Read Komrem NEHEMIAH 7 Bible Online

NEHEMIAH 7 - Komrem bible

NEHEMIAH 7

¹Khana tûnchu bang kha insak thersō jo, kekot-hei kha’m ahmun et a intung jo hei, Bek-inn kahngâk-hei, a’ntheng hlakasak rup-hei leh alak Levihei kha anṭōn mannganna innei jo hei.

²Jerusalem khōpui karôn sik a mi 2 kamantluk hei: kanaipa Hanani leh rekur a rehlam kakeipa Hananiah hei kae. Hananiah hi a’n-angpui omlo taksenthei leh Pathen kaṭit mi kae.

³Jerusalem kekot-hei kha jîngkâr kani kaṭhatak a ahong sōk mak hma seng mahlang mak sik khana khōhlei ting kani tlâk pha akahngâk he’n ansesōt mak hma kamna sik a kamanthei hei. Jerusalema aka-om mihei kâra inphut akahngâk sik mi ankadeina sik khana ankâra mi ajing chu ṭōnhmun ahlopdet a antlona sik khana alakseng in an-inn rajei heia anlôn lelena sik a kamantheisa hei.

⁴Jerusalem kha khōpui kalentak kae, tâk ashunga mi akatam leiom mak hei, khana inn akatam leisak mak hei.

⁵Pathen in mipuihei leh anhlam kakeihei khana anṭōn karônhei mantûpna sik leh an-innshung lekha mazetna ka-ensui sik a amathok eng. Rehringa ahong inle hma kakeihei lekha kha kahmu sōt a hihei hi khava khana a’nhmusōt ṭonghei kha kae:

⁶Rehring surmi katamtak in Babylon ram kha andahlona Jerusalem leh Judah a ama ama khōpui et a hong inle hei. Reng Nebuchadnezzar khan rehringa aleiṭhōi heia inphut an-innkōhei kha surmi kachang heia miram a leika-om jo hei.

⁷Anhlam kakeihei kha Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, khana Baana hei seng hi kae.

⁸Hivahi Israelhei phungṭhen leh rehring surna inphut ahe’nle hei anja kha kae: Parosh — 2,172 Shephatiah — 372 Ara — 652 Pahath Moab (Jeshua leh Joab sōnhei) — 2,818 Elam — 1,254 Zattu — 845 Zaccai — 760 Binnui — 648 Bebai — 628 Azgad — 2,322 Adonikam — 667 Bigvai — 2,067 Adin — 655 Ater (Hezekiah um anti) — 98 Hashum — 328 Bezai — 324 Hariph — 112 Gibeon — 95

²⁶Anpu anpahei athōia khōpuia aleika-om hei, anmani mipuihei kha’m he’nle hei: Bethlehem leh Netophah — 188 Anathoth — 128 Beth Azmaveth — 42 Kiriath Jearim, Chephirah, khana Beeroth — 743 Rama leh Geba — 621 Michmash — 122 Bethel leh Ai — 123 Ahlop Nebo — 52 Ahlop Elam — 1,254 Harim — 320 Jericho — 345 Lod, Hadid, khana Ono — 721 Senaah — 3,930

³⁹Rehring surna inphut ahe’nle thempu phungṭhen hei kha hihei hi kae: Jedaiah (Jeshua sōnhei) — 973 Immer — 1,052 Pashhur — 1,247 Harim — 1,017

⁴³Rehring surna inphut ahe’nle Levi phungṭhen hei: Jeshua leh Kadmiel (Hodaviah sōnhei) — 74 Bek-inn hlakasak hei (Asaph sōnhei) — 148 Bek-inn kahngâk-hei (Shallum, Ater, Talmon, Akkub, Hatita leh Shobai sōnhei) — 138

⁴⁶Rehring surna inphut ahe’nle Bek-inn ṭōnkatlo phungṭhen hei: Ziha, Hasupha, Tabbaoth, Keros, Sia, Padon, Lebanah, Hagabah, Shalmai, Hanan, Giddel, Gahar, Reaiah, Rezin, Nekoda, Gazzam, Uzzah, Paseah, Besai, Meunim, Nephushesim, Bakbuk, Hakupha, Harhur, Bazlith, Mehida, Harsha, Barkos, Sisera, Temah, Neziah, khana Hatipha.

⁵⁷Rehring surna inphut ahe’nle Solomon sōk phungṭhen hei: Sotai, Sophereth, Perida, Jaalah, Darkon, Giddel, Shephatiah, Hattil, Pokhereth, Hazzebaim, khana Amon.

⁶⁰Rehring surna inphut ahe’nle Solomon sōk-hei leh Bek-inn ṭōnkatlo mihei sōn leh pârhei kha 392 hei kae.

⁶¹Tel Mela, Tel Harsha, Cherup, Addon khana Immer khōpui heia inphut ahon’le Delaiah, Tobiah khana Nekoda phungṭhen mi kha 642 hei kae, tâk anmani Israel sōn leh pâr anchangna manchên tor mak hei.

⁶³Athōia thempu phunghei hi anpu anpa thuhming rabu inhmu tor mak: Habaiah, Hakkoz khana Barzillai. (Barzillai thempu phungṭhena anpu anpa inkhat in Gilead a aka-om Barzillai phungṭhena nuhmei inkhat aleiompui khana aterpu phung rahming kha aleilo jo) Anpu anpahei kha tuhei mo ti kha anmanchên mak jâra anmani thempu tia leirahlâng mak jo hei.

⁶⁵Jehudi vaikarônpa khan Urim leh Thummim akahmang tor sik thempu an-om mak kârseng anmani’n Pathen tōkna thlai sâk theimak hei ning tia amanthei hei.

⁶⁶Rehring surna inphut ahe’nle hei ankhenga — 42,360 Ansōkpa leh ansōknu — 7,337 Hlakasak nuhmei-pase — 245 Shakor — 736 Shakorte — 245 Sharîngsei — 435 Shakōrtung — 6,720

⁷⁰Mipui katamtak in Bek-inn saktherna sik a akahlut kha anlei inthōpui hei: Ram vaikarônpa’n — 270 sana kilograme — 50 Rehōia thlengkam — 530 thempuhei zakkō inse Phungṭhen upahe’n — 337 sana kilograme — 3,215 dangka kilograme Alak mipui seng in — 337 sana kilograme — 2,923 dangka kilograme — 67 thempuhei zakkō inse hiseng.

⁷³Thempuhei, Levihei, Bek-inn kahngâk-hei, hlakasak hei mipui katamtak, Bek-inn kasak hei, Israel mipui rakip kha khō leh khōpui heia khō anleisât jo.