khang’khan kansak ther a kae, khana inrangtak a a’nshâng kha aṭim ahei phak jo, ajârchu mipuihei kha pôn kathōtak a inṭang heia kae.

⁷Sanballat, Tobiah, khana Arab, Ammon khana Ashdod mipui he’n keini’n Jerusalem bang kha hma kasetak a kansak jo ti hi anthei jo, khana banga avâtsam hei kha kanmanbitsō jo hei ti hi anthei phat a, anmani anhnuk kana hêr jo.

⁸Khava jâra anmani honga Jerusalema re tlona sik khana inhângna mansōkna sik inchun heia lungthim antlo jo,

⁹tâk-kha keini’n kan-Pathen hneng kanleider, khana sûn leh jân anmani ka-en lele sik a mi kanleida hei.

¹⁰Judah mihe’n anta leisak hla inkhat leika-om: “Phur kahrik karôna katlasam ung; Akakōi jo ṭek losōt sik hingja ka-om. Heikhonga mo tuning bang kha kantasak tor sik?”

¹¹Kan-inrepuihei khan kanchunga anbuhlu unga, anthat unga, kanṭōntlo hi anmanbâng mak ung kârseng anmani mantlukna kha kantahmu mak sik leh omchen kasōk kha kanta manhret mak sik a anmandon.

¹²Tâk-kha aphat-phat a kan-inrepuihei kâra aka-om Jehudihei kha inrepuihei mantlukna ani inthei sik a kahong ri heia kae.

¹³Khava jâra ke’n mipuihei kha chemjâm, kasei khana sai leh the kamanchoi heia ala’nchai mak bang senga kahnungting anphung et dungjuia kamatung heia kae.

¹⁴Mipuihei kha anmalung inreng ti kaleihmu, khava jâra anmani hneng, anhlam kakeihei hneng khana ṭōnkarônhei hneng kaleihri, “Eini inrepuihei kha ṭitmak hei ruh. Mandon ruh, RŌNGPU hi heituk a akalen leh ṭit ka-om mo, khana nanram mihei, nansahei, nannuhmeihei leh nan-inn sik a re tuk ruh.”

¹⁵Inrepui he’n marûk a anmantlukna kha keini’n kanmanhret jo ti kha anthei jo, khana Pathen in anṭōn mantluk kha ator jo tia inhret jo hei. Khava sōa keini kankhenga bang saktherna sik inle nôk jo ung.

¹⁶Khana inphut chu kami aṭim in ṭōn anleitlo, khana aṭimkhat in ankahrunga intung hei, revon invon heia kasei, pho khana sai anmatua kae. Kanhlam kakei he’n bang kasyemther mipuihei kha

¹⁷pui katluk a anlei inṭangpui hei. Bang sakna neinâk kachoihei kapha’num, ankut khat a ṭōn anleitlo khana ankut inkhat a re hmangchâk anleichoi,

¹⁸khana inn kasak rakip in ankhôna chemjâm anleirôn et a kae. Mi mantheina sik pengkun katum sik mi kha kei leh ka-omsap ung.

¹⁹Mipuihei leh anṭōn karônhei leh anhlam kakeihei hneng kamanthei hei, “Ṭōn tlona hmun hi aseitak jâra eini khat leh khat bang chunga inkâra ka-om jo me.

²⁰Pengkun rasa nanthei inchu, kei hneng hong intûp ruh. Ni-Pathen in eini sik re atuk sik kae.”

²¹Khava jâra ani katai jîngkâra inphut jân a ârsi ahei sōk katlunga, keini aṭim inkhat banga khan ṭōn kantloa alak aṭim inkhat in kasei leh inṭhōia anhrung ung.

²²Hiva phat hin ke’n ṭōn katintahei leh ankabôm hei kha Jerusalema jânphat a anka-om sik a kamanthei hei, jân a khōpui kha hrungna sik khana sûna ṭōntlo theina sik a kantlo.

²³Jân pha katlung um, kei leh kaloihei, kasōk-hei khana kakahngâk he’n pōn leh der losōt mak ung. Kankut a re hmangchâk kanchoi ṭhak a kae.